求各位家長指點

samhongkong

虐心的小一派位終於過去了，扣門亦已經塵埃落定，我們唯有面對現實，努力裝備自己的小朋友，希望能夠在所派小學名例前茅，爭取在升中時進入Band 1中學。
但是，我們又面對另一個問題-常識科。
1.請問各位有經驗的家長，這一科要怎樣教？
2.要讓小朋友看電視嗎？如要，幾年級開始？
3.只看新聞，而不看劇集，足夠嗎？
4.要讓小朋友讀報紙嗎？如要，幾年級開始？

可以的話，我們都不想小朋友太早養成看電視的習慣，但是不看電視，又怕影響她的常識科成績。而且，電視上又太多不良資訊，我們雙職父母，還可以勉強教她功課和溫書，實在無時間跟她一起看電視，從旁輔導。

另外，現時香港的所有媒體，都有既定立塲，不是擁共，就是反共，找不到中立的媒體。何況她年紀尚幼，心智未成熟，即使由父母教導，向她說明真相，又怕她對社會失望，對人(包括老師)失去信心，影響人格發展。不向她說明真相，又怕她被媒體和學校洗腦，不能明辨是非，更甚者建立不道德的價值觀。

中英數音藝，我們都可以外補去幫她，唯獨常識，我們真的不知道如何去教！求有經驗的父母，幫幫忙，指教下我們，謝謝！

samhongkong

dse2017 發表於 16-6-21 17:03
放手吧，讓孩子自己走啊！

她現在才六歲，在她建立積極的性格和正確的價值觀前，實在不放心，怕她誤入歧途。

gracelam

原帖由 samhongkong 於 16-06-21 發表
她現在才六歲，在她建立積極的性格和正確的價值觀前，實在不放心，怕她誤入歧途。 ...

常識科通常跟書出卷，有温書內容一定識，只是每次都有幾題時事題，考試前一兩個月留意下新聞熱話就ok.

samhongkong

gracelam 發表於 16-6-21 17:30
常識科通常跟書出卷，有温書內容一定識，只是每次都有幾題時事題，考試前一兩個月留意下新聞熱話就ok.



  ...

即是只需看新聞，而不需要看劇集？幾年級開始有時事題？
因為小五才有程分試，如果升小五才讓看新聞，會太遲嗎？
很抱歉，我問得很多。

gracelam

原帖由 samhongkong 於 16-06-21 發表
即是只需看新聞，而不需要看劇集？幾年級開始有時事題？
因為小五才有程分試，如果升小五才讓看新聞，會太 ...

每間小學唔同，我仔女嗰間小二常識就有時事題，其實無乜野，到考試期間，ek實有人問考咩時事題。

MC1128

samhongkong 發表於 16-6-21 18:11
即是只需看新聞，而不需要看劇集？幾年級開始有時事題？
因為小五才有程分試，如果升小五才讓看新聞，會太 ...

可以看有線新聞台, 算中肯。睇報紙需要一定的識字量, 小一可能未應付到, 但你可以揀一些簡單的新聞同孩子一同閱讀。

可以找題材生活化的, 例如,文化博物館展出莫奈的畫, 歷史博物館展出龐貝古物, 樓主可以先同小朋友講吓香港有甚麼博物館, 這些展品有甚麼特別, 最後去睇一次就更好。

時事的, 可以講吓本周有英國公投脫歐, 用孩子理解的方法去講, 不用太深入, 例如有些國家可以由公民自決, 有些地方不可以,咁樣好唔好啦?

又可以講吓, 最近食環署換咗街上的垃圾桶, 點解? 原來同將來廢物徵費有關, 但突然推出, 好多市民索性將大件垃圾放旁邊, 咁做, 邊個唔啱呢?



樓主自己留意時事嗎? 從生活着手最好, 最緊要啟發孩子討論。

gk678

認同有線係香港做得最好嘅媒體

samhongkong

MC1128 發表於 16-6-21 18:42
可以看有線新聞台, 算中肯。睇報紙需要一定的識字量, 小一可能未應付到, 但你可以揀一些簡單的新聞同孩子一 ...

因為平時都好少開電視，所以無裝有綫，好可惜，仲有無其他較中立既媒體？
小學真的會問"公民自決"呢類咁政治敏感既議題？小女一定會追問落去，到時我實唔知點答佢好。

因為小五才有程分試，我打算小五才讓她看時事新聞，之前就只教她生活常識，這樣可行嗎？

babywoman

我地可能有別於很多父母，唔俾小朋友睇電視，好慘喎。我地任睇嘅，一般晚上9：30後就唔睇。

常識學校有教，溫書本就得。時事題，我地小一開始就每次有五題 ，一般係考試前兩三個月發生的事。

MC1128

samhongkong 發表於 16-6-21 19:46
因為平時都好少開電視，所以無裝有綫，好可惜，仲有無其他較中立既媒體？
小學真的會問"公民自決"呢類咁政 ...

無裝都唔緊要, 可上網睇香港電台或其他媒體, 網上資源豐富, 一定有辦法解決到。

我的提議, 不只從常識科攞分着眼, 若為分數,可參考其他網友家長建議, 有些學校常識科考時事題問得好死板, 例如上海迪士尼幾月幾日開幕, 英國公投係邊日, 英女王今年幾歲壽辰等等, 家長貼中了, 孩子便得分。

為應付分數, 家長貼題無可厚非。但亦要為長遠打算, 就是習慣討論、發言表達及關注時事。這些訓練,除了對常識科有用,將來對升中面試、甚至中學通識科都有幫助。

多鼓勵孩子討論, 對小學、中學的中文科口試部分都有裨益。

samhongkong

聽完大家講，我想到辦法了。
我打算到有需要時，才讓小朋友看時事新聞，而且只從網上找資料，不用開電視，更不用看劇集。

不是完全禁止看電視，只要她做完功課及温完書，我都會讓她看youtube ，始終電視太多不良資訊及顛倒黑白。

謝謝大家意見！

Yanamami

其实明珠930有好多好有趣同有益既節目，电視唔係有毒，廣告都有話唔係全部啱小朋友睇，要有家長指引啦~

mansum92

我覺得youtube 比電視更毒… 另外，我仔學校常識科都會問課外題，但大多圍繞考試範圍的課外知識，到呈分試反而沒有課外題

YmOra

參考分享:

焦點通適新聞(每月都有),幾好0架!

05月份
http://news.mingpao.com/pns/dail ... 00011/1464804101837

可在此輸入關鍵字
http://news.mingpao.com/cfm/sear ... 1&pnssection=s00001

chocolatebean

samhongkong 發表於 16-6-21 16:55
虐心的小一派位終於過去了，扣門亦已經塵埃落定，我們唯有面對現實，努力裝備自己的小朋友，希望能夠在所派 ...

如果只係為分數，得個幾題，５—６分，又唔洗咁緊張

培養小朋友閱報好Ｄ，是否為左個幾分都好，起碼知多Ｄ國際，ＨＫ發生既事都係好，而且報導廣泛，好過睇ＴＶ

cmchang0927

常識只要把書和作業讀熟，家長上網找ㄧ些測考前兩個月的重要時事同小朋友講下，就ok了。

ichome2002

樓主好大壓力呀! 其實常識科應該是各科中最易得分的科目, 讀熟課本就可以, 時事題多數只佔幾分, 一般都係問大路的新聞.
我個人認為知道每天社會發生了甚麼事十分重要, 即使CCTVB常比人說不中立, 但大台始終多人留意及自我審查, 唔會有太過份的情況, 所以我會放心比女兒收看, 24小時新聞台比較少無謂廣告, 比81及85台好一點,
至於比小朋友睇YOUYUBE我就唔鼓勵, 因為太多不良影片, 一些個人制作的短片質素參差, 言論亦不是一定正確, 所以不宜讓小朋友自己睇.

hkpapa852

samhongkong 發表於 16-6-21 16:55
虐心的小一派位終於過去了，扣門亦已經塵埃落定，我們唯有面對現實，努力裝備自己的小朋友，希望能夠在所派 ...

睇吓學校用咩書, 再去書區搵番D合適既補充練習吧!