好驚自己會爆㷛

miyokitam

自己係在職媽媽，每日6:50出門口，7：15返到屋。食完飯就同3歲女女(global delay同自閉)做training. 仲要同仔仔（5.5歳，正常)溫下功課。10:30等佢地sleep. 再做公司野到around 1:00就去瞓。如果冇公司野做，就要整gluten free 包比阿女。
如是這一日複一日，一日一日⋯⋯有時會4點幾就醒，有時比女整醒，有時晚上瞓唔著⋯⋯覺得自己呢條橡根越來越「行」，有時會無端端喊。好怕自己會爆㷛⋯⋯

waiwai2468

唔好扯到自己咁緊，做得幾多得幾多，曾幾何時都好似您咁，當知道自己到頂位就要放鬆下，我有時會自己一個公園或碼頭坐下安靜下，我都係兩個小朋友，大既4歲幾係有長期病患者，冇得醫罕有病發展遲緩癲咩都有，但我囡都追到差正常差少少，而另一個係早產b歲幾，我亦都係朝早返工，放工湊放學，平時既覆診兩個都有大既更加多咩部門都有，另埋加St,ot,pt……只可以講幾辛苦都要行，只不過自己點樣調節，喊一定喊過，喊完咪又要做可以點，鬼叫係自己生架咩，我只記得當年醫生講左大既病時，我係醫院控制唔到係咁喊，要醫生姑娘老公安慰我，醫生講左句媽媽您要堅強您唔幫佢冇人幫到佢，我由個刻開始就知道條路難行，唔開心開心一定有，但記住活在當下，我好珍惜同佢地既日子，我唔知大既幾時爆(身體問題)，每過一天我就覺得賺了一天，我都已經持續左幾年了，我咁講係話比您知，其實唔係只得您一個，我地特殊兒童既家長，每天都好似好忙咁，不停訓練訓練，但您既付出係有回報既，當小朋友對住您笑時咩都值得，加油呀，唔開心頂唔到就放鬆下，搵朋友傾下計，食下野行下街買件自己鐘意既野，調節好再努力，加油!!!

rafaelbaba

媽媽好偉大，加油～

irenelwl

SAME HERE, 我2014年年尾,確診個女讀障, 2015年年尾確診個仔自閉‧
這2年不一停TRAINING搵支援,搵方法.
又要番工, 又要洗錢, 又要帶佢地出出入入 (老公幫唔到手)
我最後都頂唔順要揀轉半職, 我寧願搵小D, 甚至要賣樓都唔想再過D迫死自己的生活, 但我又想幫對仔女, 所以我揀轉生活方式, 我覺得一家人能夠舒舒服服過日子, 總比日日趕黎趕去, 忙到無氣抖,

haihaimom

你噤樣唔得㗎，首先照顧好自己才有能力照顧一對仔女。可以跟上司解釋一下你既難處，唔好帶工作回家得嗎？大仔只是上幼稚園，可以唔溫習嗎？丈夫可以幫忙嗎？有時間陪伴大仔玩吓或看書得嗎？其餘時間集中訓練細女，你已經盡力做得好好㗎喇，唔好要求自己100分，冇人100分㗎，媽媽唔係鐵人，要休息㗎，要娛樂㗎，好好享受一下跟仔女一起既時光，呢啲回憶好珍貴㗎。

waiwai2468

原帖由 haihaimom 於 16-07-16 發表
你噤樣唔得㗎，首先照顧好自己才有能力照顧一對仔女。可以跟上司解釋一下你既難處，唔好帶工作回家得嗎？大 ...

好鐘意您呢句媽媽唔係鐵人，囝囡係重要但您都要錫自己，唔好搞到自己咁，係要搵方法走出個困局，我亦都有同我直屬上司傾我既情況，開心見成講，咁多覆診期點請到咁多假，加油呀，頂唔到同老公傾下

waiwai2468

原帖由 waiwai2468 於 16-07-16 發表
好鐘意您呢句媽媽唔係鐵人，囝囡係重要但您都要錫自己，唔好搞到自己咁，係要搵方法走出個困局，我亦都有同 ...

用錯公仔-_-#，sorry

lulumelody

睡眠好重要，幾忙都要有充足睡眠，否則身心好易出事！有Ｄ可以比人做就叫人分擔下 孓ｖgluten free 麵包可以買或改食米粉，大仔可否由爸爸教？有時時間有限，唔好下下要要求太高，否則只會迫出情緒病。樓主如果已有失眠問題，已是壓力太大，早日找社工或心理醫生幫助！

katy211

屋企係咪有咩難處?
如果財政許可,可以嘗試轉一份工時短些的工作。
你怕自己會爆煲，有可能已經爆緊都唔定架

tszkwan2011

我都選擇咗轉半職～我人先無拉得咁辛苦