已讀緊l/S位的小朋友，有另外上私家課程？

money82

先講下自己囝囝情況，二歲三個月，扣去早產2歲1個月。讀緊全日l位，另加外面私家每星期2日3小時密集，和一堂1小時單對單。
而加l位和私家課程都開齊，每星期都請假3日早上去上私家課程，下午再返學。上完上午的3小時，小朋友己累，搞到午飯又食吾到一半，午睡又訓得少少。午飯在車上食二，三旦己訓着左。
而加個心好矛盾，想他同時有正式的密集訓練，又可以上幼兒園學群體生活。但有時見他的時間排得密密麻麻，太累了又心痛。因為l位和私家每星期都要求家長回家和小朋友訓練，所以夜晚又會和他訓練半個鐘至1個鐘。而加每日早上起身都說＂吾要，吾要＂返學返密集都見到個門就喊，拉住我講＂返屋k＂。
1，堅持返兩樣，等小朋友適應。
2，是但CUT一様，l位或私家？我和老公意見不一，(呢間l位不是我首選)
3，CUT呢間私家密集，找D星期六或日上堂的私家課程。
請各位有經驗家長比D意見我。

chingchingma89

我仔宜家讀K2，喺一間有I位的幼兒中心讀，每星期會有一個早上請假兩個鐘上社交班，另外有兩日下午早走少少上ST和OT，星期六會上兩個社交班，星期日全日休息，暫時都Okay。

chingchingma89

補充一下，我仔本身排緊E位，不過佢入讀該I位學校的普通位。

ZOUFUREN

money82, 我囝囝都係兩歲早產，現讀緊上午普通幼稚園的PN班，放學食完飯訓兩個鐘再去ABA training，搭車路上食茶點，回家也只有半個至一個鐘空閒可做訓練跟住就冲涼訓覺。我地排緊I位，想問你點解兩歲咁快就可排到I位？吾係K1先有I位咩？

lambk

I位全日一般下午課程較輕鬆，可試轉下午私人位，1:1訓練試轉星期六。

lambk

我小朋友之前也是上午私人密集，下午普通幼稚園。上午只番2小時，中間有2小時時間才返下午校。佢係試過上上下堂瞓著個頭撞枱面。現在k3已停私人，只有上午e位，共勉之

bubibubibuuu

原帖由 ZOUFUREN 於 15-10-08 發表
money82, 我囝囝都係兩歲早產，現讀緊上午普通幼稚園的PN班，放學食完飯訓兩個鐘再去ABA training，搭車路 ...

可以pm我ABA資料嗎？
另你小朋友返幾多日每日幾小時呀？

money82

2015年2月排的，另因為呢間學校有N班，各校有12個名額，他條隊特別快。可能校舍細和舊所以l位有D家K吾選，我又沒有指定學校，所以甘快排到我。

marcoyuen85

請問那裡有星期六社交班？

yiyi0401

你好，我仔都早產30w,依家22個月啦，都係話佢發展遲媛，咩都delay,剛開始可以放手行，唔識講野，只係bb話，我自己幫阿仔排緊私人言語治療，另我想請教點可以幫阿仔trainin g?我都怕我仔上唔到主流幼稚園。。。
另外，因佢好鍾意玩轉野etc一些行動，職業治療師都話佢有d似自閉，又話佢唔太識玩玩具，淨係好簡單玩法，我未帶我仔去評估，我依家應該點做。。。。謝謝大家

money82

上左特殊老師先，言語遲到距開口先上

maggieandrachel

如果小朋友有午睡習慣，個人覺得需要減少一些課程訓練，視乎個人情況，選擇你所講2或3。

始終得二歲人仔，就算系普通小朋友，搞到咁多野，咁辛苦，因為訓覺唔足夠，飯又食唔好，都會影響小朋友在上堂時的情緒同配合，甚至抗拒訓練。有時我們太過緊張小朋友的training, 反而忽略佢地最基本的生活需要。請考慮……

lambk

基督教服務處心橋計劃、協康會、楊震服務處自悠天地等也有星期六社交班

babypatpat

原帖由 money82 於 15-10-08 發表
先講下自己囝囝情況，二歲三個月，扣去早產2歲1個月。讀緊全日l位，另加外面私家每星期2日3小時密集，和一 ...

我情況同你一樣，個囝現2歲4個月，返緊上午N班，放12n.上個月開始安排私人訓練逢星期一2:30-3:30pm上單對單.
逢星期四2:30-3:30pm去領x上ST,剛剛領x話密集式有位，逢一，三，五，2:30pm-5pm。我報左。我同老公都好想個囝上密集式，想快d有成效，但個心又好不忍，驚小朋友頂唔順，由朝早捱到下午，無得瞓晏覺。因為我囝早上7am左右要起身預備返學。至從返學後，斷斷續續病。
真糸好矛盾好難取捨

kiki217

其實小朋友最重要係休息，上午上完課，下午又上，其實都好辛苦。我本身小朋友未入n1之前上兩堂單對單，而家上左n班，單對單老師叫我先改上一堂，看看好她的情況如何，再决定，因佢觉得小朋友返学後可能有唔同的進步。

kiki217

回覆 money82 的帖子

其實I位都有日日訓谏，老師都係特殊幼兒教師，同私人的密集一樣都係特殊幼兒教師。

leungsiufan

我囝而家3歲，由上年8月開始上密集班，而家上午上2日密集，1 日上言語治療，星期六上感統同社交班，我囝比我train到冇午睡習慣但晚上訓11至12個鐘，由夜晚8點左右訓到第二朝7，8點

leungsiufan

補充:我囝下午要返n班

money82

我仔而加放假夜晚系訓十一至十個鐘，午訓二個半至3小時，系好訓得。午訓系必須，吾訓，就調到夜晚訓幾個鐘就起身玩。

farm712

我會揀3，俾小朋友有足夠休息和食得飽和自在，係基本，有自開閉症的小朋友係比較敏感和缺乏安全感。如果他已經怕咗返學，會有反效果。