仔仔老師話懷疑佢係資優

PCmom

我仔仔剛3歲, 上個月老師問我有無懷疑過佢係資優, 我話其實有, 我問老師, 佢答佢有.
我話其實我只想仔仔係有少少聰明, 佢話佢唔止係少少聰明0個種.
仔仔而家講到好流利0既全廣東話同全英文, 自己學識串生字, 又認到好多英文字. 但係我同老公都無教佢, 佢係睇書學0既!
我而家應該點幫個仔呢?

msnicoleng

我唔係教你點教, 剩係提提你, 記住要教佢休息定時, 我有朋友既女, 佢4歲幾, 智商有9歲, 好叻女, 不過極度唔鍾意瞓覺, 佢連面對評估專家都答話 "都唔知點解要瞓覺, 浪費哂我d時間"    4歲已經咁答.....佢媽咪真係好擔心......因怕佢用得太盡....會好快......你明架啦.....

PCmom

我仔仔都尚算有作息時間表, 同埋好彩佢好肯聽我同佢講道理.

RaymondSir

我真係好想知點先可以生到咁叻既 bb  .....

PCmom

其實我真係覺得有少少聰明就夠.
跟佢都要自己好勤力,因為佢好似強力吸水海綿咁,探索力好強,問到我唔識0既0野,會話"mommy, you check it out and tell me later."

Ma...Mi

PCmom 寫道:
我仔仔剛3歲, 上個月老師問我有無懷疑過佢係資優, 我話其實有, 我問老師, 佢答佢有.
我話其實我只想仔仔係有少少聰明, 佢話佢唔止係少少聰明0個種.
仔仔而家講到好流利0既全廣東話同全英文, 自己學識串生字, 又認到好多英文字. 但係我同老公都無教佢, 佢係睇書學0既!
我而家應該點幫個仔呢?

Dear PCmom,

Excellent! Your son is very good -- 講到好流利0既全廣東話同全英文!!

1) I would like to know have you parents do any special things to teach him?
2) How can you train him to study the books himself --佢係睇書學0既?
3) Have U encourage him (How?) to 自己學識串生字, 又認到好多英文字!!
4) Are you/ your husband also very clever?
5) You maid (if any) is phillipino/ indonesian?
6) Any VCDs/ CD you let your son watch/ listen to?

Sorry for so many questions!  I just want to get your answers so that I can train my BB!

THANKS THANKS THANKS IN ADVANCE!

BTW, you can join some test shown in this 資優colume to "classify" whether/ how well is your son's 資優!!       

臣媽

RaymondSir, Ma...Mi ,
我諗你地對資優有點誤解, 資優兒童係先天的, 照顧佢地一d 都唔輕鬆, 你地嘅反應會令pcmum 好尶尬

臣媽

PCmom,
我唔知點樣可以幫你, 但我相信無限ge母愛加專業人士的意見會令小朋友去發揮佢ge 長處, 加油     

TobiMom

我個女而家4 歲 3 個月 , 新年前, 老師問我個女係咪資優 , 我話唔知...

我個女又係唔鍾意瞓覺 , 尤其是係瞓晏覺 , 有一晚 , 同佢瞓左成個鐘都未瞓著, 咪鬧鬼佢囉 , 佢細細聲話 '成日逼人瞓覺' , 我話你講乜野 , 我聽唔到, 佢再講多次, '你同爹哋做乜成日逼我瞓覺喎 ....

比佢激c

palmchristy

點解咁育定資優係天生的?

我好同意照顧佢地一D都唔輕鬆...

@isonMa 寫道:
RaymondSir, Ma...Mi ,
我諗你地對資優有點誤解, 資優兒童係先天的, 照顧佢地一d 都唔輕鬆, 你地嘅反應會令pcmum 好尶尬

睡覺

我想，智商雖可以由培養而"增值"。
但如果單就 "資優" 一詞--> gifted...
即係上天賜予的意思 = 天生資質優異.....
或許可以說，資優是一種特質吧？

作為一個母親，在我個人觀察自己的孩子，認為他特別之處(當然每個孩子在媽媽心中都是最特別ge)，並不在於他幾多歲學識d乜野，而是他的某些特質和態度與一般孩子的不同。

怎樣說呢？
例如他未夠兩歲已學懂認二百個中文字，及認得二十六個大小楷英文字、數字等，但我從來不是由此判斷這是一種資優特質..
我個人認為，他奇妙之處是，他在一歲以前，已對符號如數字、英文字母有極強的愛好，簡直係莫名奇妙的瘋狂(當時他真的滿腦子都是英文字母及數字，他的特別就在於這種瘋狂吧﹗)。每每帶他到街外、公園，他幾乎什麼都不管(除了他心愛的車車)，只留意街上公園上所有英文字母或數字這些”物體”(他的視線方向都是這些符號。) 然後希望你能回應他(要你跟他一起分享他的”發現”，甚至強逼你唸給他聽，否則就會發火，很野蠻啊)。

每每帶他到鄰居孩子家，他在鄰居家選擇的，全都是和英文字母或數字有關的玩具，樂此不疲，其它的玩具幾乎一點興趣都沒有。(專注於某些事物，這個可能是導致他”偏才”的原因吧？) 歲幾時經常拿著字母數字玩具逗鄰居孩子玩，但那些同齡或非同齡的孩子對他的”僻好” 一點興趣都沒有，所以懶得理睬他。他找不到同好，就會跑去纏著大人來 "談論”他深愛的英文字母和數字，因為大人都不忍拒絕他。

剛滿兩歲的他，整天除了車車，就是拿著數字書及英文字書來自顧自的翻看、串字；坐馬桶時看、吃飯時仍書不離手。(不過這樣一個十分用功的兩歲兒的勤奮景象，在他入讀n1後，生病一輪後，慢慢消失了﹗)

佢兩歲開始，就懂得由一數到二百幾三百幾，英文也數到100，但係，這些我也不覺得有何特別。特別之處是他經常自己拿著筆和紙或薄好努力的寫呀寫，三歲早期，有個階段，他經常無情白事，由一幾乎寫到一千，長時間的坐在椅子上寫呀寫。第一次發現他寫了幾頁密密麻麻的 ”大作”時，真的嚇了一跳，不是驚訝他懂寫那麼多，而是怎麼有這樣一個怪孩子……..﹗

鄰居孩子來我們家畫水彩畫，人家畫得滿紙色彩，他呢，”畫”了一堆數字出來。後來再給他們畫另一張圖畫紙，結果阿仔用水彩畫的，又是另一張大同小異的連續數。三歲多時，如果沒有帶他去check，別人只管說他是自閉兒了，就因為他都是 數字﹗數字﹗數字﹗(有個幼稚園的主任在面試後，就告訴我們她懷疑他是自閉，原因是阿仔對數字的喜好以及阿仔唔多睬佢，唔多望佢。她問我地係唔係其實已經check左證實佢係自閉但又唔講俾佢聽....噢...我當時還未去check啊﹗她這樣說，我決定唔讀佢果間學校啦)

剛滿三歲，他已懂得看時鐘的時和分、懂得全部日期和時間的概念。只是，他懂得我並不覺得有何特別。最特別其實是他對此的強烈興趣和專注的態度。他十分喜愛月曆，常自顧自的拿著月曆看，那個階段，去到別處，他一見月曆就變得很專注，然後又要跟你分享，跟別人分享。中醫見他每次去他那兒都特別留意他的月曆，最後就送了一個大月曆給他做禮物了。

其實，若你發現孩子對某些事物有特殊的喜好和非一般的專注。也許，他的天分就是 “那個”了。當然，有些孩子是通才，強項有很多範，有些則好像我孩子一樣，只特別專注於某一兩項罷了。

仔仔現有個同學，我見他對畫畫及色彩有很強烈的喜好，到他家時，他本是動過不停，怎樣也說不聽，揮拳弄舞的，當下給我仔仔的臉上送了一個瘀青，又踢到我阿仔肚痛 (他也有很好的運動細胞吧﹗)，於是靈機一閃，我和他媽叫他畫畫填色啦。他竟然奇怪地真的馬上安靜下來，立刻拿出填色冊、顏色筆，十分專注的塗畫起來。且不停把他以前的 “作品” 與我分享……。我當時覺得訝異的，並不是他的”作品”有何出色，而是他的熱愛態度和對此的専注呢﹗

所以，我個人 (強調係個人) 覺得資優是一種天生的特質，並不是一種 “成績” 啊﹗

boboma

睡覺,
完全同意你的看法！

我3歲半的仔仔跟你的兒子喜歡的完全一樣！他對車不論是真是假只要有“wheel"就好鍾意，2歲時他就懂得26個字母同1-20數字，整天除了車車，就是拿著數字書及英文字書來自顧自的翻看、串字，e+響街見到車就會讀個車牌，見到招牌有英文字識得0既就讀出，唔識就問我地點讀，見到月曆日曆就好開心，如果個月份或日子錯就會指出要人地改返，做功課畫畫時就只想到寫數字，字母，他大概懂得看時鐘的時和分、懂得全部日期和時間的概念，總之有數字/英文字0既東西都非常吸引他！

呢種天份，真係天賜！

我好想他全面D,想他對畫畫，樂器，科學有多的興趣，但真係無得逼，無興趣一d都唔投入，無計！

資優是一種特質，每個小朋有都有獨特之處，只係碰巧我的兒子對文字較強。可能你的強在音樂`藝術`體育等方面。

boboma

PCmon,
我諗在學術上就唔使太緊張，但EQ就真係要好好段練。因為資優小朋友對自己的強項的要求好高，但有小小挫折就好唔開心，好容易放棄。

例：我仔仔寫個“5"寫唔到就丟筆喊，流住眼淚話唔要寫，我地鼓勵他唔緊要，今次唔得再黎過，學好左就會寫得又細又靚喇，久而久之他就懂安慰自己。依然好易發皮氣，但就比以前好左好多。

試下同仔仔去不同地方，公園，科學館，商場，郊外，宜家家“私”等，擴闊眼光，接觸不同事物，會有更多意外收穫！

PCmom

多謝大家0既分享.
其實我仔仔0既好奇心同學習動機都係自發性0既! 佢唔只每日自動自覺睇書.我記得佢有一次令我覺得真係好特別,當時我買0左兩套英文書俾佢睇,0係舊屋我攞0左其中三本出0黎俾佢睇,佢係睇到汁都撈埋0個種,讀漏一句佢會真係指住0個一句要你讀番(但係0個頁唔只一句,仲係0係本書0既唔同位置).佢要連有一頁介紹套書其他書0既封面都睇埋,其實係細得好交關,好難睇.
跟住我0地搬新屋,0係佢房造0左書架,show晒d書出0黎,佢好輕奮,叫我攞d未俾佢睇過0既書俾佢睇,個名佢講啱晒,因為兩套書好多,好難搵,我當時只係講笑咁叫佢講本書0既顏色,等我易d搵,佢真係講到,原本佢已經記得晒兩套書(總共約21本)所有名同顏色(有成10種顏色).
又試過我買0左另一套書俾佢,佢最初好鍾意睇,點知讀0左3次就唔肯睇,我最初覺得好浪費,點知發現佢睇0個12本書,會全部背晒出0黎.我先明白佢唔再睇0既原因.
不過覺得跟佢自己都要學好多0野,佢都好鍾意交通工具,車0既牌子佢好耐之前已經識晒,而家佢成日問車0既型號,例如Volkswagan Polo,佢會問Volkswagan0既咩型號,要知到係Polo定Golf.同佢眼仔好利,睇汽車雜誌,佢一眼就0係細細格幾十架車裡面,即刻搵到有幾多架Mini Cooper,幾多架Honda Jess.我每次都輸俾佢
佢認路都好厲害,去過一次城門水塘睇猴子, 佢去到荃灣石圍角附近,已經指住話行呢邊行車線去睇猴子,行另一邊行車線去公園,完全無錯.
至現時為止,佢學0野都好自發,遇到佢問我,我又唔識0既0野,我會盡量搵答案再話佢知,等佢唔好失望.我老公就成日同佢玩得好顛,所以仔仔成日都好開心.暫時我諗都係用咁0既方法先.

Ma...Mi

Dear Pcmom,

Thanks very much for your wonderful sharings, it's really inspiring!

I would like to know my info about :

1) more details of pre-school programme in Yew Chung
Is it playgroup? or Nursey school (for age 2)?
School fee? Contact tel/ Address!  THX A LOT

2) more details of Kentville
Is it K1 (for age 3)? School fee? Contact tel/ Address!THX A LOT


                    

Ma...Mi

睡覺,

Your sharings and the real-person stories are really very "touching" & "pinpoint"!!

Toddler's enthusiasm passion to a specified subject is the most valuable thing!   

fat

我亞仔剛剛1歲10個月大，呢排時時唔肯訓覺，每次同佢講要訓覺，佢都即刻拒絕話唔訓覺，有時仲好淒涼地喊...佢會唔會又係.......   

其中一些例子：
亞仔未夠一歲，見到蘋果已能講"apple"，16個月能正確讀出26個英文字母，未夠歲半開始說句子，我地覺得佢語言能力很好，發音好準確，e.g. red、bird、heart....的"d" "t" 尾音好清楚。
同佢讀過一兩次既圖書，再同佢讀既時候，我地停低時佢可以接住讀出之後果個字。
另外佢亦好鐘意音樂，特別係violin，見到就會跟住人做拉 琴動作，一聽到音樂就會不停搖手並說：「指揮呀！」

一路睇住佢既發展，我地都會諗佢會唔會有可能係資優呢？
其實而家仲係言之尚早，但我地知道要做好準備去配合佢既極高求知、學習、探索精神，有時都會覺得佢既發展步伐快得令我地有d氣喘.....

lionly

其實想問下通常幾時會知個小朋友係資優的？

資優兒童會否1歲前都會特別快學識爬...拿奶樽...or其他特徵？

只係想知多d...^_^

Sindy

資優都分好多方面既,但無一定既模式,我諗如果係語言方面既,咪早識講野,體育方面既,身體機能會好d...........係唔係資優都好,都當佢係就無錯架啦

lionly 寫道:
其實想問下通常幾時會知個小朋友係資優的？

資優兒童會否1歲前都會特別快學識爬...拿奶樽...or其他特徵？

只係想知多d...^_^