根德園, 現任家長的分享

我的小豬

我見好多時有朋友對kv有疑問，想同大家分享下。
(我不是想sell大家讀kv, 只提供我的所見同大家分享下)

我是kv家長, 我仔現讀k3.

kv功課多是真的:
(k3)每天中文抄寫二版, 一版詞語,(昨天教"捕鼠", 之前是"耕種", "飛蟲", 身體";  一版句子e.g: 農夫忙耕種。
還要畫所學詞語的圖。

每天英文抄寫二版, 一版詞語,(昨天教"slow") 一版句子: walk slowly please.

每週默中文一次，英文一次, metal test (心算)2次。

辛不辛苦?我覺得仔仔不覺辛苦, 他已習慣了這樣的時間表，是每天他的"工作" k1起就自動自覺做功課。我覺得小朋友白紙一張，從小循序漸進地給他功課(k1,k2功課不多,回家只略檢查就ok)，他們不會覺辛苦, 只是我們家長,一看見"飛蟲""等筆劃多的字，少不免"嘩"一声"洗吾洗禁深呀!"，但我可以告訴你, 那只是我們一廂情願的想法：我仔一點不覺得, 只是一個新詞語吧。

默書方面k2我從未幫他温習過，k3因他所學字句已太多,有時會忘了很久前教所, 所以要幫他覆習下。但基本上kv小朋友, 教完的字因經抄寫, 已經差不多一定識默...

實話實說, 我遇到的仔仔的老師, 不能說'very nice"除k1班主任比較"nice"外, 其他老師比較似....吾識講..我覺得似小學老師:
他們不會用可愛聲線同小朋友說話, 有些也真幾嚴簫,(但肯定有禮及盡責) 也會責駡不守規的小朋友的(我仔話老師有時好惡的)！我仔對班主任的態度是又愛又怕, 做了好事好想快些返學告訴班主任。相反他曳時我只要話:寫手冊話比Ms.x 聽，仔就即時吾敢曳。仲靈過警察叔叔。

總之，我覺得kv有一套方法使小朋友愛上學, 愛老師而又不知不覺中學了好多好多(相對其他朋友的子女, kv小朋友識字和數學確高出好多)。

只是好多家長覺得學那麽多, 多麽深, 老師又不是輕聲細語, kv家長是扼殺孩子童年....
我當年也一樣這麽想過, 怕自己選錯校!但經過2年多, 從仔仔和同學中知道我沒選錯, 不錯他們抄寫很多, 默書多, 但他們同時也學得多,自信多...
最重要的是,他們都很愛學校愛上課愛老師...

功課壓力大???...依我所見，壓力是家長比自己所, 要push孩子...否則, kv的孩子都歡天喜地, 沒有壓力!

沒旅行是真的, 沒有課外活動，沒有家教會也是真的,,,
對於我來說...仲好...
以前仔仔的幼兒園，一學期十次八次參觀呀, 考察呀, 旅行呀，街市看魚呀, 公園執樹葉呀, 全部"邀請家長陪同", 對於上班一族的我, 壓力才真大。況且kv一級幾百人, 若要外出, 也真很大陣象！


kv成功辦學40年, 他們一定有一套方法的, 就看你buy不buy!

IWAT

多謝分享.... 你所講 " 以前仔仔的幼兒園，一學期十次八次參觀呀, 考察呀, 旅行呀，街市看魚呀, 公園執樹葉呀, 全部"邀請家長陪同", 對於上班一族的我, 壓力才真大。" 令我要反思, 其實將來學校d活動我可以同囡囡參加幾多呢 ?  如果唔去, 會唔會影響囡囡係老師, 學校, 同學等的印象... 影響囡囡的心理發展呢 ???  可能我太緊張了吧 !!!

moonychan

樓主, 以你所見, kv 會唔會收 "頑皮" 仔/女呀?

會唔會係個個學生都比較 "啖定" 既呢? 雖然未收我仔仔, 但我仔仔都係比較衝動 但 學野好快既 type, 唔知岩唔岩讀 kv.....

我的小豬

以我所見"頑皮" 仔/女多的是!!!
一級幾百人, 冇可能個個啖定!3歲仔幾多不頑皮呢?而且我覺得衝動派入去kv學呢discipline, 也不錯的!

原文章由 moonychan 於 07-11-21 15:49 硐表
樓主, 以你所見, kv 會唔會收 "頑皮" 仔/女呀?

會唔會係個個學生都比較 "啖定" 既呢? 雖然未收我仔仔, 但我仔仔都係比較衝動 但 學野好快既 type, 唔知岩唔岩讀 kv..... ...

fatkk

Millions of thanks for ur sharing.
Really impressed of what u said & gave me a impulse to put KV as 1st choice (if my daughter is so lucky to be accepted). And, I'm thinking if KV has its own primary, then would be a perfect!

原文章由 我的小豬 於 07-11-21 14:28 硐表

我見好多時有朋友對kv有疑問，想同大家分享下。
(我不是想sell大家讀kv, 只提供我的所見同大家分享下)

我是kv家長, 我仔現讀k3.

kv功課多是真的:
(k3)每天中文抄寫二版, 一版詞語,(昨天教"捕鼠", 之前是"耕種",  ...

moonychan

我的小豬

你都講得岩, 我仔仔雖然係比較 active, 但一叫佢睇書 & 學串字佢都好有興趣. 希望有好消息from kv 啦.

原文章由 我的小豬 於 07-11-21 18:33 硐表
以我所見"頑皮" 仔/女多的是!!!
一級幾百人, 冇可能個個啖定!3歲仔幾多不頑皮呢?而且我覺得衝動派入去kv學呢discipline, 也不錯的!

MandyChau

多謝分享, 請問KV幾時開始要學寫字?

BigBoyMaMa

謝謝妳的分享! 希望可以收到好消息!

easybring

我係kv k1家長, 有時我諗"只要信, 不要問, 你入黎讀就知架啦!" 就係kv想要既家長.  我當然信學校有方法教啦!

stliu

咁各位現任家長可唔可以分享下根德園的英文程度呢?因為大家可能都比較清楚根德園係著重中, 數多D, 咁英文又點呢? 唔該晒.

原文章由 easybring 於 07-11-22 12:21 硐表
我係kv k1家長, 有時我諗"只要信, 不要問, 你入黎讀就知架啦!" 就係kv想要既家長.  我當然信學校有方法教啦!

peipeibb

我都不是偏幫KV,, 好動小孩入KV 確係唔錯的選擇!  我仔都是活躍好動派份子, 想當初正考慮KV抑或其他所謂活動教學的幼稚園, 最後都係選擇KV.  因我生怕再入所謂活動教學時會更難教佢discipline, 現証明KV 是work的.

囝囝現讀K2, 由K1開始到現在做功課都不是問題, 通常很快都會完成.  在課堂上, 老師會鼓勵學生作答, 不是坐定定的, 我囝都係主動多咀的小朋友, 自K1到現在, 性格都無變, 仲好鐘意返學.  除基本學術知識外, 也有專注力訓練等, 並不是外界所講只是死板讀書, 教生字除教字型認字外, 筆劃次序讀法都會仔細教, 依家仔仔見字就算唔識寫, 但都識講橫直撇彎...等等, 基本功很不錯!

無可否認, 學校是無什麼大型outing活動, 不過, 星期六日作為家長的我們都會帶小朋友出外周圍去, 其實, 小朋友一樣都可以吸收不同的課外知識, 這並不是一個大問題呢!   我想要的是小朋友在學校學東西, 返學3個鐘裡真的是愉快學習, 一日24小時咁多時間, 課堂以外其他時間就由佢活動囉.  至於, 英文程度, 學校是沒外藉老師也沒phonices的.

入讀KV 之後, 確係有意想不到的收穫!

[ 本文章最後由 peipeibb 於 07-11-22 14:56 編輯 ]

moonychan

peipeibb

我想問, 你仔仔是活潑型, 咁佢 interview時有冇話坐定定呀? 我仔仔 interview時, 佢都肯坐定定, 肯答老師提問, 但老師問我仔仔識唔識自己屙veevee時, 我真係心一沉, 覺得死梗. 2歲多 d 姐, 到3歲可能識呢, 唔知佢地是否真係揀 d 易教既小孩呢??

雙子媽媽

moonychan,

我個囝都係'蘿柚尖'- 坐唔停的人 , 仲有一日咀唔停, 不停講不停問. 我想入kv都係想train佢的discipline. interview時, 老師問佢識唔識自己去toilet, 我都係答唔識. 講真, 10個有9個半依家都係唔識架啦, 出年入學時可能得呢? 況且我知有d 小朋友入學時連尿片都未戒. 我知學校可能prefer佢地識, 但at this moment, 應該無咩邊個係得的. 所以呢樣我又唔太擔心會扣分.

peipeibb

原文章由 moonychan 於 07-11-22 14:56 硐表
peipeibb

我想問, 你仔仔是活潑型, 咁佢 interview時有冇話坐定定呀? 我仔仔 interview時, 佢都肯坐定定, 肯答老師提問, 但老師問我仔仔識唔識自己屙veevee時, 我真係心一沉, 覺得死梗. 2歲多 d 姐, 到3歲可能識呢, ...

點解外人成日以為學校會選"易教/ 乖又坐定定"的小朋友呢?  哈哈, 其實事實並不是如此呢!  

就我眼見, 小朋友大多都係跳跳扎, 而我囝都係口多多坐唔定的, 班內都有同學同佢一樣 (多數是男仔 ).  有時我會想, 佢地上堂一定好嘈, 究竟老師上堂時是點樣搞得佢地掂?  我好佩服架.

我記得當時 interview都係答老師剛識去vee vee, 不是 big deal 咋.  仲有, 我囝係"細仔", KV都一樣1st round 巳收, 並無別人所講只收 "大仔"因易教等無稽之談呢!

[ 本文章最後由 peipeibb 於 07-11-22 15:11 編輯 ]

moonychan

咁都冇咁擔心, 即係都有小小小小 CHANCE 啦.

係呀, 問多樣, KV 學費是否 WITHIN $2,XXX? 就沒有雜費呢?

雙子媽媽

學費係$24,770 1年, 另全年雜費係$1,168. 呢d資料我係天書睇到的, 唔知up 唔update 呢.

[ 本文章最後由 雙子媽媽 於 07-11-22 15:15 編輯 ]

chingchingb.ma

For 2007/08:

(1) 學費係$2,477 x 10 months;
(2) 全年雜費係$1,168 includes school bag, books, worksheets, and 1 set of summer & winter PE uniforms;
(3) Around $760 for one set of girl's summer & winter school uniforms including the jacket;
(4) If u are taking school bus, the most expensive route is $910 at the moment.

原文章由 雙子媽媽 於 07-11-22 15:13 硐表
學費係$24,770 1年, 另全年雜費係$1,168. 呢d資料我係天書睇到的, 唔知up 唔update 呢.

[ 本文章最後由 chingchingb.ma 於 07-11-22 15:57 編輯 ]

sunrain

Anyone want to have Kentville boy's old uniform?

joetsang

原文章由 chingchingb.ma 於 07-11-22 15:37 硐表
For 2007/08:

(1) 學費係$2,477 x 10 months;
(2) 全年雜費係$1,168 includes school bags, books, worksheets, and 1 set of summer & winter PE uniform;
(3) Around $760 for one set of girl's summer & winter ...

$1,168 所需的野唔係全部必要買新的, 除worksheets外其他都可用二手.

Vickee

唔好意思... 我想問下有關英文呢...? 英文教得如何? 真係好難取捨!! 我想仔仔學好英文... 但kv又不太著重... 但kv其他各方面都幾好... 大家有咩意見!??