海帆道二年級....

PATPATPIG

大家好,
好想傾下功課問題,真係令我好頭痛,壓力好大,我個仔9月同10月已經欠交超過10次功課,但我和仔仔都好盡力...真的著實令人氣餒....各位媽媽有無呢D問題呀
熙熙媽媽  

[ 本帖最後由 PATPATPIG 於 08-10-28 19:22 編輯 ]

LOOLOO

HI PATPATPIG, 你好 !

我只是小一家長, 好多野在學習中!  
有無同班主任傾下, 熙熙唔怕被寫'欠'嗎?  好似有十個'欠'就記缺點喎 !  二年級功課很多嗎?  學校好似有功輔班, 有無考慮下參加?

MLMaMa

Hi PATPATPIG

我仔仔都係二年級, 咪一樣成日寫唔齊手册. 到現在亦已欠交四次.  雖然有一次他做了但以為冇帶.  但結果仍是一樣.
而家我每日放工番屋企同他做工課.  就當日每科續本續本問使唔使做. 有懷疑就叫佢打電話給同學問清楚.     

Bowiema

Hi, PATPATPIG,

有無研究過問題出係邊到? 最好可以對症下藥. 又或者可以搵老師傾下.

MLMaMa

Bowiema

我就一早知個問題係边.  就係唔驚死   
我睇怕都要等佢開竅先有救   

PATPATPIG

好多謝同好開心見到你地回覆呀!
其實老師說熙熙有讀寫障礙,現在要參加"特殊輔導班",而且都有參加"功課輔導班"
可能我是單親媽媽,又要上班,所以覺得特別吃力......或者,我都要去參加下"xx輔導班"
熙熙媽媽

Bowiema

PATPATPIG,

雖然小朋友有問題, 不過你唔好放棄呀!! 你囝囝好需要你既支持ga.....我知道我地學校巳比一般學校多支援, 你要努力啊......想搵人傾下, 講下, 就上黎呢度搵我地啦, 雖然未必可以幫上好大既忙, 不過我地可以係一個好好既聆聽者ga.

MLMaMa

PATPATPIG

唔好放棄.  Bowiema 真係好叻呀!  有事就講出來睇吓大家可以幫到乜.  
我都係得呢個仔. 佢又唔驚死.  日日掛住玩. 漏交工課又唔怕. 根本就係我讀不是他.   當初都係好彩Bowiema教我兩招.  如果唔係一早就噴血身亡.     

Bowiema

MLMaMa,

我地大家都係交流, 交流下......教小朋友我都仲學習緊. 總之我地可以在這裡分享一切歡樂和悲傷.  

PATPATPIG

ALL MAMA,
熙熙今個禮拜要測驗嘞,佢禽晚答應我中文會有80分以上,因為之前係70幾分,我同佢講有進步已經好開心呀....
仲有呀,禽日英文老師打電話俾我,話佢攞左其他同學既野,跟住又講大話,老師覺得佢有知錯既....所以我無責備佢,同佢傾下....因為我之前試過打佢,對佢嚟講無用既,而且有反效果....
今次測驗,我地要同小朋友一齊努力呀
熙熙媽媽

Bowiema

PATPATPIG,

打唔係每個小朋友都受ga...我知道有d小朋友你越打佢, 佢就越會係學校度有d唔尋常既表現ga. 所以真係要搵啱方法去教自己既小朋友, 有時真係要傷下腦筋樣樣方法都要試下.

係呀....測驗週, 大家都要努力, 加油啊......

PATPATPIG

MLMaMa & Bowiema,
好開心呀,熙熙測驗成績,各科都合格呀,而英文上次31分,今次60分呀!
其實熙熙話呢兩次英文測驗要係另一個班房同其他兩三個同學一齊測喎...但佢唔想咁,我應該點做呢,可能佢覺得同其他同學仔唔同掛...
熙熙媽媽

Bowiema

PATPATPIG,

聽到你既news, 真替你開心. 照你既情況講, 應該學校比咗調適你仔仔, 如果佢唔想甘, 可能會無咗調適, 我諗你去搵老師傾一傾好d, 睇下點樣可以配合到.

PATPATPIG

有無媽咪可以SEND聽日4A班英文默書範圍<紙仔>,我知真係好麻煩......但真係十萬個唔該....THANK YOU......