我家有個鐘意投訴人的囡囡呀..help!!

lam1115

唉...囡囡剛剛升到小一,但我發覺佢同同學相處好有問題呢!有時d 同學話下佢,佢就立刻唔開心同老師講噃~~
同埋逄小小事都走去同老師講,我話甘樣唔得架嘛.第時d 同學個個都怕左你架噃.我應該點樣同佢講,佢先會聽呢 !!

KK07

我會同佢分析事件原因讓她覺得不一定是別人錯.

例如某某話下佢...."咁你係唔係不小心xxxxx",
或者"某某今天不開心,可能被媽媽罵了,所以xxx",
"某某可能誤會你不喜歡她,你可向她解釋...."

aquarius828

同我仔仔以前好相似丫...

學嘢果時, 有D小朋友整到佢丫, 玩緊, 排隊唔排好丫, 仲之乜都走去同老師講, 至弊就係D老師真係會話其他小朋友喎... 咁我就同我仔仔講, 我叫佢試下原諒下人先, 人地整到你, 你比個機會人先, 如果講咗2至3次, 人地都唔聽, 先再同老師講啦... 我話唔好下下一有乜嘢就同老師講... 我再同佢解釋番: 如果假如果個係你, 有小朋友乜都同老師講, 你自己會唔會鍾意果個小朋友先, 我仔又明喎, 整整下, 佢E家好少COMPLAIN人了... 但就會自己同小朋友解決囉

原帖由 lam1115 於 10-9-24 10:41 發表
唉...囡囡剛剛升到小一,但我發覺佢同同學相處好有問題呢!有時d 同學話下佢,佢就立刻唔開心同老師講噃~~
同埋逄小小事都走去同老師講,我話甘樣唔得架嘛.第時d 同學個個都怕左你架噃.我應該點樣同佢講,佢先會聽呢 !! ...

Lilo

我個小朋友都係咁，佢讀幼稚園時個班主任已經揾我地傾過，佢笑我小朋友患左"唯恐正義不得伸張症"，佢同我地分析背後原因係我小朋友對自己/人要求好嚴格，一與佢expectation 有出入就覺唔，但其他人唔聽佢講，所以要向權力(如父母/老師)投訴，以便佢心目中公義得以伸張。除左叫佢學識體諒別人，應知/尊重別人意見外，老師亦建議我地唔好佢投訴親就理佢，如果唔係好大件事，佢投訴就叫佢自己諗辦法解決，久而久之，佢知道投訴唔係一定能達到佢心目中要求，慢慢佢就會減少投訴。呢招係我小朋友身人行得通，樓主你都可以試下。

[ 本帖最後由 Lilo 於 10-9-24 16:32 編輯 ]

lam1115

原帖由 Lilo 於 10-9-24 16:29 發表
我個小朋友都係咁，佢讀幼稚園時個班主任已經揾我地傾過，佢笑我小朋友患左"唯恐正義不得伸張症"，佢同我地分析背後原因係我小朋友對自己/人要求好嚴格，一與佢expectation 有出入就覺唔，但其他人唔聽佢講，所以要向權力(如父 ...

THANKS Lilo,甘樣我嘗試下先,有時小小野又投訴我係佢亞媽都覺得佢好鬼煩呀..HAHA:;pppp:

joeylin1017

哈哈,可以試下一個方法,
我朋友個仔一開始升小學都係咁樣
不過我朋友比較好笑
她的方法是, 看到仔仔有少少做錯
就去跟爸爸講
就等小朋友自己去體會返果種感受

babytai

原帖由 aquarius828 於 10-9-24 12:37 發表
同我仔仔以前好相似丫...

學嘢果時, 有D小朋友整到佢丫, 玩緊, 排隊唔排好丫, 仲之乜都走去同老師講, 至弊就係D老師真係會話其他小朋友喎... 咁我就同我仔仔講, 我叫佢試下原諒下人先, 人地整到你, 你比 ...

認同你教法....因為我都係幼稚園時咁教個囡...比次機會同學...(因為可能人地唔小心)....如果係特登先好同老師講