應該如何選擇??可以請教下嗎?

felixluk

仔仔兩歲幾被評估有輕度自閉,
等左年幾, 終於等派位去明愛樂興幼兒中心,
問題 : 我仔仔讀緊K1 (REPEAT 左1年), 最近老師話佢係有進步但始終唔同其他正常小朋友進步得咁快...
暗示叫我讀特殊學校...但因為親眼見到朋友個仔又係有自閉症, 入咗去特殊學校情況仲差咗...
所以我宜家唔知點選擇..要唔要去讀明愛個間...

請問有無JM 知唔知明愛個間好唔好?
有無JM 可以指教一下?

P.S. 我仔仔已經參加左學前到校服務, 每星期五上堂

pocoyo123

樓主:

1)小朋友現在repeat K1即是今年已經4歲或者5歲, 你要諗下在6歲前上小學只剩下2年或更小時間去追, 如果你reject左S位, 你又無更好或更全面訓練比佢, 有可能下次你要考慮的是特殊小學.
2)你朋友的孩子入左S位退步, 跟你小孩入不入是兩件事, 一年咁多人讀S位, 一定有人讀得好, 有人讀得唔好, 而且好不好又有好多先天後天因素, 只睇單一個人係無用的.
3)學校可以去參觀, 沒有最好的學校, 只有最適合的學校, 去睇下,帶小朋友 同導師傾下, 佢地一定有專業意見比你

lawwct

完全同意pocoyo123 的講法, 好不好又有好多先天後天因素,除了學校,父母都要身體力行,在家同小朋友訓練

學前到校服務每星期得一堂不足夠, S位資源豐富,有職業治療,言語治療,打好根基,K3可能可以轉返去I位

不要錯過6歲前的黃金治療期間!

KCHK

真係好同意, 我仔未讀S 位前係有小進步, 入左S 位未夠半年已經係大進步, 佢地真係好針對性地計劃每一個小朋友需要邊方面治療, 好到位的。

legolas625

repeat左都唔追唔到，樓主要接受現實，就係他需要更多服務，現有的唔夠。

legolas625

其實任何訓練就有人得，有人唔得，一半係睇小朋友潛質，一半係訓練，S位老師和治療師好有經驗，比幼稚園老師更幫到小朋友。

p_ma

完全同意樓下的意見，你的小孩不同你朋友的小孩。