發現小朋友嘅英文水平比同齡低

rice821

我地本身係雙職家庭，小朋友長輩湊，今年K1開學不久先剛剛熟識學校，而家仲因疫情提早放暑假，我比較返其他同年紀小朋友英文水平係相差甚遠

luzsdavis

rice821 發表於 22-3-21 09:40
我地本身係雙職家庭，小朋友長輩湊，今年K1開學不久先剛剛熟識學校，而家仲因疫情提早放暑假，我比較返其他 ...

我小朋友都係K1,英文oral比同班稍遜。硬性條件無得變，唯有外補英文：phonics+英文班。黎緊請私補zoom練oral. 平時我會抽時間同佢認讀多啲。我小朋友剛剛掌握簡單blending,ORT認讀到level 2。伴讀好緊要，儲vocab儲到一定程度就會進步。

hsy_minnie

小朋友大b定細b，年頭年尾爭好遠。

boyboobee

可以試下選擇一啲英文DVD，例如Leap Frog嘅Letters factory，或者上Youtube睇下啲同Phonics有關嘅片，同埋睇下啲英文卡通，唔需要中文字幕。小朋友多睇多聽，點都會學識一啲字辭，甚至短句子，當然如果可以同小朋友一齊睇最好，之後用返片中一啲字辭句子，配合相應情景去運用，小朋友會好快學識。呢啲如果每日做半小時，相信好快有效果。

rice821

hsy_minnie 發表於 22-3-21 15:20
小朋友大b定細b，年頭年尾爭好遠。

大b，年頭出世，見其他年尾出世的同學仔仲叻過佢好多，因為長輩照顧，平時講廣東話加鄉下話，完全唔識英文，變左零接觸英文

hsy_minnie

小朋友仲細，仲有時間追嘅，可以考慮搵老師上門教。

rice821

hsy_minnie 發表於 22-3-24 18:00
小朋友仲細，仲有時間追嘅，可以考慮搵老師上門教。

我都想，不過應該唔會啦，始終疫情未明朗，加上長輩都屬於難相處，工人姐姐都趕走左兩個啦...

jenny_bbb

不如買d教材放假嘅時候教小朋友，真係唔係辦法，因為唔知疫情幾時停，咁樣空白一片，上到小學唔知點算

hsy_minnie

我都覺得媽媽要辛苦啲星期六日去教小朋友了。

Azzurro

雙職家庭，長輩照顧，平時講廣東話加鄉下話，完全唔識英文
--- 好多人都係咁，可以平日叫老人家放 youtube：peppa pig 故事，每次 20分鐘，一日幾次

你都不會週末兩天都冇時間吧？
你自己本身英語水平如何？

英語訓練唔係短時間有效果，急唔黎

KWLW

始終仲係K1, 仲有時間追, 英文始終唔係母語, 唔會自己飛左入小朋友個腦裡面, 所以要俾多D機會小朋友接觸英文, 習慣左, 佢就會自己拎書去睇, 至少中英文平均都會睇, 唔會只偏向其中一邊

好多人都無姐姐得老人家湊, 所以真係靠家長伴讀, 加油!

rice821

我本身工作都幾忙，好彩星期六日可以放到假，有d咩教材比較容易使用上手，因為我都無時間周圍去搵，有無介紹用開ok

jenny_bbb

rice821 發表於 22-3-28 23:27
我本身工作都幾忙，好彩星期六日可以放到假，有d咩教材比較容易使用上手，因為我都無時間周圍去搵，有無介 ...

我小朋友用開Dmind And The Prince，成套係0-6歲都啱用嘅，如果冇時間去自己搭配書本教材的話，都係一個唔錯嘅選擇

臭Patpat小B

如果工作比較繁忙，我覺得分階段有系統嘅教材相對上比較方便，因為已經幫你編排好唔同程度，變咗家長唔使左度右度

rice821

jenny_bbb 發表於 22-3-29 02:23
我小朋友用開Dmind And The Prince，成套係0-6歲都啱用嘅，如果冇時間去自己搭配書本教材的話，都係一個唔 ...

我平日忙到抽唔到時間去處理小朋友既事，更加唔好講話幫佢睇下學d咩，簡直係不可能的任務，如果有哂規劃去跟真係幾好

jenny_bbb

套教材有點讀筆，見你講話屋企長輩講廣東話同鄉下話，咁如果小朋友大少少嘅時候可以自己用點讀筆

rice821

jenny_bbb 發表於 22-3-30 00:58
套教材有點讀筆，見你講話屋企長輩講廣東話同鄉下話，咁如果小朋友大少少嘅時候可以自己用點讀筆
...

咁都幾好，如果佢自己有興趣睇既話，可以自己用點讀筆去閱讀，又唔需要靠長輩讀俾佢聽

notcool

rice821 發表於 22-3-29 22:01
我平日忙到抽唔到時間去處理小朋友既事，更加唔好講話幫佢睇下學d咩，簡直係不可能的任務，如果有哂規劃去 ...

是的，平日工作日非常困難。 但是，如果每天至少可以花 15 分鐘一起閱讀，那會有所幫助,因為孩子喜歡互動.最重要的是建立習慣和興趣

臭Patpat小B

媽媽要加油，呢兩年小朋友都過得唔容易

rice821

多謝你，第五波爆成咁真令人擔心，希望小朋友可以早日正常返學，又要返工又要擔心小朋友健康同學業，真係壓力好大