孩子做功課時又哭了！

Laputa

　鄧藹霖  21 January 2010  香港經濟日報
　阿雲的兒子在傳統學校唸小二，兩母子天天為做功課的問題而吵個不停，皆因媽媽急，兒子慢。
　　「我終於明解你曾經說的感覺是甚麼一回事，當兒子還未完成八樣功課，態度卻散漫不聚焦，還夠膽駁嘴時，有道火就由尾龍骨位置迅速燒上腦，很想揍他！」阿雲說時太陽穴在跳動。
　　我輕拍她的肩膊，示意她可慢慢細訴。
　　「他寫中文生字時鉛筆像有千斤重，寫得又慢又難看，次次都只能拿『乙』級，我命令他把難看的字擦掉再寫過，他就哭鬧！天天如是，你說是否氣死人！」
　　假如孩子感到寫字時被嚴密監視，隨時會捱罵，那麼寫字在孩子的腦袋中已被標籤為厭惡性行為，又怎會跟你笑咪咪地寫？若果寫得不夠好，又要擦掉重寫，一版字隨時變成兩版，天亮也做不完呀！
　　父母當然期望子女能每項功課都拿甲級，半條數學題也不會犯錯，但若果孩子態度不合作，功課永遠做不完，一家人天天像置身地獄的話，似乎就應該改變策略了。
　　孩子的八項功課應彈性處理，舉凡是抄寫性質的，父母可放鬆一點。抄寫中文字可以練習字體，但那些抄寫英文生字的功課最無聊，要抄寫五次「elephant」嘛，很多孩子都是先寫五次「e」，然後五次「l」，再寫五次「e」，抄完五次也不會懂得串「elephant」呢！
　　抄寫課文就更費時失事，大可以一邊抄一邊講電話，大腦何須郁動？
　　舉凡功課性質是與啟發思維相關的，我對孩子的要求會特別高。這類功課包括作句、作文、繪畫，而「專題研習」更是最受用，可訓練孩子獨立思考，多閱讀、組織和語文能力，還可發揮無限創意。
　　只可惜因時間關係，不少孩子的「專題研習」均由父母代勞，確實是本末倒置！

^曾小姐^

咁似講緊我既

黃巴士

還夠膽駁嘴時，有道火就由尾龍骨位置迅速燒上腦，很想揍他！」阿雲說時太陽穴在跳動。
*************************************

哈, 哈... 形容得好貼切.

pony媽媽

孩子總是做不到父母的要求，的確是很令人煩惱
，就算是鄧藹霖, 她也曾在教導兒子時錯用體罪, 令她不斷自責, 介紹你看鄧藹霖寫的一本書, 叫"會笑的媽媽", 曾經在一段時期，她在兒子的心目中是一個兇惡的巫婆, 直到看到兒子把她畫成一個巫婆的圖畫, 才終於醒覺, 她的經歷是我們的借鏡, 很有用。

原帖由 Laputa 於 10-1-21 09:30 發表
　鄧藹霖  21 January 2010  香港經濟日報
　阿雲的兒子在傳統學校唸小二，兩母子天天為做功課的問題而吵個不停，皆因媽媽急，兒子慢。
　　「我終於明解你曾經說的感覺是甚麼一回事，當兒子還未完成八樣功課，態度卻散漫不聚 ...

[ 本帖最後由 pony媽媽 於 10-1-21 14:31 編輯 ]

happyvalley

小一時真係發溫，要天天抄中英文，八樣功課，所以…哈哈…我咪幫佢做 law…還有要默書，呸！跟本寫都寫咁耐，點默兩課書，所以我都冇讀過。

宜家咪一個鐘睇完本老鼠記者，內容冲記得清清楚楚，二三個月後問返都記得，真係好彩我都費時理學校。

HoHoMom

why stay in that school if you don't think it is making any sense ?

原帖由 happyvalley 於 10-1-21 17:04 發表
小一時真係發溫，要天天抄中英文，八樣功課，所以…哈哈…我咪幫佢做 law…還有要默書，呸！跟本寫都寫咁耐，點默兩課書，所以我都冇讀過。

宜家咪一個鐘睇完本老鼠記者，內容冲記得清清楚楚，二三個月後問返都記得，真係好彩我都費時理 ...

happyvalley

原帖由 HoHoMom 於 10-1-21 20:29 發表
why stay in that school if you don't think it is making any sense ?

其實我真係好後悔讀津校，搞到宜家自己要教叉不多一半課程，唔轉得校理由係囡囡已經有三年的同學的友情係學校，我同佢講過妳要想轉校，我除事可以，但佢唔想轉。

因為呢個時候去重新認識一班人，但要放棄舊同學，好大風險呢。

silvia_ng

我都好討厭要幫細路仔做專題....如果老師比多D指引, 比多D時間咪好多

兩個細路又要做兩個專題, 爸爸仲老馮唔會幫手, 真係勞作手功 - 我最討厭既野, 全部要幫手參與....有時做到好想喊

happyvalley

原帖由 silvia_ng 於 10-1-22 12:30 發表
我都好討厭要幫細路仔做專題....如果老師比多D指引, 比多D時間咪好多

兩個細路又要做兩個專題, 爸爸仲老馮唔會幫手, 真係勞作手功 - 我最討厭既野, 全部要幫手參與....有時做到好想喊 ...

點解要勞作手功！唔係只要剪報就得，因未做過。

brian61950

i also always 幫佢做, same same la.

原帖由 happyvalley 於 10-1-21 17:04 發表
小一時真係發溫，要天天抄中英文，八樣功課，所以…哈哈…我咪幫佢做 law…還有要默書，呸！跟本寫都寫咁耐，點默兩課書，所以我都冇讀過。

宜家咪一個鐘睇完本老鼠記者，內容冲記得清清楚楚，二三個月後問返都記得，真係好彩我都費時理 ...

do-re-me

我同女兒讀唔晒D書, 後天測驗中文, 我地仲未溫晒, 我好想明天唔返學.(我而家上一陣網,等緊佢做完D功課, 繼續陪佢溫), 真係好多野要讀...........永無休止

happyvalley

原帖由 do-re-me 於 10-1-27 20:28 發表
我同女兒讀唔晒D書, 後天測驗中文, 我地仲未溫晒, 我好想明天唔返學.(我而家上一陣網,等緊佢做完D功課, 繼續陪佢溫), 真係好多野要讀...........永無休止 ...

可能老師會過料的。

yiu_mimi

原帖由 happyvalley 於 10-1-27 20:29 發表


可能老師會過料的。

我都覺得測驗考試前一定要返學 (除非發燒, 病左都要返), 老師會堂上幫小朋友溫習, 溫習既內容可能就是測驗考試既重點!

LoveChild

囝囝現在小一, 又係有專題研習, 不過份野大部份都是在學校做的, 帶了返屋企的部份, 我真係叫佢重做一次, 但係佢無理我, OK, 咁佢自己負責任, 無錯, 見到佢同學的研習真係好好, 但係一睇就知道有專人"教"佢做, (講真, 我都好想, 不過無辦法), 希望佢見到同學的研習自己會反省一下, 因為我唔想第時佢低分會將責任推到我身上

bbJP

原帖由 LoveChild 於 10-1-28 21:35 發表
囝囝現在小一, 又係有專題研習, 不過份野大部份都是在學校做的, 帶了返屋企的部份, 我真係叫佢重做一次, 但係佢無理我, OK, 咁佢自己負責任, 無錯, 見到佢同學的研習真係好好, 但係一睇就知道有專人"教"佢做, (講真, ...

同你一樣! 阿仔自己搞掂,係冇咁"完美",勝在有"童真" ,咪最多差幾分,計埋百分比咪得1分半分之別.佢自己創作先有真正做project的意義.

happyvalley

原帖由 bbJP 於 10-2-1 10:20 發表

同你一樣! 阿仔自己搞掂,係冇咁"完美",勝在有"童真" ,咪最多差幾分,計埋百分比咪得1分半分之別.佢自己創作先有真正做project的意義.

我囡間校無 project 做，想請教下小一 project 要做 d 乜，一年做幾多次和是否 team work，Thanksss.

res

我個仔每年要做一次音樂會project, 即是要去看一次音樂會; 又有做過遊公園的project, 都係一家大細星期日出去做,順便玩埋果的.

大仔現在四年級喇,會自己上網找資料做常識,關於各地不同風俗的project, 去年仲有國慶節資料搜集,呢個攞命呀,要在暑假做, 但距離國慶節太遠了,找不到資料,結果咪是但貼d國旗呀.... 我無乜點幫佢地做架,自己又要上班.

happyvalley

原帖由 res 於 10-2-1 13:52 發表
我個仔每年要做一次音樂會project, 即是要去看一次音樂會; 又有做過遊公園的project, 都係一家大細星期日出去做,順便玩埋果的.

大仔現在四年級喇,會自己上網找資料做常識,關於各地不同風俗的project, 去年仲有國慶 ...

唔該晒，做 project 真是學懂好多主動性學習，我都覺得內容最要緊是自己做，童真童心嗎。

老師如果 comment 得貼，真是對將來好大影響啊。