天水圍小學

風信子

我個女今年9月就要選擇小學,唔知有無家長可以提供天水圍既小學而供參考, THANKS!

yoko(蕃薯媽媽)

hi 我個女都係今年選小學,
你幼稚園有無舉辦參觀小學呀?
天水圍我參觀過伊小,科技創意,李兆基.
元朗參觀過元中校友會,徐澤林.
真係花多眼亂,都唔知點揀好

其他家長 有無意見呀?

風信子

我個女個間幼稚園無舉行過參觀小學只係有好多小學既填色比賽舉行,唔知你個女讀邊間幼稚園呢?同埋你有無心儀既小學, 大家不如研究一下丫.

大小不梁

你好~~
我個仔仔係0岩0岩6月4曰派左小學了.......
72網一共有27間小學,黎緊9 月你會填寫一份自行學位表,你只可以交一間.
你住係天水圍呢一度先?

風信子 寫道:
我個女今年9月就要選擇小學,唔知有無家長可以提供天水圍既小學而供參考, THANKS!

風信子

我想問一下,係唔係可以自己拍門呢?個程序係點,到時係唔係要寫封信呢?你個仔仔派左邊間小學呢?

大小不梁

到9 月幼稚園會比一份form比你,咁你就填寫左(自行),入面只可以寫一間學校,到左交表日咁你就去交表,(要地址証明),佢地會比返一張底比你keep(黃色),你要keep住(將來可能要用黎叩門),再等時間,大約兩個月,咁就會放榜,小學門口會post出黎,咁你就去睇下大有自己個囡囡姓名,如果有,咁就ok唔駛理,再等小學寄信比你.
如果冇,咁你就要等大抽獎了,到06年1月你會收到教育局寄比你ge form,咁你又再填.又再交表,之後又係等時間.大約5個多月,咁就放榜了,咁你先知道個囡囡中左第幾志願.
你所講ge信係交表時係唔駛ge,信係要黎叩門.
而自行果次唔得,你可以自己去搵間私校(要收學費的),到左大抽獎後,你係唔鐘意的話,又叩門失敗,咁你都仲可以讀返一間自己鐘意ge私校.

風信子 寫道:
我想問一下,係唔係可以自己拍門呢?個程序係點,到時係唔係要寫封信呢?你個仔仔派左邊間小學呢?

yoko(蕃薯媽媽)

我女係讀元朗周宋主愛.

其實我對呢區小學認識唔多,而家都係四圍八下.
心儀學校我未有呀,你呢?

風信子 寫道:
我個女個間幼稚園無舉行過參觀小學只係有好多小學既填色比賽舉行,唔知你個女讀邊間幼稚園呢?同埋你有無心儀既小學, 大家不如研究一下丫.

yoko(蕃薯媽媽)

大小不梁,

你已經派左位啦,介唔介意講係邊間呀?
我諗你之前已經收集過好多意見&資料.可唔可以過d料黎呀?

我想問下呢,9月第一輪揀一間學校,如果係宗教學校,自己冇宗教分,係咪一定冇行既呢?

yoko(蕃薯媽媽)

係咪即是 自行--搵定私校打底--大抽獎--叩門
咁想問下 搵定私校打底 直資算唔算架? 咁幾時先知收唔收你架? 另外完左大抽獎 如果抽得唔好, 係咪可以去 第一輪自行選的學校叩門呀?

唔好意思 咁多問題
[quote]
大小不梁 寫道:
到9 月幼稚園會比一份form比你,咁你就填寫左(自行),入面只可以寫一間學校,到左交表日咁你就去交表,(要地址証明),佢地會比返一張底比你keep(黃色),你要keep住(將來可能要用黎叩門),再等時間,大約兩個月,咁就會放榜,小學門口會post出黎,咁你就去睇下大有自己個囡囡姓名,如果有,咁就ok唔駛理,再等小學寄信比你.
如果冇,咁你就要等大抽獎了,到06年1月你會收到教育局寄比你ge form,咁你又再填.又再交表,之後又係等時間.大約5個多月,咁就放榜了,咁你先知道個囡囡中左第幾志願.
你所講ge信係交表時係唔駛ge,信係要黎叩門.
而自行果次唔得,你可以自己去搵間私校(要收學費的),到左大抽獎後,你係唔鐘意的話,又叩門失敗,咁你都仲可以讀返一間自己鐘意ge私校.

Skywan

我都明白大家心情, 下列為一些我知資料。
1. 天主教 :小兒就讀""1, 都几多功貨做, 自行參加興趣班全部於星期六上午返, 先生普通啦。
2. 潮陽 : 比天天多功課, 但潮陽的興趣班星期六全日都有, 視乎妳那一項, 先生很嚴。
3. 科技 : 功課不大多, 普通話教得好, 課外活動多, 注重學術多。
4. 李少基 : 活動D,不太多功課, 聽說双班主任制,只是聽聞, 如有興趣請自行到該校查詢。
5. 英業 : 2005年新校, 原先是元朗校友會小學下午班, 由元朗搬到天水圍。
6. 葉紹蘟 :  活動D,不太多功課, 先生聽說都几好。
7. 方潤華 : 不好。
8. 伊小 : 活動教學, 一條龍, 不用煩。
9. 循道恵理:  一條龍, 不用煩。
10. 獅子會 : 教學都几好, 又多活動。

以上為我去年research information 只供各位參考。  
不過如各位不怕遠, 屯門學校的好d, 例如: 屯官, 蒙因, 何日東,保局一系列小學等都好過天水圍的小學, 因我沒有人帶小朋友返學, 所以就近選了天水圍天主教。

amychoi

Skywan

妳的資料都好有用.

我心大心細, 我可報天水圍同元朗校網, 屯門就可問朋友借地址, 如係三區內選一區, 妳地會點選?

我個人會選元朗多過天水圍, 心總覺得元朗無咁雜, D學校又老牌子, 屯門我完全無認識邊間學校好, 好少去屯門.

我係07年先選, 但而家都好留意定, 搵定料, 怕到時咩都唔知, 就慘.

YOKO

妳個仔好似家姐樣呀, 好得意呀!

yoko(蕃薯媽媽)

你又黎搵料呀?

似家姐即係又係似爸爸囉.冇個似我.慘!

生日快樂! 嘻嘻!
    

amychoi 寫道:
Skywan

妳的資料都好有用.

我心大心細, 我可報天水圍同元朗校網, 屯門就可問朋友借地址, 如係三區內選一區, 妳地會點選?

我個人會選元朗多過天水圍, 心總覺得元朗無咁雜, D學校又老牌子, 屯門我完全無認識邊間學校好, 好少去屯門.

我係07年先選, 但而家都好留意定, 搵定料, 怕到時咩都唔知, 就慘.

YOKO

妳個仔好似家姐樣呀, 好得意呀!

風信子

好多謝各位俾左好多有用既意見我,其實我既心目中都有兩間,第一間係依小第二間係天水圍官小,唔知呢兩間都係聽d同學仔媽咪講開,但以我第一個小朋友來講,我都知機會係好微,我想問如果同一天水圍區,呢兩間小學會唔會收番近佢附近既呢?

大小不梁

yoko:
係呀.....派到第一志願呀~~~潮陽小學!!
都唔係架.....冇宗教都有機會架~~~

大小不梁

yoko:
咁又唔駛唔好意思....我上年都好似你咁架......緊張嘛
1.係呀......
2.私校就係直資....要交學費架,都幾甘架.
3.佢地會話比你知幾時會知架la~~
4.都係呀.....如果自行,統一都係選選擇同一間,機會又會再大d.但係到時可能要interview test個小朋友咁law.先至再決定收唔收你.你要準備信,小朋友係幼稚園ge成績表,獎狀呀..etc~~~做個profile.

謙仔媽咪

依小有2間, 正校都幾好, 但分校就 一個字......"亂"
佢地唔用教科書, 淨係有story book同埋自己出既工作紙, 但d工作紙成日出錯.....

當然, 如果你小朋友資質好, 夠獨立. 去到邊都冇有怕啦.

如果比我排, 我會選:--
1. 獅子會 -- 有系統, 設備新, 今年有2x位派祟德
2. 天主教 -- 舊校, 與祟德有掛勾, 但有考默, 考試時默餐死
3. 潮陽 -- 傳統舊校, 程度&試卷深, 多功課(如果選這間要睇個仔讀唔讀到, 會辛苦d)

ydoris

謙仔媽咪,
    我個女剛派了去何德心,現在等緊天官interview.. 你從那裡可知今年有廿幾個派去崇德架...我睇佢個網頁都好簡單咁介紹..點樣先知得清楚d?我無報天天都想無機會派去崇德架..雖然我老公係天主教徒(掛名個隻).我應否仍等天官呢.我貪佢有3間聯繫中學咁.間校又細,又吾方便我架...真係15,16..我去註冊時,d人話好多德怡讀的都派左何德心..其實我都只係想小朋友讀書開心同第日讀到大學或ive...

大小不梁

我都係係6月4日之後先至知,但係咪真架呢,我就唔係好肯定,我係住係嘉湖ge,而潮陽係係天耀入面,我初初自己果次,咁去交表law,到左放榜冇收到我,但係好多住係天耀ge首名子女媽媽都收左,咁我就唔係好明,咁咪算la,咁d朋友叫我填統一表時,跨區同本區ge第一志願都要寫返佢,咁就一定可以入到,咁我咪照做law,結果係中左.
後來~聽d同學仔媽咪講,原來自行果次學校係會睇個地址,所以佢地會先收有姐姐哥哥先ge,再收住係天耀ge首名子女,如果仲有位,先至再收唔係住係天耀果d....
雖然我到依家都唔知係咪真ge,但係我睇下其他人都係咁.

風信子 寫道:
我想問如果同一天水圍區,呢兩間小學會唔會收番近佢附近既呢?

謙仔媽咪

ydoris,
我姨甥女係何德心P.6, 佢班主任同佢地講的, 佢都選左崇德. 而天官派位我就唔清楚, 以我所知天官較少功課.
但我個人比較鍾意何德心, 佢地默書有系統, 早一個星期派默書紙, 唔會突然今日講, 明天默. 佢地會"拔尖補底", 有分精英班(E班), 多功課, 亦會教得深入D, 另有一班"差"班(每年都用唔同英文字母, 以免標籤), 會做些補底既工作, 例如輔導課, 小老師...

ydoris 寫道:
謙仔媽咪,
    我個女剛派了去何德心,現在等緊天官interview.. 你從那裡可知今年有廿幾個派去崇德架...我睇佢個網頁都好簡單咁介紹..點樣先知得清楚d?我無報天天都想無機會派去崇德架..雖然我老公係天主教徒(掛名個隻).我應否仍等天官呢.我貪佢有3間聯繫中學咁.間校又細,又吾方便我架...真係15,16..我去註冊時,d人話好多德怡讀的都派左何德心..其實我都只係想小朋友讀書開心同第日讀到大學或ive...

BBHONG

我替小兒兩次的派位都選天主教小學 ,可惜每次抽獎都不中選 ,現在入了第二志願的李兆基小學 .其實我都不甚了解天水圍的小學如何 ,只有從網上查資料和口碑 ,我猜天主教太多人競爭了 ,就算現在去拍門都肯定排隊尾,抽獎就是如此講運氣 .
還有最重要的是小朋友的學習程度如何?學校合適嗎?我的想法是培養小朋友讀書興趣比追求成績重要 ,如果學校只重催谷學生成績但小朋友讀得辛苦,到以成績分班時追不上的話還不是做了墊底的那班學生?同一間小學都會有band 1,2,3 之分呀 !雖然如此,但要選的已做過了,抽不中第一志願也叫曾試過了,由第二志願起就選間就算不是名校但更合小朋友興趣的學校吧.小朋友讀書如何其實最重要是中學階段,小學打好學習興趣的基礎,做父母也輕鬆少少 .
這只是我的一些意見感想,到我們四五年級時又要再一次煩中學派位的煎熬了.