大抽獎過後，幾時可以叩門

agnesfcc

如題，有咩要注意?

se6b03

今年好多學校要加派，有冇得叩門都成疑問。

artroboy

se6b03 發表於 17-2-22 18:23
今年好多學校要加派，有冇得叩門都成疑問。

咩叫加派？

LITTLEGIRLSNOW

agnesfcc 發表於 17-2-22 18:02
如題，有咩要注意?

有d學校係公佈大抽獎前會收叩門表，有d學校係公佈大抽獎當天或之後收叩門表，建議你留意心儀學校website或打電話去學校問下

se6b03

artroboy 發表於 17-2-22 18:34
咩叫加派？

原先學額不足夠滿足區內所需，需要採取臨時措施，增加每班人數。

heisonmama

派位結果前ㄧ兩星期學校會陸續網
上有叩門詳情和表格download.

準備叩門文件: 叩門學校申請表，自行收生表副本，統一派位表副本，統一派位結果副本，出世紙副本，幼稚園校長推薦信(如有)，致叩門小學校長求位信，學術及課外活動證書(如有)，portfolio (如有)

1)留意交表，面試，筆試日期和時間，如相撞要取捨。
2)了解下叩門學校資料，準備下可能問的問題
3)和小朋友好好溝通
4)通常派位後第ㄧ二個星期六是面試高峰期，有需要就請定假
5)在手機入定叩門學校電話
6)上EK睇下過去學校面試模式和問乜

0030

當天一拿到統一派位通知，馬上叩門～

se6b03

0030 發表於 17-2-23 14:49
當天一拿到統一派位通知，馬上叩門～

唔洗呀！中咗甲一乙一，你仲打算叩門？叩乙二果間？

lingan

其實有d學校收叩門資料根本係響大抽獎放榜之前。
有心要叩嘅，先list down 所有心儀學校，入各校網頁睇清楚時間和要求，寫低邊d 可以抽獎前入資料，邊d係抽獎後，有冇需要provide 抽獎結果俾學校。如果係抽獎前已入得表嘅，係可以後補俾抽獎結果的。每間學校不同，要自己同另一半計劃行程。大家分好工。

祝成功  

0030

回覆 se6b03 的帖子

系，舊年就有同學仔第一志願收左，叩門第二志願，因為第一志願非最心儀，但因為相對第二志願中的機會大而報，雖然收左，但仲想試下區內一線小學top3

dereklg

se6b03 發表於 17-2-22 18:23
今年好多學校要加派，有冇得叩門都成疑問。

冇得叩門才是大疑問。

事實上，除幾所神校(叩門日期及派表收表都非常神秘)，就算幾爆既學校，大部份都仍設叩門。

原因係，每年都總有已收的學生因種種不同的理由而轉校。包括轉讀直/私，出國，移民，搬屋，家長離婚等種種原因。

Muigg

dereklg 發表於 17-2-24 10:20
冇得叩門才是大疑問。

事實上，除幾所神校(叩門日期及派表收表都非常神秘)，就算幾爆既學校，大部份都仍設 ...

佢成日製造恐慌，散播謠言，居心可測

se6b03

Muigg 發表於 17-2-24 21:54
佢成日製造恐慌，散播謠言，居心可測

今年有啲區加派至33人，已經達到每班上限，無得叩門一啲都唔奇。仲有就係，唔係我第一個講無得叩門，之前已經有其他jm係呢度提過，你可以搵返舊post睇。

Muigg

se6b03 發表於 17-2-24 22:23
今年有啲區加派至33人，已經達到每班上限，無得叩門一啲都唔奇。仲有就係，唔係我第一個講無得叩門，之前 ...

加派學位或加1班不是新鮮事， 再者加派學位不等於無叩門位 既然是未知之數 叩門是要準備的 跟本就不用理會有無得叩既問題，列清楚要叩門既學校，做定叩門功夫，到時有得in就in 無得in也沒辦法，但機會是留比有準備的人

se6b03

Muigg 發表於 17-2-25 16:52
加派學位或加1班不是新鮮事， 再者加派學位不等於無叩門位 既然是未知之數 叩門是要準備的 跟本就不用理會 ...

http://www.educationpost.com.hk/zh-hk/resources/parents-guide/170213-admission-expert-primary-2017-knock-door-is-hard?utm_source=facebook&utm_campaign=editorial-tc-pg&utm_medium=social-paid

呢個講法係升學專家IanTsang講既。

今年情況較特殊，教育局以往都有加派，但好少會用盡每班上限，今年有機會係用盡。

lovelinda

Muigg 發表於 17-2-25 16:52
加派學位或加1班不是新鮮事， 再者加派學位不等於無叩門位 既然是未知之數 叩門是要準備的 跟本就不用理會 ...

忍不住要回應一下，講得好啱，機會只留給準備好的人
其實無需多講，有些人如果覺得無需要或硬要說無位可扣的話，自己不扣便行了。
我相信大部分人都是覺得自己有需要才去扣的，根本有沒有位都不是考慮因素，或者說不是你可以決定的因素。
如果同你講無位了，有需要的家長就會不扣了嗎？

lovelinda

真心建議想問資料的家長，向有扣門經驗的過來人取經，仲來得實際

Muigg

lovelinda 發表於 17-2-25 19:19
真心建議想問資料的家長，向有扣門經驗的過來人取經，仲來得實際

同意

dereklg

Muigg 發表於 17-2-24 21:54
佢成日製造恐慌，散播謠言，居心可測

好彩有你地呢 d 正直網友幫手睇場。

果個咁既衰野(sxxxx)，一時又話冇得叩門，一時又教人唔好去註冊小學，突然又話少 d 人競爭咩咩著數。
一味亂講。 心術不正，刻意害人。

甚至乎，我問過佢究竟想點，佢係唔敢正面回應架。其他網友家長不妨認住佢，已經可以增加不少勝算。

hkpapa852

agnesfcc 發表於 17-2-22 18:02
如題，有咩要注意?

列好心儀學校名單, 5月開始留意校網資料.

如果校網在5月下旬都無資料, 直接打電話去學校問 (仲等人上嚟放料? 仔女係自己既, 如果自己都唔急, 咁.... 算吧啦!)

另外, 可以參考下過往既叩門資料:

2014-2015年度小一叩門資料

2015-2016年度小一叩門資料

2016-2016年度小一叩門資料

至於甚麼"專家"話"可能無得叩門"呢D說話呢...... 記住一樣嘢, 專家只係專家, 並非任何學校既代表, 佢地既說話唔代表任何學校既實際情況, 所以專家們講既嘢都會加入"可能"之類既不確定字眼.