姿優兒童同過度活躍証係咪一線之差

eeyore_fy

我好煩同唔開心呀!
阿仔無論返學定係上課外活動都比老師投訴，令到我好唔開心！
阿仔就嚟4歲，由N1 升到 K1 ，係N1時我已問過老師佢係咪有過度活躍証，老師話冇因為佢如果上故事同唱歌，佢都可以好專心，其實只要佢鐘意就冇問題．但升到 K1 時，佢依加個班主任就多次同我講因為佢嘈住其他小朋友上堂而比佢罰，同埋佢如果學識咗嘅野，佢會再冇心機聽落去．返咗咁耐佢嗰班淨係得佢一個比老師罰．我聽到好唔開心．咁佢就叫我係屋企要訓練佢專心D，
咁我咪比佢學畫囉！點知老師又係話佢嘈住其他小朋友，同埋需要一對一．不過佢就已經識晒所以顏色同埋畫野都有 CONCEPT.
咁好啦！我再比佢學英文，點知上咗2堂，今日就收到投訴，老師話佢上咗2堂都唔專心，成日周圍走，又整爛同學仔 NOTICE 我覺得好醜，咁佢問我佢平時係學校同其他同學相處成點，我話D小朋友都好鐘意，同埋佢班主任都話佢好受同學仔歡迎．咁佢就問我有冇做過 TEST ，可能佢係姿優兒童，我依加真係好煩！都唔知佢係邊樣，同埋我真係冇咁多錢比佢做 TEST，請大家賜教一下．我真係好唔安心

eeyore_fy

今朝一早就打咗去健康院，不過最快要等到 5月11日，咁都冇計啦！鬼叫自己無錢去私家咩！

Sindy

資優兒童同過度活躍証係咪一線之差>>>>可以同時有架,亦可以分開有的

eeyore_fy

依加已經  book 咗健康院做檢查,唯有等啦! 依加心情好緊張呀! 不過無論點佢都係我個仔,我只係想搵正確嘅方法教佢,因為我唔想佢成日比人投訴,唔好話我,佢都會唔開心架麻!

mmmami

The government department would not test any children until they are 5.5yr old.

Tippi

請問可否提供一些不用等,(私人機構)可以做test 的資料
因我朋友的囝囝好像過渡活躍
她去健康院排到年尾

[

eeyore_fy

點解要咁耐嘅? 我個仔係沙田瀝源都係等咗2個星期! 不過佢冇講阿仔係咪過度活躍定係資優.佢只係話佢唔識得守規則,叫我地一家人一齊上堂學吓點樣教佢和.不過佢d堂係平日我地要返工所以都冇申請!