IS 寶校

lovelysnake

LS 有寶校，IS 有冇？

Pan2013

請問係咩意思？

tibbar2011

I think it means undesirable schools? But there is no allocation system for IS so presumably you would only apply to those that you find acceptable ...?

lovelysnake

見到有post 話有D IS 一定唔揀……所以想知道係邊D

細佬Bebe

IS既寶校好個人
有人當係寶 有人當係草
因為無咩DSE成績 入本地大學率個啲咁易比較既數字 就無咁易被大家一致認為係名校 / 寶校

舉幾個例子
有啲人唔鐘意FIS中文少 但有啲人就覺得佢勁在教到連法國仔啲普通話都咁勁
有啲人唔鐘意ESF 大班同”聽聞”懶散 但又個個爭住入 俾50萬INR都一早賣哂

只有適唔適合 無一間完美

siuwing6

lovelysnake 發表於 20-10-25 00:02
見到有post 話有D IS 一定唔揀……所以想知道係邊D

咩叫做有D IS一定唔揀？ 哈哈...我真係無聽過人咁講（可能只係我身邊無朋友咁樣講過，唔排除有人咁諗）每間學校「各有千秋」，係我心目中係唔會咁樣形容及比較，因為學校係講小朋友適唔適合，家長認唔認同。

Osiana

lovelysnake 發表於 20-10-25 00:02
見到有post 話有D IS 一定唔揀……所以想知道係邊D

IS 唔同 LS，因為LS係同一個制度下，可以直接比較。 IS各有特色，視乎家長個人喜愛。 就算好多無咁出名嘅IS，都好多捧場客，小朋友都讀得開心。 有D 英國老牌學校來香港開分校，都未必一定好。


百貨百客。提出呢個理念嘅家長，其實都離不開 LS嗰種競爭比較心態。

講真，香港人咁識計數，邊個會俾咁多錢去讀寶校   

boyzzzz

請問寶校係咩意思呢？無聽過依個學校稱呼。
如果係指唔好、冇人想揀同比個仔囡去讀15年嘅學校，我諗常理上講唔通，因為至少冇人會選擇比一百幾十萬買依個入學機會，又或者一年比10幾至30幾萬送個仔去果度。
國際學校某程度上行市場機制，精明香港消費者會自己走位。

钧熹

各有特色，很難比較。睇自己鐘意邊款，小朋友適合邊種制度

Star.Star

國際學校啲老師流失率好高
今年既好老師教呢間，下年後可能去第二間
唔似香港學校入去做都留低五年十年二十年


學生入到課室上堂，個老師係最重要
遇著個無責任感求其既老師，俾你讀爭崩頭既國際學校都係浪費錢浪費時間～
所以揀國際我認為最重要係睇你將來諗住邊度升學，讀返嗰度或者銜接到既課程，然後就睇你中文要繁體簡體，課外活動有無你想要既嘢，同埋地點
當然大前提係學費啦～

bluepand

只可以講每個人心中嘅寶校都唔同, 正如一間個個嚮往爭住入嘅對我嚟講係寶校, 一間好多人話唔鍾意唔想入嘅, 但又有啲人覺得唔錯

mandy_ng207

首先要搞清楚「寶校」嘅定義，我諗人人唔同
我本人角度，只有政府學校才會出現寶校，因為佢哋冇得揀學生，又唔會收貴學費，所以一班背景比較差嘅學生會被派去入讀，老師再好都救唔番呢班學生，因為佢哋多數屋企有問題，學術底打得唔好，冇心機讀書。
國際學校就係市場主導，畀得起錢送入去嘅父母資源一定好啲，相信再差都唔會好似政府Band 5學校咁大鑊。

lovebb2

lovelysnake 發表於 20-10-24 21:39
LS 有寶校，IS 有冇？

寶校 定義是 長期有位（如你有錢，就算學術操行好差，都會收） ？？

964000

lovelysnake 發表於 20-10-24 21:39
LS 有寶校，IS 有冇？

唔好將LS個套文化搬來IS吧！
LS口中的寶校，是派到人人都即刻要扣門走的津校，主要原因是local 家長介意學生的profile(新移民，南亞多），家庭背景，及升band 1率低，stigmatised左D學校。
但IS 是market driven, 如果係「寶校」怎會有人比錢去讀。至於「冇咁受歡迎」的可能是校舍/學費/地點等問題，但總有它的價值和服務到的學生，否則自然會受淘汰。

poonseelai

use "寶校" to describe a school is not appropriate, irrespective of whether it is LS or IS.  We,as parents, should respect all students.  Not everyone has the resouces to choose his/her own school.

jane__411

回覆 lovelysnake 的帖子

點會呀....無咁受歡迎我相信有，但IS比既學費係cover咗好的師資、英文語境同讀書環境，我諗正常唔揀又貴校社又差果啲，或者太多中文同中國人囉，但都唔代表人哋啲學生差，同熱門果啲未有位都要讀住先，除非唔介意在LS繼續磨。。。

chbch

"寶"馬山上的學"校" ? 有的, 好幾間.

Moonlight819

964000 發表於 20-10-25 11:38
本帖最後由 964000 於 20-10-25 11:52 編輯

唔好將LS個套文化搬來IS吧！

絕對是！根本IS是給不滿意本地教育的家長比錢去選擇的另外教育，LS之所以有所謂寶校是家長沒有選擇下入到他們不想入讀的學校，我想不會有人每月給超過一萬去讀不想入的學校吧！所以IS只會有較受歡迎或較少人選擇的學校！

964000

lovebb2 發表於 20-10-25 11:09
寶校 定義是 長期有位（如你有錢，就算學術操行好差，都會收） ？？

你口中「長期有位」的學校，我都識朋友兒女讀緊仲好happy, 揀得總有其原因，例如local初初轉去。
成績差有好多原因，可能傳統學制不適合，可能情緒問題，就算資優也有成績差的，這些學生也值得一個機會找回自信，如果轉了可以重生，不代表local深IS淺，只代表傳統學制對某班學生弊多於利吧。
至於所謂操行差，我記得正生書院校長講過，未見過一個學生是真正壞的，大部分都是學習比唔到滿足感，家庭關係差和壓力之下而作出反叛行為，學校更需要在佢地真正「變壞」之前幫一把，而不是直接「放棄」或「踩多腳」。
所以大家不應該歧視這些學校，大家只是選擇match 番自己小朋友的學校，政府唔理，家長唯有自己比錢解決。