Studyfun智趣樂教育中心呃家長錢!!!

花太太

今次PO上黎主要係投訴馬鞍山0個間智趣樂D英文全部教得好垃圾。我個仔以前有番過文法班 D導師又成日換黎換去番到屋企比我睇D練習﹐哇~D文法狗屁不通 又多錯字仲有呀。入面0個位叫自己做英語總監既師奶仲以為自己好有料 起初我以為呢個女人好巴閉(叫得做英語總監又晌電臺聽過個訪問以為好有料) 點知我有次去湊番仔仔﹐聽到呢個總監用英文同個女仔對話 原來自己口音都唔標準 我見到0甘樣再加埋D錯既文法練習 真係寒左一寒=___= 堂堂我個仔都係跟住D所謂既練習上堂﹐個老師對住幾張紙UP兩UP又一堂﹐跟本咩都學唔到。仲收0甘鬼貴$150 一堂。都唔係專業導師黎既~。你地都係小心D依家D補習社。。。好多都係掛羊頭 賣狗肉!!!!

Fun2Study

我的仔女都有兩/三個月左右,喺studyfun到參加興趣班同補習(佢哋叫做玏課輔導班),當時都唔覺得有問題,但之後補習班就成日都轉老師,有時啲老師..仲會見到佢哋做埋receptionist, 好奇怪! 我都有同當時的店內人反映過(係一個短頭髮的女仔, 話得吓事咁的, 好似叫C小姐) 佢唔多理會,以我哋嚟啲家長嚟講,成日轉老師唔係咁好喎, 啲功課又成日都對錯哂,攪到我放工之後仲要同啲仔女跟一次,激死!!!
試過有一次,我個女話有一個好肥好肥的亞sir負責, 啲功課對得唔啱, 之後我都見到佢喺中心, 向C小姐投訴, 但C小姐冇理會, 作為一個顧客, 都得唔到合理的解釋, 好離譜!
之後都唔再喺嗰到補喇,一個做receptionist,又可以做埋老師, 我覺得好呃我啲仔女時間! 之後再聽其他家長話嗰個好肥好肥的亞sir好似係中心的老闆!

至於網友提及的文法班, 我的仔女都有同一樣經歷, 本身報讀咗x敏姐姐嗰一班, 見啲宣傳,話佢係英語總監, 初時都覺得唔會差得去邊啩,點知英文水平一般, 成日都遲上堂,攪到好似好晏落堂咁,有時等放學時, 聽到其他家長話好抵,因為可以遲放學,但其實就因為係遲咗好多上堂!
所謂的玏課, 其實有時喺啲英文補充練習都見過,只不過改咗啲, 真係覺得好唔抵, 講得好啱, 收$150一堂, 價錢唔係一個問題, 但個質素唔好太差囉. 唔好以為各家長唔理仔女, 以為發現唔到, 所以真係要喺嚟到表達一下!
若其他家長的仔女曾經喺studyfun學過任何東西,請發表一下, 兔其他人再上當!!!

張生張太

http://www.studyfun.edu.hk/e/default_home.asp

婆婆媽媽

舊年,我小朋友都讀過呢間野既課程;不過好快就冇再報。有時臨時臨急打嚟話嗰堂cancel, 有時又去到先話冇得上堂, 都唔知搞咩!!! 簡直浪費時間!!!!其實百五蚊一堂又唔算好貴, 但係不時有需要時要轉下堂又話要收手續費,十蚊都要賺,生意唔係差到咁嘛。佢地轉老師既時候,又唔見退番十蚊俾我地。其實唔單止一班既課程會成日轉老師;有d朋友仲慘,私人補習都會轉,百幾二百補一小時,不如自己出去搵老師返屋企補,唔怕唔同老師,又唔駛行上行落擔心小朋友安全, 更加肯定唔會去到話老師"突然"請左假。
至於你話又做receptionist又做老師都唔係唔得既, 如果佢真係補得好, 咁又唔同講法啦,學歷都唔一定係低;講真,連嗰個聽講唔知係唔係老闆既好肥好肥亞sir應該係要最好學歷,又有經驗吖,但係竟然對d功課都唔啱呢。係咪?我地d家長又唔知老師既師資, 上網睇唔到,去到中心問佢地又答唔出。呢個先至奇怪!!
係呀, 佢地文法筆記係嗰個自稱咩英語總監整架嘛, 佢地係sell 自制筆記,但係同出面買返黎既一樣既,只不過有時d 人物唔同左囉。嗰套星加玻的練習我都有幾本俾我囡囡做。試問大家寧願掏過百蚊買一本練習,然後請位私人上門補習老師教,還是浪費喺呢度呢?大家都應該心裡有數吧!!
  

花太太

首先, 多謝網友(ahmin)所發表的意見, 對其他網友/家長的保護, 特此亦希望其他網友/家長能辨別真偽, 以自己的判斷去了解事實的真相,
1) 對於網友(ahmin)所提及的, 以下網友, 如下:
<新加入國民>
花太太 / 張生張太 / Fun2Study
daddygary/ 婆婆媽媽
對各網友/家長所發表的意見,很不公平, 不應該將所有名字混為一談, 我個人的意見/經歷, 絕對並不代表其他人, 亦不知道各人所發生的事
2) 若果對於內容存有懷疑, 很贊成各家長或有需要報讀任何course的人, 可以到中心自己觀察, 或親自報讀, 去了解大家所說的人和事
3)至於人身攻擊, 絕對沒有提及任何真實人名, 請勿對號入座
是否知道真有其人,所以覺得係人身攻擊???
4)至於<矛盾貼文>, 是指那一方面呢? 我相信本網亦很歡迎大家去提供意見, 若有其他關於此中心的好經歷或體驗, 大家亦都可以在此發表, 沒有規定…一定要post一些不好的東西,對嗎??!!
5) <重覆張貼>, 打算post在不同的地方,讓不同階層或需要的網友/家長看到,但原來令到有些人覺得是一種攻擊, 意見是會接受的, 謝謝~
6)本子女沒有再在此中心報讀之後, 亦到其他網址搜尋…其他人對中心的意見, 亦看過數篇文章是關於此中心的, 有的更是當時中心的老師post的, 所提及的點點滴滴, 真真假假…需要大家的判斷
PS: 不希望在此…只有我一人提及此中心, 因可能會遭人懷疑…所說及的真實性, 若其他網友/家長對此中心有意見(當然包括好與壞), 都希望在此與大家 “分享”!!! 謝謝!!!

dorisvicky

相信甚麼花太太、張生張太、Fun2Study 、daddygary 、婆婆媽媽等都可能和此人有關：
http://www.wretch.cc/blog/zuttozero

NELWINYOG

我的小朋友現在都在這所補習社讀緊英文COURSE, 我都覺得老師唔係幾好, 請問在馬鞍山有無好的補習社可以介紹給我, 我的小朋友讀緊K2, 我想幫他報讀英文, 等他可以習摜聽英文.