轉貼 ： 第十屆傑出學生選舉------小心受騙!!!

siuming912

大家學校響2006年10月左右有無收過一份由「中國青少年資優培訓中心」主辦的第十屆傑出學生選舉申請表同宣傳小冊子?
我地學校見佢本小冊子搵到好多名人題字, 又見舊年第九屆有好多名校學生都有參加http://www.cgytc.com.hk/students.htm(本小冊子主要刊登第九屆選舉結果及相片, 於是就提名d學生參加, 希望學生可以吸收下經驗......但報名費係300蚊一個, 佢話會幫參加者進行智力測試(『雷文氏標準智能測試』（ Raven's Progressive Matrices) http://www.cgytc.com.hk/raven.htm同面試......又話會有個報告比番學生, 份報告並不是僅僅告訴學生能力得分的高低，還會對學生的行為表現，特點給出詳細及客觀的分析，並提出針對性的建議，報告分析長逹五頁。

自從幫學生報左名後, 間機構無再寄野黎學校, 原來佢地直接同學生家長聯絡, 所以校方唔知個選舉過程......

原來佢地通知家長幾時帶學生去 interview 同做筆試(智力評估), 但去到之後, 有個自稱藍博士(響佢網頁就寫到好勁：藍暉綸教授 - 擁有教育學博士、心理學博士、法學博士及哲學博士(工商管理)學位，被英國劍橋列入世界名人錄及選為二十一世紀最傑出二千位智識份子之一，更獲英國國際名人中心連續兩年(2005及2006年)選為最頂尖一百位教育家之一。藍博士更於2005年獲歐洲馬爾他最高榮譽公義騎士(爵士)勛章及2006年匈牙利聖佐治爵士勛章，以表揚其傑出成就。但我就好懷疑囉, 所以就上網查下d名銜點黎......http://failforum.net/forum/redirect.php?tid=471609&goto=lastpost)o既人就猛咁 sell 佢地 d course, 仲要話早 d 報名就可以減費......記住, 只係報名費, 原來報名費都要 300蚊!!!!

我點解覺得呢間野有問題呢? 因為最近 d 學生做完個筆試, 出左份報告, 佢地拎比我睇...... 唔睇由自可, 一睇把幾火!!! 我收左4份報告, 小二, 小三, 小四, 小五學生各一, 份所謂「長達5頁, 會對學生的行為表現，特點給出詳細及客觀的分析，並提出針對性的建議」o既報告, 除左學生個名, 分數同每項得分統計圖外, 其他完全一樣, 個分析同個人發展建議, 無論用字, 分段, 行距......都一模一樣, 直頭係影印咁! 4個學生, 就算得分相同, 但個別項目如：觀察力、記憶力、注意力、思維力同想像力都各有差異, 有咩理由個分析同發展建議會完全一樣先???

於是我就嘗試上網搵下呢間野o既資料, 發現原來佢前身係「明日棟樑教育基金」，有人曾經響親子王國討論區講過呢間野有問題, 仲響2006年10月清盤, 之後就改名為「中國青少年資優培訓中心」, 詳情可按此link看看http://www.baby-kingdom.com/modules/newbb/viewtopic.php?mode=viewtopic&topic_id=297600&forum=50&start=70&viewmode=flat&order=0

我唔敢講呢間野d course 呃人, 但對於佢地用傑出學生選舉名義, 吸引學生報名參加, 然後再游說家長買書, 報 courses 同做其他智力測試, 而且 d courses 仲係好貴, 400蚊, 1200蚊, 4500蚊都有, 仲係上得幾堂......如果 d courses 係對學生有用都算啦, 但都無理由份報告會一式一樣卦!!! 最弊係好多家長會因為係學校推薦學生參加呢個選舉, 就會以為呢個機構係可靠, 於是就報左名讀佢 d courses......

所以想問下有無學校幫學生報過呢個選舉呢?

Choichoichi1

個銜頭似乎係套餐...另一個"名人"亦有完全一樣的資格,咁橋? :evil:

>>銜頭

呢位藍先生應該就係果時俾壹周刊踢爆有財政困難嘅明日棟樑教育基金高層...

真係難為d真係以為自己參加緊選舉嘅小朋友...呢d人究竟有無dd良心架.呃完一次又一次

siuming912 寫道:
...有個自稱藍博士(響佢網頁就寫到好勁：藍暉綸教授 - 擁有教育學博士、心理學博士、法學博士及哲學博士(工商管理)學位，被英國劍橋列入世界名人錄及選為二十一世紀最傑出二千位智識份子之一，更獲英國國際名人中心連續兩年(2005及2006年)選為最頂尖一百位教育家之一。藍博士更於2005年獲歐洲馬爾他最高榮譽公義騎士(爵士)勛章及2006年匈牙利聖佐治爵士勛章，以表揚其傑出成就。

lam.mammy

我個小朋友就係學校校長提名參加"第十屈傑出學生選舉", 上星期收到"雷文氏漸進式矩陣"報告, 話佢係資優, 報告又話超出120分有需要做『韋氏兒童智力測試』,又話如有經濟困難需要協助可與該中心聯絡, 一問覺得有問題, 個"藍博士"話係一般收$3000幾至$4000將,如經濟有因難可由佢自己親自做測試, 又話都要收$2000, 我當時真係覺得有問題, 一上網查, 原來係咁大個騙局, 咁多學校都俾佢騙了  

sukyinmama

今日東方日報登左出黎啦!

東方日報報導

lam.mammy

sukyinmama

我無買東方, 可以將有關報導概括在此分享嗎 ?

sukyinmama 寫道:
今日東方日報登左出黎啦!

東方日報報導

neighbour931

lam.mammy,
你直接click條 link 就睇到架喇

lam.mammy 寫道:
sukyinmama

我無買東方, 可以將有關報導概括在此分享嗎 ?

[quote]
sukyinmama 寫道:
今日東方日報登左出黎啦!

東方日報報導

[/quote]

lam.mammy

neighbour931
謝謝提點.

neighbour931 寫道:
lam.mammy,
你直接click條 link 就睇到架喇


[quote]
lam.mammy 寫道:
sukyinmama

我無買東方, 可以將有關報導概括在此分享嗎 ?

[quote]
sukyinmama 寫道:
今日東方日報登左出黎啦!

東方日報報導

[/quote][/quote]