綠楊 vs Joyful N

babybump

請問有冇家長分享一下綠楊和joyful嘅經驗。 小朋友是活躍型男孩子， 表達能力好但係坐唔定(emoji)。 感覺joyful 幾好但綠楊就好近屋企。 (emoji) thanks

EmmaCook

我都收到呢兩間N班offer我都想要多些近年既資訊thanks

sillyhoho

回覆 EmmaCook 的帖子

Same

baobean

綠楊基本上離開咗荃灣就冇乜人識⋯

babybump

德仔.老豆

綠楊 N 用家. 家長比較低調
我無讀過其他所以無得比較

學校多白人NET, 英文堂有兩個NET輪住上,  weekend video 就有六七個
網上教學算係咁, 一星期八堂 interactive live x 30 分鐘. (四中四英)
每個 Weekend 有四五段片睇, 每段2分鐘到10分鐘不等
老師 ok 有愛心有耐性, 每兩星期番去囉功課, 我都帶埋 B 番去比老師見下
學校有良心, 會退 2 x $4000 津貼比家長 (但退左學無得囉)

我 B 都走黎走去果隻, 又比佢教到定左一丁點. 老師又無點話佢好動之類. 始終都無乜面授~

本人覺得依兩間係荃灣都係好學校

babybump

德仔.老豆 發表於 21-1-24 01:14
綠楊 N 用家. 家長比較低調
我無讀過其他所以無得比較

好多謝你嘅詳細回覆， 我都覺得兩間都係好學校， 所以真係好難取捨。 聽完你講之後原來綠楊n班 都幾好喎。

EmmaCook

謝謝回覆6楊的資訊
同樣想知麗城joyful 請用家分享下英文net 是白人嗎？每星期英語國語授課分別多少時間呢？
學術程度深嗎？N 班現在一星期zoom時間多少？英文國語各佔50%嗎？
謝謝🙏

babybump

之前去joyful open day 時， 荃景嘅老師話 70％ English 30% Mandarin

sillyhoho

回覆 babybump 的帖子

去麗城open day 見到兩三個白人

shasopo

我上緊沙田JOYFUL N 班 可以話佢疫情期間所有分校support VERY GOOD . 我比較過其他名幼, 其他名幼頂多都係ZOOM, 工作紙+ videos

JOYFUL ZOOM 堂35 分鐘但weekly 有learning kit (勁大包同好有心思的教材, 全部都過哂膠) + weekly 工作紙 + weekly 4 條videos. 月月生日會有主題
家長要upload 功課(拍片/ 影相) - 所以家長都要比心機去跟, 老師好有心機比comments . 另外而家仲有埋託管服務. 老師會一個月打來一次同你講下仔仔上堂情況

之前上實體時, 老師好有愛心. 校內得EE 會講廣東話

而我仔細B, 而家佢英文可以簡單回答, 普通話少量 (佢本身唔太鐘意普通話)

希望可以比你參考 (我冇讀過綠揚, 所以比較唔到)

babybump

shasopo 發表於 21-1-28 11:54
我上緊沙田JOYFUL N 班 可以話佢疫情期間所有分校support VERY GOOD . 我比較過其他名幼, 其他名幼頂多都係 ...

thx... 多謝你嘅詳細資料。。joyful嘅配套都好好喎

lflxl

我係兩屆綠楊家長 十分滿意及感激學校教到我仔仔學到嘢、適應到升小。阿仔有同學來自joyful，可能個別例子啦，英文口語流利，但中文數學就好一般甚至偏弱，英文書寫都唔掂。最大問題係性格太自我，無規矩無秩序

shasopo

學校其實得3 個鐘
太自我同無規矩多數家長問題大於學校  

SiuKuenWa

shasopo 發表於 21-1-28 11:54
我上緊沙田JOYFUL N 班 可以話佢疫情期間所有分校support VERY GOOD . 我比較過其他名幼, 其他名幼頂多都係 ...

知道joyful 語境好好，請問學術情況如何？中數足夠銜接到津校嗎？

rainbowchan6

我係麗城Joyful N用家，Joyful 今次疫情真係做得好好，無論係zoom video 同每星期嘅功課都十分認真有誠意，當然有人會話佢學費貴所以包埋，不過經過比較下真係唔一定間間私幼都有，加上就算冇學返，老師都會每星期打電話同家長傾吓小朋友上zoom嘅情況，1月仲開始有托管care service 比小朋友返去，我女返返去都好開心！

當初揀佢當然欣賞佢語境，學校promise 6歲畢業會有外國小朋友嘅程度，亦唔會過份催谷小朋友，但學校有一定嘅規矩，我小朋友十分活躍，初初返去坐都坐唔定，會係課室走來走去，直到而家老師話佢係學校托管上zoom 35分鐘可以坐定定上（N班每天都有zoom 英文/普通話各一半），所以我覺得老師有老師嘅方法。

N班有3位老師 - 班主任係英文老師、普通話老師1位、co-teacher係香港人，面授時課堂只會講英文/普通話，每日時間係7:3，每星期都有phonics, 數學堂，至於大家關心net係咪白人，在於我經驗、有愛心同識唔識教比係咪白人重要，剛開學時好多家長都好緊張哩樣野，因學校都幾聯合國，白人、菲藉、abc或其他國籍嘅老師都有，到而家大家都唔再彈自己嗰班個老師，因為佢哋真係好有愛心同埋好識得教小朋友，每個小朋友性格、名，佢地都可以記得晒，因為N應該係最難搞嘅年紀，經驗同處理突發事情真係好緊要，因為十幾個小朋友一齊喊、一齊走來走去真係唔講得笑，所以我真係10分佩服佢哋！


最後，家長可以諗下自己以後上小想直私定local 津小，揀joyful我諗住可以比條後路自己，屋企全廣東話，係學校可以比小朋友有機會放膽去講英文，即使以後想試直私都仲有一定嘅競爭力，而且哩幾年joyful 升小一結果亦都不錯。

希望可以幫到你。

Busheepbear

我係Joyful用家，當時都有綠楊同Joyful既offer
我個仔都係比較活潑坐唔定，我地揀Joyful因為知道綠楊比較傳統
而家讀左一個月加咁多個月zoom之後都覺得揀Joyful無錯，老師有愛心，好關心小朋友既發展，亦好了解個小朋友既優點同要改善的地方
Joyful班主任係NET，佢講美式英文，唔係白人，但佢既膚色根本唔重要，佢係一個好好既幼稚園老師，全班既小朋友都鐘意上佢堂

SiuKuenWa

Busheepbear 發表於 21-2-15 21:29
我係Joyful用家，當時都有綠楊同Joyful既offer
我個仔都係比較活潑坐唔定，我地揀Joyful因為知道綠楊比較傳 ...

多謝分享！可以講多少少joyful 實體課時每日嘅流程同reading scheme 嗎？同埋中文係咪會冇咁好？

rainbowchan6

回覆 SiuKuenWa 的帖子

Joyful N 用OST, 上K會用ORT, Phonics 用letterland ，N暫時冇太多中文要佢地認住，就算上堂暫時都係遊戲為主，每天都有英文堂、普通話堂、有簡單數學認知，每星期有音樂堂，逢2、4著體育衫
一入校門只可以講英文、普通話2種語言！

SiuKuenWa

rainbowchan6 發表於 21-2-17 08:42
回覆 SiuKuenWa 的帖子

Joyful N 用OST, 上K會用ORT, Phonics 用letterland ，N暫時冇太多中文要佢地認住 ...

好詳細呀，唔該晒你！Joyful 英文真係冇得輸