功課問題 ?

夢妮

小囡今年讀小二,  我地因為要返工,  所以, 每星期有3日會請補習老師到家.   因想她自己主動做功課,   補習老師會於7:00 左右才到,   主要查核功課及溫書.  但我發現囡兒間唔中會有一個問題,  例如昨天,  我在5:30打回家,  問她完成了功課了沒有 ?  她說已做好,  但晚上回家時,  補習老師告訴我,  她大部份功課都未做,  待補習老師到時, 才做.    我很生氣,   小一時都試過兩三次,  我試過好言問她,  解釋給她聽,  要她知道不做功課或講大話是不對,  又試過打罵,   一次發生後, 她會好一段時間,   之後又會出現一次....  


我很生氣,  因為佢講大話,  我都唔知點做,  因補習老師沒有時間再補,  我地想l順勢試吓10月份暫不請補習老師,   我地亦不會幫佢睇功課,  希望這樣, 會令佢多些責任心,  如佢不完成功課,  老師會寫手冊,  我其實怕會影響到佢的成績及校內表現,  但我地都唔知有什麼辦法可以改到佢呢個問題,   大家可否比些意見給我 ?   謝 !

Whitepine

補習老師都有難處，家長要求補習老師幫小朋友一定要做完當日的功課，同對埋答案。時間所限，有時難免會不能等補習學生做得太久，而很快就要話正確答案比學生知，盡快在補習時間完之前做完功課。

所以，要同補習老師溝通下情況，攞一個大家都接受的做法。可能難的功課先做，比較易的可以遲些做，或者補習完未做完都無所謂等...

原帖由 ken9989 於 10-9-23 09:16 發表
可能是女兒之前試過不懂做，老師很快就直接教了她／告訴她答案，她就覺得跟老師一起做的比較快和容易，不用花那麼多時間自己去思考,這是原於依賴的心態...你可以換個補習老師（因同一個人改變，女兒未必接受），開始補習之前說明你的 ...

fa_fa

其实可以考慮吓揾啲功課輔導班俾佢，
放学去兩小時，之後如果加強科目弱項再揾補習！

SUSANNA

我覺得現在才二年級還是低年班, 應及早比你女兒知道做功課/溫習係佢責任, 不應伯學校/老師有不良反應, 因她要學習東西除了學識外還有做人品德及負任感.

cherrychung

去補習班/補習社會唔會好d?因為一班人一齊做功課,就算佢點唔想做在這樣的環境下都一定要做.

夢妮

我呀囡係一個唔係太尊心的人, 所以我地暫不考慮比佢到補習班,  而且,  我地真的想佢獨立的,  所以,  之前既安排都係佢自己先在家做功課,  補習老師7:00才到.   我都覺得品德及負任感好重要,  所以當我知道佢話做好功課, 其實係未做完之後, 我地除咗嬲之外, 係好擔心佢個人既品德及負任感.  所以, 想作以下的安排,  我地都唔知好唔好,  但都希望係唔大太影響的情況下,  試一試.   同時,  都希望有其他家長會有些提議或經驗分享下.