轉載: 幼兒提升智力切忌密習訓練

jellomama

2009-08-30 東方日報

【專案組報道】近年坊間流行多種提升幼兒智力的教學法，深受現代中產父母青睞，部分人為提高子女競爭力，讓子女甫出生便開始學習。幼兒教育界提醒家長，要小心觀察子女發展情況，過早進行沒意義的密集式訓練，只會令兒童厭惡學習。

效果極端 易生抗拒閃卡教學法近年廣為家長採用，此教學法要求家長在嬰兒面前，拿着寫有文字的卡片，以每張少於一秒的速度在嬰兒面前「閃過」，刺激兒童記憶力。朱太和林太都曾以此訓練子女，惟效果各異，林太的長子由八個月大開始訓練，兩歲半已能閱讀英文書；但朱太坦言，十個月大的女兒起初對閃卡甚感興趣，但十次後卻開始反抗。此外，坊間亦流傳趁嬰兒入睡後在身邊唸乘數表，強調人在睡眠開始時，大腦意識活躍，有利於記憶學習，家長趨之若鶩。

城市大學應用社科系助理教授許娜娜亦指，兒童心理學家認為兒童六歲前的發展最為重要，若太早為幼兒進行密集式教育，小朋友會覺得被迫，結果會弄巧反拙，而且小朋友在家裏已學了很多，當他們進入幼稚園時重複學習同樣的知識，便會不專心，從而培養出不良的學習習慣。教育評議會副主席何漢權認為，幼兒成長應順從自然教育過程，小朋友的體格及身心的發展才是最重要。

lokaci

說得對.
有很多家長都EXPECT 小朋友可以在短短2-3個月內就見到小朋友行為和智能都有極速進步.
其實可唔可以0係短時間內睇到IMPROVEMENT 真係好睇小朋友個人既資質同埋佢既個性.
不過無論行為還是智能, 小朋友需要既係給他們提供不停的練習同適合的環境.
操之過急當然有反效果吧.

minicake

我都唔想要密集式咁教阿囡，但係點解幼兒園面試都要佢識講眼、耳、口、鼻，認下動物，K1面試仲要識講顏色、圖形，唔同的生果、交通工具......如果好的幼稚園唔使佢地識咁多野先收, 我都想阿囡可以輕輕鬆鬆咁玩幾年呀！

Parisienne

I do agree with you!!
眼見隔籬陳太個仔入到心儀幼稚園都係因為密集式咁教，自已無理由唔緊張....如果成個社會風氣係咁，做父母嘅跟本無選擇。
不過家長自已都有責任，有啲面試問得少又覺得間學校'求其'，問得多又覺得離譜。
Anyway, 密唔密集....總之唔好走火入魔就得。
最近睇咗關於'慢養"嘅書，我覺得幾值得睇。最起碼可以平衡吓心態。其實好多嘢係因為做父母嘅唔想自已嘅小寶貝'輸'在起跑線，只急看短期成果，卻唔知原來長遠反而有不良後果。
「本書有句話 : 教育孩子是一個長期工程，是農業而不是工業。」
唉...!呢個年代，做孩子難，做父母更難!

原帖由 minicake 於 10-2-5 22:10 發表
我都唔想要密集式咁教阿囡，但係點解幼兒園面試都要佢識講眼、耳、口、鼻，認下動物，K1面試仲要識講顏色、圖形，唔同的生果、交通工具......如果好的幼稚園唔使佢地識咁多野先收, 我都想阿囡可以輕輕鬆鬆咁玩幾年呀！ ...