小一常識時事題

yuenwa

今日我個女係學校做了個"時事鬥一番"的選擇題, 我相信係老師既TIPS, 因為聽日就考常識.

我個女話老師從來冇係常識堂講關於時事的事.  每兩月個先交一份剪報, 仲要唔使學生讀, 只係剪貼同寫標題.  我個女話老師從來冇係課堂上讀同解釋剪報內容.

我覺得時事題問得好過份, 我相信不要說一個6歲小朋友, 我相信連大人都未必識答.  以下就係我覺得幾離譜既題目.

1) 以下哪位議員是民主派"五區總辭" 行動的港島區代表?
(莫講話"五區總辭", 就算連議員係乜, 個小朋友都未必知啦。知道左, 對個小朋友有乜意義?）

2) 港珠澳大橋接駁珠海, 澳門和香港哪處?
(我相信好多人, 係香港搭港鐵, 都未必識得邊條線駁邊條線)

我覺得好離譜既原因係, 當小一常識課本的內容, 全是一些十分淺易的學校生活, 家庭生活等課題, 為何時事題就深到可能時下大學生都未必識得答的問題? 個小朋友學到D乜? 對個6 歲人仔的生活上有甚麼意義? 我可以容易教個女背哂D答案, 但佢唔知道點解, 又有乜意義? 老實講, 你叫我解釋比個女知個答案, 我都唔識.  我真係唔知所謂民選議員的比例代表制係點計.

如果老師問的時事題係圍繞住去年的東亞運動會問, 咁我都覺得合理D, 因為佢學校當時搞左好多關於東亞運的活動, 又要亞女剪有關剪報, 小朋友亦大致上明白東亞運係乜一回事.

我想請問一下大家, 是不是所有小學小一的常識時事都問咁既問題?

[ 本帖最後由 yuenwa 於 10-1-14 23:21 編輯 ]

grace_xian

今年上學期測驗時只問了東亞運動會及豬流感的問題

不過既然老師讓溫習, 為應付考試你都讓小朋友溫了, 知道多啲唔係壞事啦

原帖由 yuenwa 於 10-1-14 22:46 發表
今日我個女係學校做了個"時事鬥一番"的選擇題, 我相信係老師既TIPS, 因為聽日就考常識.

我個女話老師從來冇係常識堂講關於時事的事.  每兩月個先交一份剪報, 仲要唔使學生讀, 只係剪貼同寫標題.  我個女話老師從來 ...

csonliuson2000

Agree with Yuenwa that it is too difficult for a kit of 6, P1 student. Truely speaking even I myself cannot know the answer.

It is pointless to have this kind of exam. It is too difficult !

原帖由 grace_xian 於 10-1-15 11:10 發表
今年上學期測驗時只問了東亞運動會及豬流感的問題

不過既然老師讓溫習, 為應付考試你都讓小朋友溫了, 知道多啲唔係壞事啦