農圃道官小家長請進

乖乖

原文章由 CW-KK 於 08-7-16 10:35 發表

HI~~~adwin2000:

抱歉遲覆你,我女派d唔好,所以去左基道叩門,已我所知如果全級排位在50.60名前都好彩可以入到英中既

Hi CW-KK

努力呀, 希望你囡囡最終揾到一所合適的中學, 加油!

尋日我都有去小六果個畢業禮, 真係"鄧"你地開心喇 (我囝囝今年升小二,仲有漫長的路, 哈哈哈...) 小朋友終於完成 6年小學生活, 由一個什麽都不懂事的小男孩 / 小女孩,  到現在已經成長喇, 畢業禮播翻佢地一幕幕成長嘅片段, 真係感動, 尤其係放小一嘅相同而家嘅相作比對, 原來樣子真係轉變左好多呀......唔知到我個囝畢業嘅時候, 我會唔會感動到喊呢?

人生有好多事情要面對, 完成左6年小學, 跟住ヌ到6年中學, 大學, 工作等......但我覺得在每個階段完成了, 再回頭望一望, 自己係有付出過, 努力過,咁就已經冇白費喇! 尋日畢業禮有位太平紳士致詞時講, " 能力係要由經歷去積聚" , 我心感認同!!

[ 本文章最後由 乖乖 於 08-7-18 17:33 編輯 ]

HinHinBaby

各位家長請幫忙回應
囝囝09入小一,心儀<農圃>,因爸爸是校友,囝囝是首名子女,即15分,首輪自選機會大嗎?聽聞轉左位金校長,是那年轉?轉變後,學校/學生/老師又如何?該校的質素如何?功課多少?程度如何?校風怎樣?有沒有校車到將軍澳坑口/費用/上落車時間?

HinHinBaby

囝囝09入小一,心儀<農圃>,因爸爸是校友,囝囝是苜名子女,即15分,首輪自選機會如何?聽聞轉左位金校長,那年轉?轉變後對學校有甚麼改變?學校/老師/學生/校風如何?功課多嗎?程度如何?有沒有校車到將軍澳坑口,車費/上落車時間?
唔該幫忙回應?

CW-KK

原文章由 乖乖 於 08-7-18 17:32 發表


Hi CW-KK

努力呀, 希望你囡囡最終揾到一所合適的中學, 加油!

尋日我都有去小六果個畢業禮, 真係"鄧"你地開心喇 (我囝囝今年升小二,仲有漫長的路, 哈哈哈...) 小朋友終於完成 6年小學生活, 由一個什麽都不懂事的 ...

乖乖~~~~唔知你囝囝參加咩表演環節咧?呵~~~睇住D小一小二D表演生就諗起小女初初入學時既BB樣,好可愛好懷念架.我都好喜歡果個太平紳士的演說,最記得佢講要學識獨居生活的4樣培養真係好緊要,金校長所講既"一份耕耘一份收穫"都係金句.大家努力繼續好好培養我們的小朋友啦.

乖乖

原文章由 HinHinBaby 於 08-7-19 12:36 發表
囝囝09入小一,心儀,因爸爸是校友,囝囝是苜名子女,即15分,首輪自選機會如何?聽聞轉左位金校長,那年轉?轉變後對學校有甚麼改變?學校/老師/學生/校風如何?功課多嗎?程度如何?有沒有校車到將軍澳坑口,車費/上落車時間?
...

Hi HinHinBaby,

我相信爸爸是校友,首輪中ge機會好高, 我老公係該校畢業生,呀囝上年都係首輪就入左 ...

金校長係農小都應該有4,5年 (如我錯,有經驗ge媽咪請指正), 對學校有セ改變我就唔知喇, 因為呀囝今年先升小二, 唔知以前係点, 冇得比較, 我只可將我個人對金校長ge觀感講出黎分享下, 校長係一個好積極, 好進取ge人, 我相信佢係有決心 / 熱心辦學嘅, 佢每朝都會企係學校門口對同小朋友講早晨, 感覺都幾 warm... .功課方面, 平均黎講都唔算太多, 可應付ge......

不如我講下我個囝對學校ge觀感啦, 囝囝係一個咀多多ge人, 成日都比老師罰企 (d老師都幾嚴嫁),  我一直都留意住佢ge發展, 睇下佢會唔會唔識應傳統學校ge教學模式, 但我發現佢尚算投入亦鐘意該學校生活,係早兩日佢先同我講, 好掛住班主任, 哈哈, 我心裏面真係有 d 意外, 以為佢成日比班主任罰,會唔 like 佢 tim, 從呢件事我發現, 每個人都有唔同ge觀感, 我以為佢會為某一件事而唔開心, 但可能佢根本就唔當一回事, 小朋友ge世界好單純, 只要你真心為佢好, 佢就鐘意你嫁喇, 嗯,我越寫越遠 tim, 總括, 囝囝喜歡學校生活, 亦祈待升小二.....

其實, 選學校最重要係家長ge要求, 到底自己想小朋友係一間セ野ge學校就讀呢, 因為你滿意學校, 大家先可以真正做到家校合作, 小朋友先可以得到最大ge 彼益!

至於, 校車方面, 我今晚揾張通告出黎睇下先, 但記憶中, 有家長住將軍澳都係自己帶返ヱ, 因聽聞上車時間太早了.....anyway, 睇完再覆你!

乖乖

原文章由 CW-KK 於 08-7-21 11:48 發表

乖乖~~~~唔知你囝囝參加咩表演環節咧?呵~~~睇住D小一小二D表演生就諗起小女初初入學時既BB樣,好可愛好懷念架.我都好喜歡果個太平紳士的演說,最記得佢講要學識獨居生活的4樣培養真係好緊要,金校長所講既"一份耕耘一 ...

CW-KK,

我囝冇份表演呀, 只係我曾經幫過下手做義ヱ家長, 所以學校比左張飛我參与,  本來要返ヱ去唔到,但囝囝ヌ好希望睇下d 師兄/師姐行畢業礼喎 (而學校又肯比多張飛我個囝), 所以咪請假去 law ,但係我覺得都值得, 起碼等囝囝感受一下d 師兄/ 師姐攞獎ge開心場面, 而我呢, 就好興幸有機會聽到呢位太平紳士ge演說, 獲益良多

CW-KK

原文章由 乖乖 於 08-7-21 15:23 發表


CW-KK,

我囝冇份表演呀, 只係我曾經幫過下手做義ヱ家長, 所以學校比左張飛我參与,  本來要返ヱ去唔到,但囝囝ヌ好希望睇下d 師兄/師姐行畢業礼喎 (而學校又肯比多張飛我個囝), 所以咪請假去 law ,但係我覺 ...

講起又好好笑~~~前兩年亞女有演出順便又係參加左大哥哥大姐姐D畢業典禮,一路睇一路好感動,睇相時流埋眼淚添 到真正亞女畢業時又冇流哦 亞女都有份攞狀架.....就係果個所謂既跆拳道"高手"

HinHinBaby

乖乖,多謝您的資料,麻類幫我查下校車的資料,我依家都15/16,因為擔心車程太耐,而且唔知間學校呀仔可不可以讀得來,呀仔間幼稚園程度中等,專注力麻麻,做功課又慢,又無記性,所以都好擔心...。如果有時間,寫d關於您個小朋友的日常學校生活卑我參考!唔該晒!

乖乖

原文章由 HinHinBaby 於 08-7-22 11:58 發表
乖乖,多謝您的資料,麻類幫我查下校車的資料,我依家都15/16,因為擔心車程太耐,而且唔知間學校呀仔可不可以讀得來,呀仔間幼稚園程度中等,專注力麻麻,做功課又慢,又無記性,所以都好擔心...。如果有時間,寫d關於您個小朋 ...

我仲未揾到張校車資料 notes, 揾到後我儘快 post 比你知....
其實我個仔做功課都好慢嫁, 最惨係一做功課佢就話眼瞓, 仲之唔係話頭暈就話身慶啦, 我就比佢激到cc下, 自己個寶貝係咁,真係要比人加雙倍心機慢慢教 (簡直訓練我 EQ, hahahaha), 呀囝間幼稚園係活動式教學, 功課唔多, 所以上一間傳統式小學係早期係有小小辛苦,因為上課模式不同, 係要時間適應, 但係我又覺得小朋友適應能力係好強, 好快就可以 pick up 嫁喇, 問題係到底家長本身有冇信心一齊面對這段艱苦嘅過度期姐, 你話係咪?

呀囝課堂生活都尚算開心, 佢地小一至小三係活動式教學, 呀囝小一上課時分開一組組坐, 每星期有默書, 囝囝果時通常一星期中默, 一星期英默, but 都係 depends on 老師嘅安排, 班班有d 唔同, 上學期一測一考, 下學期又一測一考, 每次測考前都有評估, 小一開頭嘅評估及首次測驗係有讀卷服務, 之後就靠小朋友自已睇喇, 農小係有拔尖補底嘅, 如果老師學得小朋友學業成績未如理想, 會pass file 去 check 下小朋友有冇學障, if result 係有, 好似測考會有專人讀卷咁 law, 我都係略知一二, 仲有冇其他補底就唔太清楚喇, 仲有係農小出面 (即農圃道斜路) 望過去第一層就係四班小一生嘅班房, 我地班送返學嘅媽咪, 早上d囝囡入晒學校就企係度裝裝下 (尤其我地班小一媽咪 law, hehehehe), 星期五下午沒有正規堂上,會分組上興趣班 (免費),例如, 無火煮食, 中國舞, 非洲鼓, 英詩等, 另亦有一些興趣班(自費),放學後上 (參加与否,是隨意的), 例如台拳道, 游泳, 管樂, 体操等....

其實官小間間大致都係咁上下 (除非有d特別差), 最重要係你心裏面有冇一個概定嘅選擇, 都係果句, 你同間學校嘅理念唔同, 好難做到真正家校合作, 講住呢d先, 希望幫到你!  有問題大家再交流下啦!

乖乖

原文章由 CW-KK 於 08-7-21 17:30 發表

講起又好好笑~~~前兩年亞女有演出順便又係參加左大哥哥大姐姐D畢業典禮,一路睇一路好感動,睇相時流埋眼淚添 到真正亞女畢業時又冇流哦 亞女都有份攞狀架.....就係果個所謂既跆拳道"高手" ...

原來跆拳道高手係你位千金, 真叻女 ~~~~你講開我ヌ講下先, 其實典禮果日,有對母女講感想, 當我聽到囡囡同媽咪講:{我最想多謝嘅人係你, 媽咪多謝您!}, 嘩, 我聽到d眼淚大滴大滴咁流, 即刻揾 tissue tim 呀, 呀囝仲問我發生セ野事, 好失禮呀!  

係呢, 呀囡揾學校揾成點呀? 決定左未呢? 希望你同囡囡有個愉快嘅暑假, 放完假充完电大家再努力過!

CW-KK

原文章由 乖乖 於 08-7-22 16:22 發表


原來跆拳道高手係你位千金, 真叻女 ~~~~你講開我ヌ講下先, 其實典禮果日,有對母女講感想, 當我聽到囡囡同媽咪講:{我最想多謝嘅人係你, 媽咪多謝您!}, 嘩, 我聽到d眼淚大滴大滴咁流, 即刻揾 tissue tim 呀,  ...

乖乖~~~講起果對母女的交流我都好感動,為人父母見到自己仔女長大,所有的辛苦都係值得既 女女已經入左間佢想入既中學啦,因為成績一般唔得出所以去左"基道",不過佢喜歡希望佢努力追返D成績啦

HinHinBaby

乖乖,非常感激及多謝您的資料,依家對農小的認識加深了不少,我是全職媽咪,所以無時間去學校視察環境,多謝回應。

召藥師

原文章由 乖乖 於 08-7-21 03:23 PM 發表


CW-KK,

我囝冇份表演呀, 只係我曾經幫過下手做義ヱ家長, 所以學校比左張飛我參与,  本來要返ヱ去唔到,但囝囝ヌ好希望睇下d 師兄/師姐行畢業礼喎 (而學校又肯比多張飛我個囝), 所以咪請假去 law ,但係我覺 ...

我冇份去添，可能我冇去圖書館做義工一排(因為包書膠用哂)，而且入場票有限。

召藥師

原文章由 CW-KK 於 08-7-16 10:35 AM 發表

HI~~~adwin2000:

抱歉遲覆你,我女派d唔好,所以去左基道叩門,已我所知如果全級排位在50.60名前都好彩可以入到英中既

容我俾小小意見妳嗎?
如果仲有選擇，最好唔好選基道，因為我已經唔係第一次見佢地d學生當街食煙同埋男男女女攬埋一齊，而且d校服著到走哂樣，一d都唔似個學生。我由個仔讀幼稚園到而家個女讀幼稚園，依幾年日日都會由土瓜灣行到紅磡接送小朋友，我真係見唔少，所以印象深刻。

召藥師

原文章由 HinHinBaby 於 08-7-19 12:25 PM 發表
各位家長請幫忙回應
囝囝09入小一,心儀,因爸爸是校友,囝囝是首名子女,即15分,首輪自選機會大嗎?聽聞轉左位金校長,是那年轉?轉變後,學校/學生/老師又如何?該校的質素如何?功課多少?程度如何?校風怎樣?有沒有校車到將 ...

我個仔同乖乖一樣(小一升小二)，我自己係校友，第一輪就入左，所以妳囝囝選農圃道，中選機會好高。

我好滿意金校長，佢ge理念同處事方式都係我好欣賞，只係唔滿意而家普遍學生質素差左(家教問題)，同埋整過小學ge中國語文程度比我細個時深左足足一年有多，我個仔語文能力發展又唔算好好，追得幾辛苦。

另外，我個仔到結業前都一直俾人蝦，班中有幾個問題學生，我自己都親眼見識過(俾人叫王八蛋，出位搗亂，去課室接阿仔又睇到課室滿地垃圾)。我個仔本身唔多專注，俾d曳同學舉動吸引住，影響上堂學習，好無奈。

好在，阿仔今年有位非常好的班主任(雖然一開始轉了兩位班主住有點無所適從)，好照顧佢，又會打電話同我及我老公講阿仔返學遇到的問題。佢班主任怕佢小息俾人蝦，特登當值時留意多d阿仔，到而家阿仔終於開始識得保護自己多d喇，令我覺得安慰，真係好感謝洪老師。

[ 本文章最後由 召藥師 於 08-7-23 03:19 編輯 ]

CW-KK

原文章由 召藥師 於 08-7-23 03:01 發表


容我俾小小意見妳嗎?
如果仲有選擇，最好唔好選基道，因為我已經唔係第一次見佢地d學生當街食煙同埋男男女女攬埋一齊，而且d校服著到走哂樣，一d都唔似個學生。我由個仔讀幼稚園到而家個女讀幼稚園，依幾年日日都會由土瓜灣 ...

死啦..........因為亞女成績唔突出所以扣左10幾間得兩間收左亞女咋 問左老師意見黎間比較另外一間好d,所以先選佢咋 算啦~~~~已經叫亞女黎一年追返d成績再搵過學校啦 上次去學校考呈分試時見過個校長幾年輕,幾有心改進學校成績,所以讀住先,自己教亞女一定要尊師重道,小心自己言行

乖乖

原文章由 召藥師 於 08-7-23 03:13 發表


我個仔同乖乖一樣(小一升小二)，我自己係校友，第一輪就入左，所以妳囝囝選農圃道，中選機會好高。

我好滿意金校長，佢ge理念同處事方式都係我好欣賞，只係唔滿意而家普遍學生質素差左(家教問題)，同埋整過小學ge中國語文程度比 ...

召藥師,

班主任真係好重要嫁, 恭喜你係小一就遇到一位好嘅班主任, 講開又講吖, 其實可以對住一位有多年教學經驗嘅老師固然之好, 但其實一位新上任嘅老師都有好多好處, 就係做事有衝勁,有熱誠, 肯博, 所以凡事真係兩面睇!
至於學生質素, 我都覺得而家教小朋友真係有d 難度, 而家 d 家庭多數都得一個 (包括我都係), 小朋友同朋輩相處嘅技巧掌握得唔夠好, 好似我個囝果班咁, 大多數都係獨生子 / 女, 有時見到佢班主任都幾勞氣嫁, 所以, 我地做家長嘅, 都要係屋企好好教導小朋友d行為上問題, 真係唔好剩係依賴學校, 自已都要負責任, 所以而家我都不斷係度努力緊, 希望呀囝小二有大躍進啦!  召藥師, 雖然你果班有一些問題小朋友 (我所講係學障~過度活躍等問題), 但同時亦係最多叻仔叻女嘅一班呀!  中文程度係相對比較深, 呀囝係細B, d作文, 閱讀理解都弱, 但我見佢係慢慢有進步, 希望佢漸入佳境啦....

HinHinBaby

乖乖 ,召藥師,
多謝兩位,其實依家D細路真的很難教,個個都係金菠蘿,我都係得一個仔,日間只得囝囝同外傭,所以說話五音不全,而且又唔識同小朋友溝通,去到公園都自然一個人玩,有時有小朋友過來同佢玩,佢都唔出聲,唔敢玩,好麻煩!囝囝九月升K3,好無記性,日日放學問佢都話唔知老師教左?甚麼都不知道?放工番來同佢做功課,好鬼辛苦又勞氣,近月好主觀同硬頸,您地的小朋友當年又點樣?

召藥師

原文章由 乖乖 於 08-7-24 02:03 PM 發表


召藥師,

班主任真係好重要嫁, 恭喜你係小一就遇到一位好嘅班主任, 講開又講吖, 其實可以對住一位有多年教學經驗嘅老師固然之好, 但其實一位新上任嘅老師都有好多好處, 就係做事有衝勁,有熱誠, 肯博, 所以凡事真係 ...

弊在d叻仔叻女又冇阿仔份呢

召藥師

原文章由 HinHinBaby 於 08-7-26 10:08 AM 發表
乖乖 ,召藥師,
多謝兩位,其實依家D細路真的很難教,個個都係金菠蘿,我都係得一個仔,日間只得囝囝同外傭,所以說話五音不全,而且又唔識同小朋友溝通,去到公園都自然一個人玩,有時有小朋友過來同佢玩,佢都唔出聲,唔敢玩, ...

問題就係可能平時少人同佢溝通，外傭有幾多真係會花時間係小主人身上丫?我見唔少公園個d外傭就知。

我知妳同老公要返工，放工後都好累，不過除左睇功課外，同佢玩同佢溝通都好重要。說話能力差，即思路同語文組織都會唔掂，到上小一時真係會好有影響，因為小一中文下學期進度好快，又要作句，又有聆聽同口試，而家要快快train喇!

小朋友總有個時段反叛，一定要有耐性同佢講道理，如果佢做錯事，不妨父母是但一個做惡個位，另一個做善良d個位，開導佢多d，要教佢表達自己，父母要耐心聽同引導佢講出黎，咁就會有改善。