個仔比班主任篤背脊篤到瘀左, 今次又好大力篤肚..

心雨

阿仔3年班, 3-4星期前唔記得做一樣功課, 比班主任鬧時好大力係佢個背脊篤左2下, 跟住又罰企, 返到屋企哭住話好驚個老師, 我睇下個背脊瘀左, 跟住同個仔解釋你自己做錯, 漏左冇做功課, 下次唔好啦, 再叫佢下次醒目地, 唔好比機會班主任鬧佢.  今日, 佢上英文堂時成班由老師帶佢地落去图書館,回班房的走廊上,阿仔單腳jump左2下, 跟住同學仔話比英文老師知, 老師問阿仔有冇, 阿仔好老實答老師佢單腳jump左兩下, 老師罰阿仔抄英文書一次.到班主任堂時,個位同學仔又話比班主任知,班主任好惡好大力用手指篤阿仔肚臍對上個位幾下, 跟住叫佢收拾書包出去,又話要調佢去第2班, 阿仔哭了, 跟住出去....

返到屋企同爸爸講, 爸爸檢查肚臍上真係有塊手指紅印(3點幾篤的, 阿仔補課到5:00幾返到屋企), 都仲見到紅印, 即係好大力, 我晚上8點幾返來仍然見到淺紅印.

英文老師已罰左佢抄書, 而且jump兩下又唔係甘大罪, 班主任有必要再甘大力篤小朋友嗎?

睇完之後好嬲, 搞到我心情好差, 我覺得老師唔係應該係教小朋友點做先岩, 真係唔聽先罰, 而唔係下下用手指大力篤小朋友, 如果篤到重要部位有事點算?

我而家唔知好唔好打去問佢班主任點解, 定打回學校同主任or 校長反映, 但兩種方法我都擔心班主任以後會針對我個仔, 而家學期開始個幾月, 如果比佢針對又要對佢成年, 阿仔一定有排受.

而家個仔同我講好討厭呢位老師同好怕返學, 明明鍾意返學校, 而家搞到討厭返學,好擔心為左討厭老師而討厭返學讀書.  請問有冇媽咪教下我如果處理呢件事, 應唔應該出聲? 唔出聲又擔心佢下次又唔知篤邊度or 打佢.  請幫幫忙! Thanks a lot!

[ 本帖最後由 心雨 於 09-10-15 23:54 編輯 ]

bbfish1992

好似幾得人驚
如果係我都唔知點算
只係諗到影咗相先
「自由廣塲」果邊都有post討論緊阿女比老師打

minmin

跳兩吓就受到咁大懲罰!!!! 你間學校好嚴!!
係咪津校??

小朋友點曳都好, 老師點都唔能夠郁手吖嗎???

心雨

係津校, 而且係我區幾出名的, 我又醒唔起要影相, 但如果真係影左相老師都會話唔係佢造成的, 分分鐘話我地屈佢.  但這事真係影響到我同小朋友, 個仔今早起身返學已好驚,話班主任今日如果再鬧佢or 調班,佢要點做呀, 好驚, 而且班主任教佢3科....唉, 搞到我返工心情都好差....唔知點算好?

wensi

原帖由 心雨 於 09-10-16 10:26 發表
係津校, 而且係我區幾出名的, 我又醒唔起要影相, 但如果真係影左相老師都會話唔係佢造成的, 分分鐘話我地屈佢.  但這事真係影響到我同小朋友, 個仔今早起身返學已好驚,話班主任今日如果再鬧佢or 調班,佢要點做呀, 好 ...

見到好幾個lee d topic 原本唔多想答.

我個人而言. 小朋友係唔會無書讀, 就算係一級名校,如果我仔俾人打我都會走. 我去學校了解發生乜野事, 心平氣和唔係去攪事,亦唔係要有你無我, 我唔明怕乜.  如果學校同老師就因為咁秋後算帳難為我小朋友, lee d 學校不讀也杷!

此處不留人,自有留人處。

[ 本帖最後由 wensi 於 09-10-16 11:09 編輯 ]

lauerica

作為人父母，理應即時作出行動，如果你唔即時處理，老師既行為可能會變本加厲，今次就話篤瘀左，下次錯手天曉得會發生什麼意外，及時作出行動為妙，建議親身到學校見校長，作出投訴，要求老師交待清楚整件事件，如屬實理應作出道歉，如校方未能公平處理事件，講多無謂，報警處理，後亦可向教署投訴，但見樓主字裹行間似乎欠缺勇氣，為左自已個仔，拿出勇氣來，加油吧！

Kittymummy

um... 我覺得你應該先要同校方果邊講, 就算小朋友唔岩在先, 老師都唔應該咁樣做, 更何況你小朋友jump 兩下只係少事, 罰企or抄寫下已經足夠. 返到發現屋企仲有紅印, 我諗個老師力度都係唔細.

10101010

我仔學校三年級開始都係嚴咗好多,跳吓跑吓都要寫手冊告知家長,但老師絕對唔會郁手郁腳打小朋友,假如你相信老師真係咁對你個仔,咁就一定要找老師問清楚。

YLMBEE

原帖由 心雨 於 09-10-15 23:49 發表
阿仔3年班, 3-4星期前唔記得做一樣功課, 比班主任鬧時好大力係佢個背脊篤左2下, 跟住又罰企, 返到屋企哭住話好驚個老師, 我睇下個背脊瘀左, 跟住同個仔解釋你自己做錯, 漏左冇做功課, 下次唔好啦, 再叫佢下次醒目地, ...

其實唔使怕同老師講咗後會有D乜後果, 全港又唔係得佢一間小學.
首先我覺得小朋友做錯乜事都好,咁樣篤佢係老師唔啱.如果我係你的話, 首先向老師了解成件事先, 然後再同仔仔嘅口供夾吓是否有出入. 如果有的話, 直接同老師 or 校長對質, 要幫小朋友取回個公道
如果件事處理好後, 你要多D關心小朋友向學校嘅嘢,如同學、老師.....等, 如果老師 & 校長就因埋件事之後針對你小朋友, 我勸你快D轉校為妙.

黃巴士

原帖由 Charlotte_mom 於 09-10-16 14:11 發表
agree!
我朋友個女, 之前就係讀一間地區名校, 好多人想入果種, 仲要好近屋企, 當時抽到真係滿心歡喜
但老師就係俾唔到關顧小朋友(小朋友有d特別需要), 小朋友唔鐘意返學, 仲留o係度做咩?!
揀學校係一個matching game ...

AGREED!!

重咩依家D老師咁"陰招"嘅..... 施展"督肚"&"背脊".

happyvalley

點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。

Annabellalaw

希望你們不要怪我說話直接,

我初時看到topic也是不想答,因為奇怪家長為何仍要東問西問,係我就轆住去剷個老師（可能打招呼嗰句會温柔Ｄ）,
而家身體有傷,唔係講笑,一早講,根本唔會有第二次！

如果老師冇合理解釋,冇好鄭重咁同我道歉（件事証實係佢做錯咗）,我必定告到去校長,要校長跟進,

傷到我Ｄ仔女,勢係假,我唔信亦唔理會有不公平對待,只要自己問心無愧,唔係偏幫仔女,點會咁冇天理？

係呢個時候,我實做潑婦,虾唔到我！

真係咁冇天理嘅.........

就當自己有眼無珠揀錯咗,仲唔走人？

原帖由 happyvalley 於 09-10-16 20:45 發表
點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。 ...

[ 本帖最後由 Annabellalaw 於 09-10-17 00:54 編輯 ]

Annabellalaw

hi,happyvalley,

點解你話校長會唔介意老師打學生嘅

打手仔都話啫.......

我唔信.....

原帖由 happyvalley 於 09-10-16 20:45 發表
點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。 ...

CHIULHJ

我會第一時間毫不猶豫地站出來跟學校理論，給學校知道老師是不可為所欲為的，若日後囝囝真的被針對，你應該為囝囝轉另一間學校。

brian61950

的而且確,變態的老師真係唔少.
但投訴得就要预左被針對,揾定學校啦.

Annabellalaw

如果家長選擇容忍,避忌,會唔會縱容佢變本加厲？

反而會反抗,會聲討,有機會令佢虾第個都唔敢虾你嗰個？

仲敢針對？唔怕再去煩佢咩？事後我會扮到事事關心,體諒佢辛苦之餘又想個仔品學兼優咁,實行温柔咁煩住佢嚟到實！

我實會咁做！

原帖由 brian61950 於 09-10-17 10:42 發表
的而且確,變態的老師真係唔少.
但投訴得就要预左被針對,揾定學校啦.

[ 本帖最後由 Annabellalaw 於 09-10-17 12:04 編輯 ]

Annabellalaw

再者,依家都要培養學生有主見,有批判性思維啦,咁攪法,容嘜易變成烏龜？

怕事唔係我性格,我嘅仔女唔會係咁！

我都話唔答啦！你哋睇我幾勞氣,好似自己個女比人打咁！

[ 本帖最後由 Annabellalaw 於 09-10-17 12:15 編輯 ]

MaggieHei

如果是我, 第一時間約老師了解清楚.

可能是小朋友錯, 也可能是老師反應過大. 不過, 姑勿論係邊個問題, 都唔應出手. 要知道, 老師對小朋友影響好大. 小朋友見有什麼事老師都是出手解決. 你認為你的小朋友會點呢 ?

小朋友係唔會冇書讀. 再講, 你認為你的小朋友每天上學也要提心吊膽會是好事嗎 ? 什麼名校教不出好學生都是假.

好歹也要去了解清楚是什麼一回事.

你唔出聲啞忍, 只會有2個可能出現的效果. 一是小朋友學你一樣, 有什麼事也不敢表達自己的不滿. 不過, 可以息事寧人 ! 另一個是 : 如果真是老師不對, 佢只會變本加厲. 因為家長唔出聲, 即是你們都認同佢的做法啦.

黃巴士

問吓了解吓咩事先啦!! 問吓唔會秋後算帳掛???
到時見招拆招啦!!  最緊要心平氣和去傾, 先唔好唸到咁WORSE先啦!!!