點解小朋友唔鍾意練琴？請家長來分享。

音樂人長老

香港學琴途徑多，家長又肯俾錢學，最大問題係小朋友唔鍾意練琴。我姪仔無學琴，佢話佢唔抗拒學，但要彈到一首喜歡樂曲就要花時間練，唔可以即刻彈到，所以佢寧願打機。請問妳哋小朋友係咩原因唔鍾意練琴呢？

音樂人長老

唉，練得好就要考試，唔練就考少一樣，難怪小朋友唔想練，有幾多小朋友會話自己好鍾意考試，學校己經成日考啦 。

lam-10

我自己都係教琴,我都好想知點解!

講真學生唔練琴,其實老師都辛苦

appleycma

練琴=做功課,有邊個小朋友鍾意做功課??

音樂人長老

難怪有家長俾錢請陪練姐姐或哥哥，好似家長俾小朋友返補習社咁，睇實先肯做功課 。

hhma

一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢?  (不是挑釁, 我真的想知道)

katherinelam825

原帖由 hhma 於 10-8-29 10:05 發表
一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢?  (不是挑釁, 我真的想知道)

我好勤力練琴嫁, 細個有得學琴見到部琴已經好開心喇, 亦都好專心, 就算屋企人游乾水我都可以照練

邊度似得依加d學生, 對住佢地真係火都黎

豆豆媽媽123

如果老師懂得令小朋友喜歡彈琴就令作別論。因為小朋友如果只是為考試練琴就很容易有壓力。

如果小朋友彈的是他們喜歡的音樂通常他們都練琴。我通常就合我的小朋友一起練琴所以so far都ok.

音樂人長老

原帖由 hhma 於 10-8-29 10:05 發表
一直覺得, 學琴=讀多科
我估, 100個小朋友都無1個話中意練琴
其實老師們自己細時中唔中意練琴呢?  (不是挑釁, 我真的想知道)

我N年前學琴唔容易，屋企附近得一間琴行，私人老師要排隊等位，上門就更加少，學費同琴書都貴，阿媽俾親戚話學來做咩，所以唔使阿媽開聲都會自己練。而家老師要就小朋友時間，上完堂要俾貼紙，唔讚佢就唔開心，但真係讚唔落囉。

IRON

我個仔會自動自覺, 佢今年初仲要求考試(點知阿媽唔記得去銀行入$), 我總結左原因係:

*唔理佢彈得岩唔岩(查實阿媽都唔識), 我都會掌聲鼓勵;
*由佢彈想彈既歌, 佢買左本譚校長既歌譜, 彈完老師既/考試既就自由發揮;
*第一年唔買琴, 下下去琴行先有得彈, 等佢知道要珍惜機會.

Sindy

原帖由 音樂人長老 於 10-8-28 09:05 發表
香港學琴途徑多，家長又肯俾錢學，最大問題係小朋友唔鍾意練琴。我姪仔無學琴，佢話佢唔抗拒學，但要彈到一首喜歡樂曲就要花時間練，唔可以即刻彈到，所以佢寧願打機。請問妳哋小朋友係咩原因唔鍾意練琴呢？ ...

咁你d學生係點解唔鐘意練琴丫?不如講下跟你點好仲好啦

miss321

其實鐘唔鐘意練琴都睇學生自己，有D會自動自覺, 有D又叫先識去練。同意學琴=學多科，要俾心機同時間先有成績，細路個個都想玩唔溫書，有家長適量的監督就可。
我細個會自動自覺，定時定刻練琴，因為好怕個琴老師，亦明白學琴係要努力的。(當時我只學鋼琴一樣，所以較專注)，而家細路周身刀，其實要練琴的確難事，不過選擇得學習，我覺得就要取捨玩樂時間，唔可以期望唔練琴又彈得好。

katherinelam825

原帖由 Sindy 於 10-8-30 00:27 發表


咁你d學生係點解唔鐘意練琴丫?不如講下跟你點好仲好啦

係, 我都有同感。呢個問題你唔係學生身上搵答案咩??

個個學生都係一個獨立個體, 佢地俾既答案多多少少都會有出入

音樂人長老

因為我嚟緊會喺個工作坊touch on 呢個問題，我想收集多啲資料。

我本身只教好少學生，因我另有專業工作，我啲學生大部份都自己練，有一兩個係懶或只鍾意彈兒歌，我一俾兒歌佢彈，佢就自己苦練，連佢媽咪都跌眼鏡。

ew911

我都教琴,更有教自己囡囡。我覺得小朋友係時要鼓勵，時要嚴（當基本功有問題，我會嚴勵指出錯），不要與其他小朋友比較，當囡囡有進步，有會開心與囡囡分享及鼓勵。大家都會開心好多。小朋友會更有興趣學多點。

dlmcdlcl

超同意你所講既 POINT 3

我個係都係咁, 佢直程話, 你唔好幫我數拍子, 我想彈自己鍾意既野....所以我都CUT左佢, 冇謂傷感情.

原帖由 miffy 於 28-8-2010 09:41 AM 發表
除天份外, 幾個原因:

1. 家長規定每日都要練幾耐琴
2. 家長規定練邊首歌
3. 家長再在旁邊指指點點: 邊度太快, 邊度太慢, 拿又彈錯....你有無聽老師講架, 煩都煩c
4. 年年考琴, 不停彈來彈去都係幾首考試歌/ scales ...

音樂人長老

同意，而家啲小朋友無耐性數拍子，妳叫佢數好啲，佢會回敬一句「好煩」。我姪仔學咗兩年後停咗。