請求分享

tracylaw1982

今日同左個仔去左協康心理評估，中度自閉，醫生話未可以confirm,係特徵指向中度

醫生講到好似無咩野，建議先言語、再社交、後學習接受改變。亦建議排政府早期訓練，其實果時都覺得建議奇怪，點解唔係兼收位或特殊，但傷心得濟唔識問

有無人可以分享下，我諗緊星期一打去問下可否改排兼收或特殊

sunnyraychan

協康會吾係臨床心理學家評估嗎？乜係醫生嗎？咁有冇同你講診斷評估係用DSM5版最新自閉譜系評估手冊呀

sshoney

早期幼兒訓練同特殊幼稚園係一齊排，係同一條隊，特殊幼稚園排嘅時間較長，通常都係早期幼兒排到先，跟住等特殊幼稚園，兼收係另一條隊。
我地果時都係協康會評估，亞仔係初至中程度。今年排到特殊位，9月份可以返得。
盡早將心理評估轉介比社工排位先，再決定做咩訓練。

2babymun

我小朋友在協康找心理學家做評估。當時佢評估我小朋友有輕微自閉証徵狀。佢建議可以排早期或兼收位。佢評估指標好似是根據台灣綜合評估指標。(我也不太記得全名)
如果中度自閉徵狀，只排早期？！
建議打俾協康，再問清楚幫你小朋友做評估個醫生。

tracylaw1982

係心理學家，姓呂的，但我不清楚佢用邊隻，佢plot左幾張圖，就根據分數說是中度

tracylaw1982

原帖由 sshoney 於 16-04-16 發表
早期幼兒訓練同特殊幼稚園係一齊排，係同一條隊，特殊幼稚園排嘅時間較長，通常都係早期幼兒排到先，跟住等 ...

個心理學家同我講早期/特殊/兼收只可以選一樣

tracylaw1982

原帖由 sshoney 於 16-04-16 發表
早期幼兒訓練同特殊幼稚園係一齊排，係同一條隊，特殊幼稚園排嘅時間較長，通常都係早期幼兒排到先，跟住等 ...

個轉介信個姑娘寫好叫我去拎，希望明天我打去可以改😥，心理學家一開始問我揀邊種，我一知半解問佢意見，佢話特殊就不用，兼收排很久，排到可能已經唔需要用（唔識問點解）

tracylaw1982

原帖由 2babymun 於 16-04-16 發表
我小朋友在協康找心理學家做評估。當時佢評估我小朋友有輕微自閉証徵狀。佢建議可以排早期或兼收位。佢評估 ...

明天打去心理學家問下😢唉，昨天一聽到個心眼涙流，咩都唔識問

2babymun

早期訓練，兼收位或特殊位。去到見社工，個社工都話而家只可以排一樣。唔可以同時排2個或3個架。
雖然心理學家俾左早期或兼收位我選擇。最終社工叫我只可以選一個。甘而家我排兼收，唔可以排早期了。

sunnyraychan

回覆 tracylaw1982 的帖子

係曪，協康應該係心理學家評估的，評估標準應該都係採用美國編制的DSM5自閉譜系障礙手冊，如果是評為中度，即需要較充足的支援，我諗I位及S位兩者選其一，邊度快有位去邊啦