迪士尼美語世界教育顧問一問

hoching1120

本人想買迪士尼教材,但上來屋企個教育顧問麻麻地.我聽人講教育顧問都好重要,会跟幾年.有無媽咪買過迪士尼教材又遇過好細心.好專业嘅顧問可否介紹給我.同埋教材有用嗎?thanks

lovecupid

教材有冇用係在於家長有冇花時間同小朋友一同學習。如果家長只係買回來如巴士roadshow喺咁播，以為個小朋友自動學曉，咁就一定浪費金錢。
成功例子背後其實有家長input。

kuroro

回復 hoching1120 的帖子

啲教育顧問分分鐘做一陣就唔做，好有心機都係開頭嗰排！收咗你commission話知你死啦！我做過其他教材嘅顧問。做咗幾日就冇做。好有心機跟你個CASE？除非你有客俾佢啦！

kuroro

回復 lovecupid 的帖子

啲教材根本就唔值咁多錢。我依家做一套類似嘅俾我學生都得。最值錢係套理論，對兒童心理學有研究嘅都唔會買。

shadeslayer

原帖由 lovecupid 於 12-11-28 發表
教材有冇用係在於家長有冇花時間同小朋友一同學習。如果家長只係買回來如巴士roadshow喺咁播，以為個小朋友 ...

如果家長可以花時間，用咩教材也可教出叻仔叻女。為乜比咁多錢？

Yanamami

Agree with the above. It's not worth the money.  With that amount of money, a caring and determined parent can achieve lot.  Think twice!

csy_ma

冇錯，套教材根本唔值咁多錢。佢既VCD有幾多唔係卡通，而係一頁頁好似所附書咁既公仔，加埋畫外聲吧了。不一定留得住3歲以上既小朋友。
我囡細個時有朋友幫我係新加坡買左套有十幾隻碟同十幾本書既主要產品返黎，先至千幾蚊。我囡兩歲時睇還可以，佢最鍾意係睇每隻碟有真既小朋友出現果d播歌片段，會要求重看又重看。但到左三歲以上，當中既非動畫部分，已好難留得住小朋友……(我後來在其他用左幾萬蚊買香港版既同學仔屋企，特別要求佢播返囡囡睇慣果ㄧ兩集我睇，係冇分別既)，結果，我囡經常睇既，唔多五集。

BBC果套都有家長copy左畀我，係泥膠公仔，因為係較新既製作，似乎吸引少少?最少少好多唔郁既、剩係畀ㄧ幅幅圖+配音既搵笨畫面。不過，我囡怕其中講巫師果集，唔肯再睇，結果都係要黎擺。

要知道，推銷果陣，小朋友好易受現場氣氛吸引，而且佢地ㄧ定唔會畀你睇到佢地慳皮果部分。買到返去，可以留得住佢地既注意力幾耐又係另ㄧ回事……

但我都贊成播英文卡通係令小朋友唔抗拒英文既好渠道，但未必要買咁貴既，只要多試(同最緊要唔好畀佢地知可以轉台聽中文),就算睇有線既迪士尼頻道都得，總之係搵到佢地鍾意，會睇完又睇既類型至係最重要，其他既配套都係想賺多d既花巧野，唔係咁重要。

shadeslayer

原帖由 csy_ma 於 12-11-29 發表
冇錯，套教材根本唔值咁多錢。佢既VCD有幾多唔係卡通，而係一頁頁好似所附書咁既公仔，加埋畫外聲吧了。不 ...

看卡通，小朋友都係點到即止好。

家長用心用時間，教不出叻仔叻女才是奇事。不用心不用時間，看什麼也是得益有限。

為何咁多人排隊比大舊錢人使，買D舊卡通？

sillydad

教材太貴了

Nanasha

真係唔好買disney呀, 我有D朋友比個仔睇, 睇到hyperactive要去做治療呀!!'

kuroro

回復 Nanasha 的帖子

我都有聽過類似嘅CASE。教材值咁多錢，好多落哂去公司同SALES個袋度。啲SALES嘅傭金最多幾千，照顧你幾年？咪傻啦！你估佢係你小朋友嘅私人教育顧問乜？有心機嘅，自己搵sources做教材。其實小朋友鍾意睇動畫啫，洗乜買幾萬蚊嘅教材？去外國兜個圈隨時都搵到類似嘅物體。請埋私人補習老師仲得。

kuroro

回復 csy_ma 的帖子

啲小朋友鍾意啲郁嚟郁去嘅嘢，話講的一口流利嘅美語，都係模仿。我學生都講的一口貌似流利嘅日文。啲卡通學的。啲日文歌一字不漏背哂出嚟。關套教材鬼事乜？佢有興趣就識架啦！

kuroro

回復 kuroro 的帖子

佢啲好多sales捕住呢個板。問心，你買部手機，個SALES都係賣俾你嗰刻態度最好，邊有所謂好嘅教育顧問？你幫佢搵到客服務咪好囉。