想問小朋友測驗好低分會唔會唔開心

baba930

小朋友小一, 剛剛派測驗卷, 好好低分,真是好唔開心

Umi

見到低分梗係唔會開心喇! 但係都唔可以閙小朋友的. 因為佢已盡力, 如果係我, 我會睇返佢係唔小心錯定係根本唔明課書講咩! 以後咪同佢多D温書, 唔好exam/test先温, 可能會好好多. 小一.....仲有好多路要行!

happyvalley

原帖由 baba930 於 09-11-4 16:37 發表
小朋友小一, 剛剛派測驗卷, 好好低分,真是好唔開心

做得父母，最難過就是呢個時候，溫書讀書唔難，要令到小朋友接受，明白，了解問題所在，加以改善，然後才可以進步，提升成績，才是最好的從錯誤中學習。

c.sweet

平日已經好多功課做, 根本就冇時間再溫書... 最慘就係原來測驗日都仲要上堂, 放學仲有功課做(雖然較平日小功課), 所以可以溫書既時間更小, 點會有好成績呢!

黃巴士

哽係會.
仲會偷偷炆自己&唸"點解小朋友考得差"???
炆完後, 跟著就重整棋鼓再作戰.

IRON

非常同意.

今次大測仔仔中文科係我底線以下, 我都好炆係咪自己教法有問題, 而家開始集中火力主攻, 同佢講努力下次大考追分.

不過話時話, 自己既底線係一年要比一年降低, 因為真係多左好多野同深左好多, 一, 二年級時仲係8/9字頭, 而家我都要調節下啦.

樓主, 妳果個係小一, 好多野都未適應, 唔知個模式係點, 妳要重點推介, 教佢d技巧, 我仔仔小一時第一次英文聆聽食蛋, 因為第一個聽得黎寫唔切, 之後寫得黎又聽唔到啦.

原帖由 黃巴士 於 09-11-4 19:35 發表
哽係會.
仲會偷偷炆自己&唸"點解小朋友考得差"???
炆完後, 跟著就重整棋鼓再作戰.

[ 本帖最後由 IRON 於 09-11-5 09:49 編輯 ]

HappyEE

原帖由 baba930 於 09-11-4 16:37 發表
小朋友小一, 剛剛派測驗卷, 好好低分,真是好唔開心

做阿媽要學識平常心, 今次我囡中文分都低, 真係有d唔開心, 但我學識唔比壓力個囡, 個囡平時分好高, 我知道佢識及應付到, 上年小一測驗寫得太慢, 做唔晒份卷, 但做佐的都全對, 今年我提佢唔好寫咁慢, 點知今年佢太心急, 想的比寫的快, 所以有很多字漏佐, 而閱讀理解, 佢就真係理解佐用自己字答, 不是在內容找答案, 意思正確但唔同model answer所以無分, 雖然今次她的分低, 但了解後, 我又覺得可以接受, 比d時間, 小朋友會進步, 大家一齊努力!

baba930

英文 61分 我還頂得住
英文listening 92 分
中文 44分, 真是好想cry(我), 老公都好唔開心
中文寫作 77 分
maths 90 分
宗教 95 分
常識 82 分

不過我會努力,加油
我相信應該是理解能力比較差

kongkong

樓主, 我仔都係小一, 我仔學校上學期係以幾次的評估方式代替了測驗.
小朋友第一次test, 仲係只番左兩個月學, 真係可能唔慣亦緊張, 真係情有可原.

有左呢次經驗, 下一次一定會好好多.(我都咁安慰自己嫁 )

黃巴士

我小朋友當年與樓主小朋友成績都差不多.

YLMBEE

其實小朋友考試唔合格 OR 分數低當然會唔開心, 但從另
一個角度睇, 佢地吟細個只用45分鐘左有去做晒6-8板考試題目, 又要睇 & 寫, 又要護住時間去做, 其實已經好犀利啦 (有時唸深一層自己都未必做得到). 所以有時佢D分數唔係太理想, 但盡左力就OK喇.

happyvalley

原帖由 momojoyse 於 09-11-4 22:46 發表
happyvalley,

妳常說溫書要平時, 妳小朋友多少年班, 功課唔忙咩, 每天小朋友根本無晒時間, 真係不能安排日日溫書, 我想睇吓妳小朋友的time schedule是怎樣, 等我都可以學吓嘛


...

培養責任感，我囡小三，小二開始已經唔會理佢，要自己做功課，錯左要自己改正，唔明就自己問人，慢慢就養成做功課時、自然了解功課內容及固中意思。

等佢問妳時，先要讚下佢會主動發問，個問題問得好好，好有意思、等等…，祥細解釋，不過千其唔好過多半小時，因為做完功課都倦 la，太長會影響的，長話短說，每日最多做到七點，吃完飯，就講故事或者玩遊戲。

星期六或日，用一個早上溫中英文默書，我用活記憶，同遊戲記字，開心好多。

多看中英圖書，不單創意無限，還會幫助中英文之講讀寫，對平日功課幫助非常大。多出外玩，身體好先會讀書好。

總結就是，用方法去讀書，不要死背死記，會讀了好辛苦，及提早令到 d 小朋友早熟，無晒童真，唸到都好痛心 。

baba930

用活記憶，同遊戲記字，開心好多。

想請教有何方法呀, 謝謝

well_being

我都請教各位有何方法可以令到小朋友記得生字, 因為我同個仔黙完生字, 第二日佢會忘記得一乾二淨.

happyvalley

原帖由 baba930 於 09-11-6 10:23 發表
用活記憶，同遊戲記字，開心好多。

想請教有何方法呀, 謝謝

其中一個方法，是同佢拆開個中文字，講解下每個部件，有 d 媽咪就作個故仔。

英文當然用 phonics 。

無論邊種方法，都要學作文，一句都好，從文中就自然學到點樣寫，文法。

happyvalley

原帖由 77777 於 09-11-6 15:36 發表
同佢默多幾次啦, 阿仔細個時d字, 第一次默識, 第二次默可以唔識, 佢如果唔夠熟, 默時再緊張下, 就會忘得一乾二淨...

只會經過思考及運用過的那些字詞，先會有長久的記憶，及懂得將來變化運用，如不同情況都運用自如，所謂要經大腦先會記得。單向死記死背無意思無連續的字，短暫就會忙記，當然有一類資優有超人記憶，一本書都可以記得清清楚楚。

happyvalley

原帖由 77777 於 09-11-6 18:02 發表
其實有好多小朋友默錯...有時係多一劃, 一撇, 明明知道點去寫, 就係差左dd....或一時唔記得....

您話一定要理解, 當然岩啦, 中英數常每一科都要, 上到小學高年班無一科唔係, 因d題目唔會問得好直接.....不過樓主講 ...

這個當然、當然。

[ 本帖最後由 happyvalley 於 09-11-9 00:18 編輯 ]