行為問題

lkube

唔知点處理我小朋友的行為問題，例如我小朋友會見到其他小朋友拿住佢鐘意的玩具時，就咁拿左人，就咁拿左去玩唔問人，又唔俾番人，有時又會推人，真係好苦惱唔知点教，講極都係咁

lkube

有冇家長可分享下你地小朋友的行為問題嗎？

DENNIS201

出街食飯坐唔坐得定?
坐巴士又咩情況?

lkube

食完就起身玩，食嗰時都肯坐
坐車又好定，會由頭坐到尾
坐船就唔得，佢唔鐘意坐，會好不安，又叫又喊係咁話唔坐船

DENNIS201

我仔又係好唔定...坐MTR一兩個站就一定要落地
比部iPhone佢自己玩可以有10分鐘安靜

money82

首先你仔仔系自閉定正常普通小朋友？知吾知擁有權道理，如這件是媽媽，那件是自己。如果知就易教D。由家居訓練，一件本來是吾屬於他，但他又想玩，他想要每次都教他問你借，講完比距玩，玩前要教他玩一陣比返你，（吾系等玩完，先比你）。和教一輪後訓練

lkube

他有自閉傾向的，近來發現他有這種問題，愛搶人玩具，点講都唔俾番人，要tum好耐和用其他東西分散注意力先得

cyriliris

請問你點知佢有自閉傾向？ 我仔都好似係

lkube

小時說話遲，有自我刺激行為，學校叫評估

monkeidance

行為問題從小教會容易點，但家長要好堅持。
如果你小朋友是幼稚園或初小，可以試下用"社交故事" (http://www.hkedcity.net/sen/asd/ ... 34525b719397b220000) <<<這本我不知道內容，不過想俾家長知咩係社交故事。

你可以自己以四格漫畫作個故事講俾小朋友聽都得，最重要係俾佢知"你明白佢的感受(想玩)"、"講俾佢聽對方的感受(唔開心)"、"不恰當行為的後果(無人想同你玩或借野俾你玩)"、"教番正確行為(要先問或示意對方你想借黎玩, 因未必個個都有口語力能, 所以統一要求要講到有時未必合理)"，當然也要補充若對方不答應借俾你玩時你可以點做。故事句子最重要簡而精，附以圖畫(最好係小朋友喜愛的人物)及想法框框，就可以當bed time story同小朋友成日講~

對年紀較小的自閉症小朋友, "社交故事"係一個幾有效的方法~ 不過對高小(或小三)的就不一定有效, 咁又要諗另一啲計仔~ ^^!

利申：不是家長