重讀K2, K3定小一

jolee

囝囝現在是K2, 言語能力及理解力弱, 專注力不足, 老師認為上K3會較吃力, 但建議他試升K3, 跟不上就重讀K3因課程較深有助升小. 但我擔心重讀K3, 囝囝見其他同學可以行畢業禮但佢無份會唔開心, 而且K3一開學就要報小學, 上K3後才決定重讀時間上有D難, 有無JM的小朋友試過此情況呢?
另外, 於小一自行分配學位階段, 報柴米有25分優勢, 但此校屬柴灣一線小學, 課程深, 而報其他小學只15-20分,入讀機會細, 應如何決擇?

hha

如果重讀k3, 老師應該會識避忌一吓有關畢業典禮的事，如果經濟許可，畢業禮嗰個星期去一去旅行，比個籍口小朋友唔出席。柴米係好學校，但我覺得repeat一年先讀較好。

jolee

回覆 hha 的帖子

記得您問過小朋友升小的問題, 請問小朋友是否已選校?有無東區學校您知道對A仔較包容呢?萬分謝謝

hha

原帖由 jolee 於 16-02-26 發表
回覆 hha 的帖子

記得您問過小朋友升小的問題, 請問小朋友是否已選校?有無東區學校您知道對A仔較包容呢?萬 ...

因為我個仔其實好輕微，所以冇特登揀'關愛'學校。有親戚喺培僑畢業不久，話老師好有愛心、有特別小組幫SEN ，但15分唔係穩入；另外聽過SEN講座，講者話基灣對SEN都好關顧。

jolee

回覆 hha 的帖子

明白, 萬分謝謝您.

jolee

先謝謝各位意見. 其實重讀一年較好, 問題是應該重讀哪一年較好呢?實在很難決定

chingchingma89

I have the same question.  My son is studying in K2.  Just wonder if we let him promote to K3 and repeat that year.  Or switch to other kinder in repeating K3.

hha

如果重讀k3, 就只係畢業典禮問題，之後同學走咗，好快有新朋友。如果重讀k2，成年見住朋友仔升哂班，都係一樣冇畢業典禮，咪仲難受？！如果k3轉校repeat，又要浪費時間適應新環境，老師又要時間了解佢，減低咗repeat的功效。

cat1028

我仔同樓主仔仔一樣，我試升左k3,但9月會重讀k3，學校有講我仔有能力升小，但我們決定左留，就唔諗咁多，玩多年。

crystal媽咪

K2而家功課/語言/智能如何?
跟得到嗎?

跟到就上k3先

K3一開学不久要寫(同學/老師/獅子/遊戲…)
要衡量一下

jolee

回覆 crystal媽咪 的帖子

K2功課免強都跟到, 寫字都OK, 但課程內容唔係完全了解, 老師話佢最大問題係社交溝通同專注, 上課唔專注當然唔了解內容, 如在家再講解就好D, 但有時都唔肯定佢係真明白定死記D內容. 語言能力較同齡弱半年左右, 所以影響社交溝通.
老師話重讀K2好處就係因課程較淺有多D時間訓練改善佢情況 . 如重讀K3, 就因為課程深可俾多年時間去學習了解. 各有好處, 所以難決定.

奀珠

我都諗緊同一問題，不過係repeat K1定升K2。不過老師提了一個問題，就係一repeat就無咗適齡入學嗰10分，我上網睇過，所謂適齡係指9月上小學是，小朋友要係5歲8個月至7歲，先有嗰10分。如果7歲多少少係咪已經無咗呢10分？有無人可分享？

pocoyo123

樓主, 上K3先, 9月自行選校照去, 因為11月先公告結果, 到時發覺追不到, 想重讀,打去教育局, 講返情況, 不要註冊小學學位, 咁再下一年你可以再次自行, (但適齡分仲有無你要問清楚), 相反, 11月時你覺得佢上小學無問題, 咁照去.
其實, 仲有年幾時間上小學, 可以在出面上些訓練, 好多時都追到

llam1210

其實聽樓主咁講，情況都唔係好大問題。社交和專主，黎得呢區個個仔女都有呢兩個問題，如你話他在家你可補下底，私下教佢又明白的話，功課寫字又跟到，真唔似要太擔心啊。我家的也有相同情況，但老師冇同我講要留班。是我想得太簡單？還是老師無理我？

piglet0529

原帖由 llam1210 於 16-03-06 發表
其實聽樓主咁講，情況都唔係好大問題。社交和專主，黎得呢區個個仔女都有呢兩個問題，如你話他在家你可補下 ...

讓我分享一下, 我仔是很輕微的自閉, 屬於高功能, K2後期才確診, 已經排不到l或E位, 情況當時社交差, 大小肌差幾個月, 同學仔叫他不啋, 但同大人就正常交談, 醫院有排到各幾堂的言語及小肌職業治療, 咁既情況下我帶仔由K2後期至K3上左三個社交EQ班, 學校有延展所以K3開始比佢延展多同小朋友溝通, 小肌買/借左醫院的器材玩具家中訓練, 大肌買左小網床回家玩, 多去有體能挑戰的公園玩, K3後期學擧石練大小肌及平衡感, K3暑假再去學游水及參加左精神科的社交遊戲班, 其實上小一前已ready追番好多, 上小一追貼問佢情況, 盡快幫佢識到第一個隔離位做朋友仔, 之後已沒問題, 多與班主任溝通, 後來班主任說我不講出來根本看不出

piglet0529

原帖由 piglet0529 於 16-03-07 發表
讓我分享一下, 我仔是很輕微的自閉, 屬於高功能, K2後期才確診, 已經排不到l或E位, 情況當時社交差, 大小肌 ...

以我經驗, 不算太落後不用repeat K, 加快腳步, 不要選太谷的小學便可以, 我仔小一成績不賴, 喜歡上學

jolee

睇完各位的意見及分享, 我決定照上K3,希望多加訓練,佢都可以跟到.
在此再次感謝各位幫忙!

fishcowcow

我係東區家長, 小朋友K3, 我建議照上K3, 照選學校, 真係跟唔到先REPEAT K3, 小朋友還有1年多的時間才到小學, 他們的進步有時可以很快的, 如果到時追到但係你又無升K3選小學, 反而浪費左一年時間

柴米在柴灣區是很多人選擇的, 但你有25分應該可以穏入, 我家姐有認識的媽媽小朋友在柴米讀, 他說功課大約5-6樣, 課程不算深, 老師亦不錯, 我覺得如果你有25分可以考慮

樓上有提及過的培僑, 今年難入, 我們學校有7-8個都15分都入唔到(包括我仔在內), 淨係收左班內幾個世襲生(即係有阿哥家姐在此校讀)