係咪有事？求大家幫手分析下同支持

JNF

我仔仔現在13個月大，由於出世起一直以來眼神接觸差（少眼定定望人除非好吸引或同佢玩），最近亦發覺其他與自閉相似的情況，好擔心同唔開心，呢個時候又細未能完全確診，一方面諗會唔會仲細大少少會正常？一方面又諗現在已有呢d行為會唔會只係開始之後會好嚴重？
呢一刻唔知下一步應該點做好？政府一定會叫觀察等到一年後再看，但如果嚴重我唔想錯過改善機會、大家幫幫手睇下以下情況似唔似同大概點程度？下一步應該點做好？
1. 眼神：一歲前眼神一向唔夠其他人好，視力發展正常無眼問題因為檢查過同好遠好細都望到。可是之前見陌生人逗會超開心笑，佢好少會眼定定望人但會留意周圍，現在較多兩頭望，會定格出神唔知望咩，出街多人時最差、眼神會飄走左，見陌生人會呆左，好快閃開隻眼。玩peekapoo都會開心，鍾意睇我除戴眼鏡。最傷心係總覺得佢望住父母唔覺得係父母，成日唔望
2. 基本反應，指令：未bye bye，只會拍手不過有時自己拍，叫名唔應，有時會望你（唔知係咪聽到聲），佢要一樣既，會伸手想去拎或捉我隻手唔會指，不過最近發現佢成日想俾野我，例如佢拎住玩具我伸手，佢會伸向我。如果佢自己亂咁爬走左去，我叫bye bye媽媽走啦，佢一定會停落黎望一下，會爬向我
3. 玩玩具：佢咩玩具家品都搞，最鍾意按收音機開關同轉音亮制，玩鞋，最近買學行車都鍾意推同玩上面既制因為有音樂。至於車，佢好放地上食指按上面前後推，俾電話佢會按制，不過三分鐘熱度玩玩下又轉下一樣。有擔心係佢最近會定神望轉野如廚動抽氣，唔知係咪心理作用覺佢對圓野特別鍾意，如抱佢會按我衫既鈕扣，俾公仔佢會用手指按個公仔鼻然後咬，留意地板既口水會玩或拾垃圾。鍾意人地放洗手泡去會野人度，捉吹泡泡都好鍾意。心情好又會同父母拋波波
4. 無分離焦慮，之前問過醫生佢話可能性格但我覺佢唔太care親人定外人，不過屋企度佢會走去我地隻腳度。我覺得佢有留意周圍係好奇咁會周圍爬同亂搞
5. 言語：現在會有papa,同一d單音：ling ling不過真唔知佢可能係無意思自言自語，因為唔係望我時候講可能係換片時或玩玩下講，最近多了連續既'咕咕'音唔知好定壞事
6. 其他行為：呢個有擔心因發覺佢間中會拍一邊頭，常了耳孔，會咬牙，無自轉fing手不過放佢床度會扭來扭去。有次見佢自己開左櫃門拎到個搖控出黎好開心自己笑
請大家幫幫手分析下，自己不停諗個心好亂，好驚佢愈來愈唔同我地笑，同以後唔會再知我地係父母唔再理我地
謝謝大家！

JNF

有無人知

newsky

有啲似！個人認為眼神接觸如果無， 同埋十問九唔應，即叫佢個名好似聽唔到甘！呢兩樣中左就似係！

JNF

謝謝，未確診前無支援我可以點做？

KCHK

睇到一個比較詳細的說明, 我開始覺得有d 似, 因為佢似乎已經有特殊偏好(圓形的物件), 對你講的說話好像無咩反應, 無咩眼神交流, 只留意佢喜歡的東西。你現在可以做的是同小朋友玩多d， 同小朋友建立多d 感情, 建議你試下"地板時間"的治療方法

YANMA0724

可以試下同佢練多d眼神接觸先，例如比佢最鐘意既餅佢望，跟住要望你先比佢食，就算係一秒好快都比，慢慢先加長時間，如果佢唔望就收起唔比佢食

佢鐘意吹波波，要佢望你先吹，你可以放支波波液係你眼同嘴附近，佢一望你就吹

放d物件係你眼附近，佢想要都係望咗你先比，多d同佢去公園打千秋同玩滑梯，比佢爬多d，刺激多d前庭都有幫助

其實原來眼神接觸都好緊要，我以前都唔知，所以練咗先，你有無排協康或政府CAC？我建議你家長多d同佢練習，等佢大d約2歲左右再報密集班或感統治療

JNF

謝謝你地既分析。請問我知道自閉是無得根治，但如果假設而家有傾向我呢半年改善到幾個行為，其實最後有無可能評左係無？
仲有一件事請教，佢望轉野好入神，帶去走又走去睇如果唔俾好惡，咁有咩計？係屋企用其他玩具引佢唔得
同呢兩日我地發覺佢會伸個開唔到蓋既盒俾我地幫佢開，吹d有音樂既玩具佢見住好開心笑，同出街成日伸出手想摸野，係咪好既方面呢

JNF

咁早已經有呢d情況長大d會唔會變壞架
聽講有一種叫倒退性會愈來愈差....

KCHK

唔好理是否會轉壞, 樓主, 你現正要做的係盡量幫小朋友, 不過就唔好比壓力小朋友, 你當係帶佢上playgroup 咁, 小朋友是需要遊戲中學習的。

KINGKI0308

自閉徵狀因人而異， 3歲開始會陸陸續續出黎， 有人係嚴重， 有人輕微，其實都係一路做訓練， 一路見招拆招，个个小朋友問題係會有 d 相似， 但唔係用相同手法就化解到