【求教】報讀幼兒園，幼稚園

wilsonkaman

小女2015年9月尾出世，想請教下各位媽媽我應該幾時幫佢報學校，想俾佢2歲讀N班…身邊好多人都同我講一出世，拎左出世紙就要報，話我仲未報名太遲了，是真的嗎？我上過某幾間學校網睇，又打左幾間幼兒園問，佢地就同我講唔收細B,有啲就話唔洗咁快報名…攪到我好混亂，求賜教，謝謝!

wong898

原帖由 wilsonkaman 於 16-05-30 發表
小女2015年9月尾出世，想請教下各位媽媽我應該幾時幫佢報學校，想俾佢2歲讀N班…身邊好多人都同我講一出世 ...

個別學校做法的確唔同。

救世軍、仁濟的確係一出世有出世紙就要報，另外都有學券同非學券學校說明只接受某d月份前出世小朋友報讀，所以有家長會寧願俾細b遲一年入學，亦會等學校call waiting .

wilsonkaman

原帖由 wong898 於 16-05-30 發表
個別學校做法的確唔同。

救世軍、仁濟的確係一出世有出世紙就要報，另外都有學券同非學券學校說明只接受某 ...

謝謝你回覆，咁想請問點樣分邊啲學校可以預先報，邊啲要等收生期間先報？我下載左幾間學校啲表格，見到有啲寫住2017-2018年度（k1）入學申請表…有啲就寫住後補申請表（無注明年份）…有啲就表格內有欄俾我填想幾時入學…咁呢啲係可唔可以預先報名㗎？（但打去問左學校就話7，8月先有網上表格下載，但呢啲表格我又係在學校網搵到的哦）

wong898

原帖由 wilsonkaman 於 16-05-30 發表
謝謝你回覆，咁想請問點樣分邊啲學校可以預先報，邊啲要等收生期間先報？我下載左幾間學校啲表格，見到有啲 ...

你邊區學校？

有d學校慣性某d月份upload form再去交

有d學校就會某d月份公布幾時交表

有d學校有機會長期有form在網站但佢有講明幾時出世前小朋友先可以報，因佢地要計返入學9月時已足兩歲或兩歲多d


你小朋友15年9月出世，2歲應17年9月，16-17年度報N.

你要有心理準備去interview 點都係大B表現較好，當然唔係所有學校都只收大B，如名幼就細B大多得waiting. 所以你可多睇下自己區或心儀學校情況。

wilsonkaman

原帖由 wong898 於 16-05-31 發表
你邊區學校？

有d學校慣性某d月份upload form再去交

我心目中有幾間: 聖三一中心，迦南，Joyful, 聖文嘉中英文（幼稚園），學之園…有無媽媽有呢幾間報讀經驗？同埋呢幾間好唔好？

我睇過論壇內，有啲媽媽話細B要報多幾間穩陣啲，我係咪揀得太少啦？（上面5間得4間有n班）

wong898

wilsonkaman 發表於 16-5-31 09:57
我心目中有幾間: 聖三一中心，迦南，Joyful, 聖文嘉中英文（幼稚園），學之園…有無媽媽有呢幾間報讀經驗？ ...

LH : 只收8月15日前出世既小朋友，你好想入就要做超大B，但喱間學校好睇小朋友實力去面試、家長同學校理念是否一致

迦南: 你都報唔到佢PLAYGROUP，因為話往上PLAYGROUP都大部份穩陣收返N，只係AM定PM問題，如你冇上去申請N，大多都係WAITING，到最後4-5月左右其他人有其他OFFER，放棄迦南就會CALL細B


JOYFUL: 一般都易入，收唔收９月B你可以再了解下，但我見朋友讀緊某分行老師好好，同埋會有評語手冊等家長掌握小朋友在校情況。


聖文嘉中英文（幼稚園）：我唔太熟，是否TSUEN WAN?


聖三一中心:都係收2歲以上，同埋好似只收２８個小朋友，細B未必有優勢




其實一般無論大細Ｂ都會報多幾間，因為大Ｂ都唔好諗住一定得！

wilsonkaman

原帖由 wong898 於 16-05-31 發表
LH : 只收8月15日前出世既小朋友，你好想入就要做超大B，但喱間學校好睇小朋友實力去面試、家長同學校理念 ...

明白晒，唔該曬你~我會努力!

wong898

wilsonkaman 發表於 16-5-31 13:12
明白晒，唔該曬你~我會努力!

加油! 為人父母緊張都正常!
我畏會讀LH N班, 希望不久將來成為同學仔!

wilsonkaman

原帖由 wong898 於 16-05-31 發表
加油! 為人父母緊張都正常!
我畏會讀LH N班, 希望不久將來成為同學仔!

好呀，多謝你