-

Saboc

不如你講吓你實質嘅期望,包括戴口罩、小息、午飯同社交安排嘅期望.睇吓現實有無学校靠貼近你期望,定係事實上係面授並不能令你放心.
我細路本身體弱有氣喘,但我自己就較以平常心看待,外在環境唔係唔重要,亦會小心,但就覺得不會太filter,反而会好努力令佢自身強壯

国際学校又並非乜嘢突然復課,学校都有管理層考慮因素同風險,教育局/衛生署亦並非完全offhand任学校亂嚟.
反而係你as一個家長,会否对國際学校嘅管理有信心？

dem0cracy

這次疫情可能令很多IS對口罩的態度會改變，疫情前的情況作不得準，幾個月後的情況也難估計．你都係照報各方面適合你小朋友的IS，到有offer時再詳細同學校傾有關做法．

可以肯定的是IS一定比多點互動，疫情期間LS真係會要小朋友長期坐定，小息無得玩無得食，但IS仍然會讓小朋友小息玩(有一定社交間距措施，例如只准同自己班玩，食野要在室外同其他人隔得遠遠吃）．

964000

kumasanee 發表於 21-3-23 10:57
想同小朋友小學轉IS, 講番少少背景,我哋係打算係香港完成year9就去外國嘅
想下年轉IS,唯一仲有猶豫未敢選係 ...

咁你搵D小班，細間新新地，多中國人，但又有室外通風好可能好D，因為有些新校在商場空氣可能唔好。
我腦海中Anfield 小學setting 和環境可能適合，
唔嫌遠可以考慮ESF Peak, 空氣一定好同細校，不過少D local.
未有疫情IS真係冇人帶mask, 流感爆時有叫過校車上戴，但課室內都不會。
在IS小學冇功課又早睡，多點時間運動，身體點都好D，我女疫情前一星期四至五個sessions運動ECA(校內加校外）。
在LS無論點happy school, 兩三樣功課準備測考走唔甩吧，點少都唔會零。

gfkwong

反而我覺得IS 室內同室外活動空間係大好多,所以小朋友少啲病. 我覺得衛生冇問題，現在是所有人都戴口罩, 我連茶點都唔食，而且老師加TA跟得好足會揸住支出手液跟住啲小朋友。

貝珠

你不如留係local school.

口罩policy 未有covid 之前，我非常buy , even 流感高峰期，我校並沒有任何問題。小朋友活動多，運動堂多，小息又可以跑下，身體健康好左。

melobi12

kumasanee 發表於 21-3-23 10:57
想同小朋友小學轉IS, 講番少少背景,我哋係打算係香港完成year9就去外國嘅
想下年轉IS,唯一仲有猶豫未敢選係 ...

你住邊區？睇下大家知唔知你附近有冇咩學校建議。

贊成揀啲多室外地方玩嘅學校，喺商場嗰啲新校感覺冇咁理想。

小學轉IS意思小朋友而家幼稚園？

食飯方面好多學校都可以pack lunch、你可以自己決定俾咩小朋友食。小朋友身體較差，有醫生證明嘅話，我覺得好多安排可以同學校傾，不妨查詢/interview 階段同學校傾下先。如果學校一早講明唔support 咪放棄佢，揀啲reasonably 地配合到嘅學校。

LS病左要自己追進度真心大壓力。

964000

kumasanee 發表於 21-3-23 17:00
本帖最後由 kumasanee 於 21-3-23 17:01 編輯

非常多謝大家回覆!

Shrewsbury 應該不錯，你參觀下再跟教職員溝通下看感覺如何。

nunupipi

我女讀緊Shrewsbury, 你既要求我覺得唔demanding.  教育局比學校開佢一定開，完左winter break都一直有返學，新年假後仲日日返。我覺得學校似英式寄宿學校咁會講規矩，但你同學校講有需要戴口罩，佢唔會reject, 學校有medical center 同school nurse可能好啱你。佢有inhouse kitchen, 餐單會講balance diet，每日會有outdoor time跑跑跳跳，小班15人左右，2班share一個toilet，係班房隔離，要洗手好方便，校舍係好寛敞，我女讀咁耐都無病過。上學年面授唔多，老師依家會one on one 咁教phonics追返進度，我自己好滿意。

Radiomama

kumasanee 發表於 21-3-23 10:57
想同小朋友小學轉IS, 講番少少背景,我哋係打算係香港完成year9就去外國嘅
想下年轉IS,唯一仲有猶豫未敢選係 ...

我嘅小朋友都係細細個開始有哮喘問題，容易病。
選擇國際學校時無特別諗健康呢個問題，反正點都要返學，揀咗間學校之後，搬埋去新界發現幾個好處：
1）早睡早起，因為國際學校小學階段功課不多，每晚8點睡覺。
2）做好多運動，理由同上，從游水開始；我識另一個小朋友，哮喘病更嚴重，一星期游三次，後來仲玩埋三項鐵人。
3）學校鼓勵學生參加不同類型體育活動，唔駛叻，想玩就參加。
4）認識同學有不同病患，國際學校普遍好有愛，同學之間好關顧。
5）報學校時一定要話俾學校聽孩子的身體狀況，eg 食物敏感，學校會好警覺。

964000

kumasanee 發表於 21-3-23 21:48
絕對認同!
LS放學番嚟,做埋功課已經食晚飯
仲點會有時間運動

我覺得轉了IS小朋友生活質素點都會好D，既然已經易病咁慘咁不如番學開心D，始終LS點少都唔會冇功課，回家又要做，IS小學就真係堂上一起做晒，回家就完全自由時間，我女真係回家Pat 低個書包就that’s it, 慳番D時間你小朋友做多D運動早點睡好過。
而且你Y9你去外國，讀開IS到時都會易適應D。

nunupipi

我認為讀IS比LS既小朋友身心會健康啲，我女運動唔叻，但學校會鼓勵佢挑戰自己

964000

nunupipi 發表於 21-3-24 09:39
我認為讀IS比LS既小朋友身心會健康啲，我女運動唔叻，但學校會鼓勵佢挑戰自己
...

可能資源多一些，在LS要抽才入到某些運動ECA又選拔才入校隊，為拿奬自然要精英制。
我見女學校運動ECA基本上任報多人就開多D班，冇規定可以join幾多個運動項目，小朋友一般都不抗拒運動，當遊戲咁，唔一定要好叻先enjoy.

莫失莫忘

How about Dalton in Olympics? I remember they have small class size too.

chickchick

kumasanee 發表於 21-3-23 10:57
想同小朋友小學轉IS, 講番少少背景,我哋係打算係香港完成year9就去外國嘅
想下年轉IS,唯一仲有猶豫未敢選係 ...

樓主，
你自己都說出在疫症前，一直IS不給予學生帶口罩的原因。那是非常正確的信息：有病，作病，請回家！ 我相信呢一刻，IS這個信念也不會變。 外籍家長未必個個唔帶口罩周圍去，正如LOCAL家長未必個個遵守放疫措施。 人人對care－free的定義不同，亦沒有人可以定奪 一間學校是否care－free school，這對任何學校也不公允。

同時， 你也明白local又怎會咁多人守規，為成績『怕蝕底』而食住退燒水返學的同學多的是。我亦相信呢一刻他們呢個信念也不會變，理得爆唔爆都返！仲搵一些新校？多真黑髮LOCAL的IS？唔好掛？俾咁貴學費唔返學呢D？


不要對由細讀IS的學生有偏見，有很多家長還是很講理和曉管教的。雖然學生他們喜歡『典來典去』，盤腿而坐在地上，他們的課室管理已因應疫情而有所調節。他們不再在學校內使用更衣室，PE堂直接著PE衫，因為人人慣了體能訓練，他們PE堂也帶口罩跑和跳，好氣好力。課室開冷氣+風扇+開窗開門，枱都大過LOCAL好多，座位又疏落。雖然ESF多人，但想想ESF的校舍大過好多LOCAL。（唔計批地嘅）新校可以有幾大呢？

講LUNCH，他們習慣好短的LUNCH HR + 食簡單，邊似LOCAL 開晒上枱慢慢扒。他們上年5－6月初， 9月初，有得輪流食LUNCH（15mins）一樣咁過，唔會有LOCAL家長咁投訴唔人道！

你也說快要出國，疫情這2年3年一定程度要『守』，IS有學返嘅佢哋有足夠實體社交距離空間，無學返也有完善嘅網課空間。好少LOCAL可以比得上它們的靈活度。

最後，菌是到處也有。IS不會特別含菌量多，相反好多人嘅抵抗力好好，身體強壯，邊有咁易病。我明白你的concern － 西方人帶口罩意識差，亦多人週圍飛去公幹，家長中，子女中，就大機會嘢到你。IS家長亦唔會咁計度這些控制不了的concerns.

IS和LOCAL的選擇基於教育理念和小孩性格. 三思.

suki224

我女一樣由細病到大
佢試過肺炎，流感都中左兩次， 猩紅熱，腸病毒，落沃克病毒， 無數次傷風感冒發燒， 佢而家9歲， 自從COVID-19 之後， 我地一直教佢點樣保持個人衛生， 小朋友大些， 佢會明白， 我地亦幫佢轉左is,
上面留言講得好啱， 讀LS 連訓都唔夠訓， 我女pe 堂經常要留係課室上理論堂， 小息午飯時都唔比跑跳， 星期六日都要趕測驗默書功課， 想身體強壯都難