分享這半年

sammy416

自從知道吖仔有自閉後，心情真係百感交集，決定放棄高薪工作係屋企陪距，亦多得係呢度有jm教我應該如何去做同介紹學校比我。
半年過去啦！經過自己係屋企努力教同翻學。吖仔進步還不錯，由唔講野到開始講得唔少啦，以前一d都唔會同其他小朋友玩到家開始接受其他小朋友，亦開始有少少眼神交流，由以前超偏食到家都叫食得均衡，但慢慢家自己開始有d懶散了，除了一個星期帶吖仔翻2日學訓練，我覺得自己少左教距，有時真係唔知應該如何為自己打氣？有時還是覺得很無助，jm們我地一齊加油吧！
（特別感謝家翻緊噶學校，無論老師，姑娘，治療師都好好，好有愛心，仔仔亦超中意翻學）

newsky

我仔仔仲未肯開金口！請問你呢半年點訓練仔仔講嘢？

sammy416

原帖由 newsky 於 15-11-13 發表
我仔仔仲未肯開金口！請問你呢半年點訓練仔仔講嘢？

就係不停同距講野，距唔應你，你都要代距答，如果距想要某樣野就一定要距講先比距初初一定會扭到飛起，我就狠心少少由距喊飽先（以前都係我指導距要點講，家距可以主動講某d野，）同一定要距望住你眼睛講，你講野就叫距望住嘴巴

newsky

明白！但我仔仔寧願唔食行開都唔叫！ 都就三歲了 仲淨係識叫爸爸 我真係好灰！

Maria20140423

我都諗邊放棄份工在家教佢，但上堂又學費好貴，而且上堂又用在半日，下午又要訓覺，好似好少時間，可否share 經驗？

vincelo29

原帖由 sammy416 於 15-11-13 發表
自從知道吖仔有自閉後，心情真係百感交集，決定放棄高薪工作係屋企陪距，亦多得係呢度有jm教我應該如何去做 ...

你好，我同你情況差不多，我孖仔由5/5/15由大口環醫院評估他們言語社交緩慢及自閉傾向至現在都差不多半年，我亦因為咁辭去做了14年幾的工作，每天安排治療，返學，回家訓練及做家務，一個人照顧兩仔及老公，初期真係好唔習慣，亦好唔開心，始終人會疲倦，但見他們慢慢進步，由沒有說話及眼神，至現在有簡單句子，如：唔要，唔好，我要書，我要食提子等，亦分別到家中各人的稱呼，學校老師校長又很配合，才讓自己有支持繼續下去。另外，小朋友真係要迫，才會有進步，喊下唔緊要，不過媽媽就真係多陪他們說話，希望大家多的分享，努力

sammy416

原帖由 Maria20140423 於 15-11-13 發表
我都諗邊放棄份工在家教佢，但上堂又學費好貴，而且上堂又用在半日，下午又要訓覺，好似好少時間，可否shar ...

你小朋友幾大？其實真係建議自己係屋企陪距，寧願悭d洗！費用大噶就上堂少d，我家都系一個禮拜2堂，自己多d帶距去街或者去公園玩

sammy416

原帖由 vincelo29 於 15-11-13 發表
你好，我同你情況差不多，我孖仔由5/5/15由大口環醫院評估他們言語社交緩慢及自閉傾向至現在都差不多半年， ...

你仔幾大？家時間耐左自己都懶左，我都係仲有個細噶要照顧，你上堂係一星期幾多堂

vincelo29

原帖由 sammy416 於 15-11-13 發表
你仔幾大？家時間耐左自己都懶左，我都係仲有個細噶要照顧，你上堂係一星期幾多堂



  ...

我孖仔則3歲，一星期上三日，返全日n班，另一個星期就4日，今個月開始言語治療每隔一星期