個仔唔鍾意讀書...而家重出手打人, 重可以點教 ???!!!

過客

求救, 我已經想唔到咩辦法啦.

個仔今年小二, 小一成績都 OK, 小二成績一落千丈, 老師話佢想堂去左遊魂, 成日都要叫佢回魂, 上學期已經考包尾,老師已經同佢講, 再咁樣落去唔掂, 佢都係咁.

查實, 佢係一個唔鍾意讀書同做功課既人, 佢成日都寫 " 最憎讀書, 最鍾意玩",功課晚晚都做到好夜, 試過去補習社, 好辛苦先拉到佢去補習社, 但就大炒大鬧, 攪到補習社退 $ 比我, 叫我唔好再去, 請私人補習上門, 佢又冇心機去學.

今日我比練習佢做, 佢又係到喊, 大聲鬧佢, 佢反抗, 跟住重整欄本練習簿和將 table 上所有野擲到地上.....重打我, 攪到同佢大打出手添...我唔識教仔啦, 有冇人可以指教下我, 重可以點做呀....

lillymarie

如果學校有社工，搵社工幫手。又或者見見輔導員，去小童群益會那類機構找。

小朋友已情緒失控，小二有這表現不尋常。

過客

多謝分享.
但我真係唔識睇個仔想點.

音樂人長老

盡快向社工求助，部份直資學校無駐校社工嘅話，上社署網站揾妳住嗰區嘅Integrated Family Service Centre，佢哋有當值社工可協助轉介。報紙寫有小六生用滾水淋同學，佢出手打得妳，最怕佢喺學校都照樣係咁，好容易惹官非。

同社工講時要盡量坦白，唔好怕家醜外傳，對方先幫到忙，我之所以咁講係因為親戚朋友中有活生生例子，兩家父母都怕面對現實，見社工都講啲唔講啲，甚至話都唔算大問題喎，(例子1)人到中年成為「啃老族」，同親戚朋友周圍唱父母對佢唔好;(例子2)17歲少年烟酒打機樣樣齊，推撞阿爸，阿媽唔俾零用就掟佢間房啲嘢發洩。

唔好介意我坦白講，佢哋都係俾阿媽自細緃壞，樣樣照顧周到捧到上天。好希望樓主仔仔補救及時，否則有幾十年苦要受。

補充多一句，樓主呢類個案有好多，分別只在程度不同，唔好担心，社區中有好多專業人員可以幫到妳，最重要盡早尋求協助。

Yanamami

P2仲有得救.  快快尋求專業輔導.  成日睇news因阿ma/阿爸唔俾打機 or 唔借$俾去, 擺刀斬父母就係呢d.  讀唔讀成書係一回事, 但做唔做個好人又係另一回事.  小時太寵太遷就, 大了受苦是身邊人.  大陸一孩政策下見多了.  10歲前應還可補救的.

linseymom

除左囝囝唔鐘意讀書呢個殘酷現實之外，你有冇諗過仲有咩因素令佢反應咁激？學校有欺凌嗎？家庭有轉變嗎？有沒有同囝囝冷靜咁傾下，佢左學習上有冇困難？你亦可以同老師及社工傾下，睇下可以奌幫佢。希望你找到問題根源，對症下藥！祝福！

過客

多謝各位幫忙

szeszes

去搵社工幫忙, 小朋友既情緒失控

sukihon0

打人就真係有少少嚴重喎!! 要留意下小朋友從邊度學返黎..會唔會係成日玩d打鬥電腦遊戲...

vincher

Sorry！會唔會父母的管教方式也是經常以打駡?孩子長期於此方式下成長，也以為打是解決問題的方法
當然，小二便動粗，情緒必定有問題，盡快尋求社工幫助!想找政府專業輔導，好似可叫學校社工幫忙，叫班主任寫下學校所見情緒問題，再叫家庭醫生寫轉介伩，會排得快D，問社工吧!他們知道門路!

MumofRonDawn

Must seek help from school / 社署!
There should be some reasons for his behaviour.
It's good that you try to find ways to solve the problems.
However, it's not a simple issue that we can give advice via this website.
Please consult some professionals, like social workers or educational psychologist...
DON'T give up!  You son yelled and showed his emotions to you because you're his Mum.  You're his loved parent.  Try to talk with him and know why and what he wants.  Note all his behavioural problems and his grievance and report to the professionals for looking into your son's problem.
勿放棄!  愛仍在你們左右!!! :)

之媽

除了情緒問題外，會否是學校及家庭上的教學方式不適合他，例如：他可能需要少D功課講求探索的活動教學方式等，如上傳統學校比較谷的可能不適合他！

smallfoothk

之前電視上,有一所學校專收有問題的學生,有問題意思是家長不懂教小朋友,有書讀和運勳+寄宿,學生自己出來講讀得開心有自信,性格變得合群,因教師要有耐心和愛,名字學校忘了,相信可問老師便知.如適合便要想一想,轉一轉.