真心請教細B考小一分享！

schooling

因仔仔係10月細B，下年考小一了！
十分擔心，應付不來。因今年身邊好多，細可以完全冇offer。。。
真痛是否在幼稚園repeat一年增加競爭力(emoji)
真心請教大家細B家長，例如：蔡繼有，真道等細B如不repeat能有競爭力及offer嗎？

TKLR

個個小朋友唔同，我個女12月超細B，K1家長日老師話佢無比大B輸蝕，所以無同佢repeat。今年考小一，in12間一個offer三間waiting其他直接reject無second in，我覺得差距一定有，但唔明顯，反而性格對interview成功與否更有關係 （個人意見，不喜勿插）

tiffany168168

schooling 發表於 16-11-25 17:59
因仔仔係10月細B，下年考小一了！
十分擔心，應付不來。因今年身邊好多，細可以完全冇offer。。。
真痛是 ...

我仔仲細過你果個。最緊要係父母認清小朋友能力，除非跟唔上，否則唔使突登做大B, 大B都未必有offer.  現在仔仔已經有幾個心儀直私offers.  繼續做細B升小一。加油。

schooling

TKLR 發表於 16-11-25 18:29
個個小朋友唔同，我個女12月超細B，K1家長日老師話佢無比大B輸蝕，所以無同佢repeat。今年考小一，in12間一 ...

知道性格緊要，但擔心學術上不及！其實小學術上考嘅野深嗎？

Happy_J

我囡上年考小一，身邊有幾個10月細B 分別考到SFA, GH, APS, 高主教,救恩等offer。佢自己都考得到心儀嘅。

唔好比太大壓力自己同小朋友。加油！

schooling

Happy_J 發表於 16-11-25 18:46
我囡上年考小一，身邊有幾個10月細B 分別考到SFA, GH, APS, 高主教,救恩等offer。佢自己都考得到心儀嘅。

...

嘩！小朋友好叻呀。小朋友本身是否名幼出品？

JoyceNgYY

除非你target 神校，否則，禮儀加學術遠遠緊要過大細b之分。綜合自己及身邊朋友，細b都有好多1，2線offer 或2nd in ，同樣地亦識大b考好多間都冇。學術係深過幼稚園學的，所以點解成人聽人講伴讀咁緊要，你唔prep，大細b都冇分別，你仲有大半年時間，小朋友可以進步好多，加油!

Happy_J

schooling 發表於 16-11-25 18:44
知道性格緊要，但擔心學術上不及！其實小學術上考嘅野深嗎？

是私幼，學校在學術和德育教得好好，升小嘅support 都好充足。

schooling

Happy_J 發表於 16-11-25 18:56
是私幼，學校在學術和德育教得好好，升小嘅support 都好充足。

是否學x園？

lui

schooling 發表於 16-11-25 17:59
因仔仔係10月細B，下年考小一了！
十分擔心，應付不來。因今年身邊好多，細可以完全冇offer。。。
真痛是 ...

男仔我建議repeat.除非好成熟

etetet320

我仔仔間幼稚園有3個重讀K3. 其實佢地上年小學已經收左佢地.因為有20分,但成績差,學校叫地重讀K3.

aryemyem

其實可否照升小學，小二才轉間比較好的小學插班重讀？

sandychan0707

阿女上年考小一，十一月尾b，其實都好明顯在體格上會輸，不過其他方面冇太分別！都係只有有七間waiting,到七月最後其中有四間有offer,其中有兩間有叫我去2nd冇去！所以結果又唔太差，不過細B成日比人放在waiting!要等了又等！

dim731

我仔係12月頭細b，幼稚園時見左5間學劵學校，好好彩第一間就收左上晝班，不過後面4間都無offer
因為我係全職媽媽，以前都幫過下小朋友補習，到佢兩歲開始一星期整幾款小遊戲比佢玩，例如穿珠仔，分長短，顏色配對咁；唔玩遊戲嗰日就去會所或公園，等佢接觸唔同年紀嘅小朋友；同埋每日都會讀兩版兒童百科全書，到兩歲八個月返K1已經睇左5本
K1每星期同佢溫習，一直持續到上學期完左收成績表，老師話佢學術上跟得上，係自理同埋聽指示要比心機，跟住就開始要佢自己的事自己做，甚至幫忙掃地淋花收衫；下學期已經明顯有進步
因為一直有心儀嘅直資學校，所以升K2嘅暑假已經同佢講遲啲會帶佢去小學玩，如果老師又鍾意你，你又鍾意學校，咁就可以小學去嗰度返學，所以K2你要乖啲同比心機學習，升小學就會開心啲
K2下學期教寫名，睇過嘅圖書開始要佢認讀，每日最多4版
到6月考第一間直資，自覺佢表現已經合乎預期，不過真係唔算高分，結果係waiting都無
9月尾考第二間，玩足1個鐘頭，出到嚟竟然話用英文問佢問題（但我哋揀用廣東話面試），佢又識答，順利入到第二輪
見第三間直資神校，填色時出晒界，比其他考生話佢填得好核突，又有朋友仔話佢好嘈，已經打定輸數，又真係無2nd in
11月頭去第二間嘅次輪面試，當時我太緊張，發揮得唔好，佢又睇書講故事去到第三版就比人叮左，到單獨面見時問佢有關爸爸嘅工作同家中嘅事佢就答啱晒，不過認字咭就錯左唔少，心諗入到
waiting都仲有機會
上星期三公佈結果，果然係waiting,但下晝突然收到電話，約星期五再見多次校長，仲話最好爸爸都出席；好大陣象咁同佢兩父子做mock interview，揀好晒衫，計定幾點出門口，去到同校長傾左十分鐘左右就confirm offered，直頭開心到暈呀～
細b係咪要重讀，睇返小朋友，如果情緒夠穩定，唔怕陌生人，容易適應新環境，學術上比下半年嘅小朋友好，小肌肉發展理想，家人有一定嘅程度支援，要考到學校嘅機會已經同年頭甚至超大B睇齊
加油~(emoji)

jestella

原帖由 55479090 於 16-11-25 發表
睇下＞大細B 升小後表現
http://www.edu-kingdom.com/forum.php?mod=viewthread&tid=3382221&extra=page%3D ...

多謝分享！

Heyheyjoyjoy

我孩子10年12月b，去年初做功課發現他唔知老師講什麼，所以無自行，報了十幾間直私，到年頭再看有進步但要應付再深的還是差一點，所以無抽獎，再觀察到3/4月，決定重讀。到5/6月，做功課時覺他已追到，不過已經決定就不回頭了。還有8月尾有一家reject了的私小call有位，我們也不考慮了。

過程中一直跟學校緊密溝通，幸運地遇到好老師，照顧到他的心理，就算其他同學準備畢業表演，阿仔也開心的做觀眾，所以留在原校。

今年只報了4間直私，2間reject，2間offer，當中有孩子最喜歡也有父母最喜歡的。而孩子去年苦戰1小時的寫字功課，今年15分鐘內完成；接近6歲，人成熟了，好多事理也明白了。

回顧當日，對我的孩子來說他捱過了不安的、自信受傷的一年，換來比較好準備未來的挑戰，晚一年是值得的，畢竟只是孩子之前讀早了，如今也只是補齊4年幼稚園生活而已。

考學校有太多其他因素我們不能控制，我孩子的好際遇除了他的努力，多少是天時地利人和下的偶然，做大b並無絕對優勢。而有些孩子比較成熟、主動、人際關係叻d、家中可投放較多資源進補、孩子又受得壓力，做細也一樣好。

樓主如考慮重讀，首先要說服自己孩子不差別人，年尾出生在香港讀書不是太細就是太大，不像2/3/4月份的適中，這不是孩子的錯。而總有三姑六婆講難聽的說話，父母要准備好應對，務求令對孩子傷害減至最低。這部份應該是轉做大最難的！

以上經驗希望幫到你，祝你順利。

schooling

Heyheyjoyjoy 發表於 16-11-26 01:21
我孩子10年12月b，去年初做功課發現他唔知老師講什麼，所以無自行，報了十幾間直私，到年頭再看有進步但要 ...

Thanks for sharing!Agree with U ,有時候Timing真係好重要。做同一件事教同一課程，只要他們成熟定能事半功倍。當初他小時候幼稚園當然老師一定説冇問題，但做父母當然心知細B一定爭D。考學校是天時地利人和的事，但為何考慮K1 repeat ，因為他們還少能將心理影響降到最低。作最好準備去考學校，有自信是一世的事！當太世要面對，不繼考學校的失敗同教做功課上糾纏。其實現在K1都表現好好追得上！但做父母當然不想因現在表現好，換來將來不斷外補追趕他人變成冇自信。現在香港教育制度，讀叻幼稚園課程深為左考小學！讀Happy School不用repeat，上小學又跟不上。希望多讀一年，先苦後甜是值得啦！

schooling

aryemyem 發表於 16-11-25 22:57
其實可否照升小學，小二才轉間比較好的小學插班重讀？

我都有認真諗過！二年級已好識性，到時候知自己要重讀，會不會不開心對心理有影響呢？K1現在還小，repeat也不知道發生什麼事