點算?個仔話想帶條女上屋企，教下我點同阿仔講好??

Danielngmama

阿仔今年 F.3 , 我們一直關係好好, 佢知我地屋企窮, 我又無咩學識, 只係在便利店夜晚做收銀. 佢細細個已經識話比心機讀書, 要山人頭地, 唔會再捱窮, 所以佢讀書算OK,成績一直全級頭10名.
不過, 最近有D 古怪, 佢日日好夜返, 又成日用手機, 佢知我唔開心, 佢前晚坦白同我講原來佢拍緊拖, 仲話已經有晒計劃. 最令我頭痛, 係話想 帶個女仔放學後上來溫書做功課....

佢放學我唔在家, 我好擔心會出事, 我唔想佢有女仔上來家, 如果我拒絕佢, 我又怕我們關係差. 我咩都唔識, 未試過見到個仔咁大轉變, 我應該點做好??

Charlotte_mom

話佢知屋企無人唔方便，叫佢去圖書館。話等你放工至上黎食飯
佢肯同你講，你要放開態度同佢傾，俾信任佢

bigbigeyeeye

Danielngmama 發表於 18-6-11 20:49
阿仔今年 F.3 , 我們一直關係好好, 佢知我地屋企窮, 我又無咩學識, 只係在便利店夜晚做收銀. 佢細細個已經 ...

F3就帶女朋友回家心智未成熟好易攪出事。
我就一定唔會批准！但為求關係唔會變差，會慢慢同佢傾現階段應該專心讀書，拍拖好易分心，個女仔都會一齊成績變差，愛佢變左害佢！
亦都會同佢分析下現實世界唔會有女仔會願意同你餐餐麥記囉，宜家比心機讀書、將來生活好轉，大把女仔你揀！

gracelam

Danielngmama 發表於 18-6-11 20:49
阿仔今年 F.3 , 我們一直關係好好, 佢知我地屋企窮, 我又無咩學識, 只係在便利店夜晚做收銀. 佢細細個已經 ...

温書做功課可以去圖書館, 話屋企唔方便, 解釋佢知孤男寡女好易出事, 拖可以拍, 但一定要守禮, 成績唔可以退步, 話佢知你嘅底線!!!

Danielngmama

gracelam 發表於 18-6-11 21:55
温書做功課可以去圖書館, 話屋企唔方便, 解釋佢知孤男寡女好易出事, 拖可以拍, 但一定要守禮, 成績唔可以 ...

我從來未試過鬧佢，佢從小就好生性，我又好怕有衝突，我唔識點同佢講。如果佢發脾氣，我會好驚

而家我返緊便利店，我知佢今晚佢無帶條女上來，如果佢真係帶，有啲咩句子我可以講? 我心亂到不得了，好需要你地支持   

gracelam

Danielngmama 發表於 18-6-11 22:06
我從來未試過鬧佢，佢從小就好生性，我又好怕有衝突，我唔識點同佢講。如果佢發脾氣，我會好驚  

...

心平氣和咁講, 話唔會反對佢拍拖, 但唔鐘意佢帶個女仔上屋企, 你係佢媽媽, 希望佢會尊重你, 要潔身自愛, 守禮, 學業為重。

1998Ruby1998

肯同你講，已經係好好！話屋企始終唔方便帶外人上黎，不如去圖書館，有冷氣又安靜又有參考書，做完可以去飲杯野食個包先返屋企。同時亦希望佢自愛，懂得分先後，亦要尊重女仔同埋佢家人，唔好一時衝動導致兩邊家人傷心同自毀前程。佢知道你唔開心，係懂得照顧父母心情的話，一定會答應。

你亦可趁機會認識呢個女仔同埋佢屋企人，如果係正當人家，咪當仔仔係讀書生涯多個人扶持鼓勵。呢個年頭讀書辛苦（心理上），尤其佢出身於非大富大貴嘅家庭，壓力比唔少學生大，有個人陪下互相鼓勵下，係件好事。

Jane1983

唔好慌，亦唔好鬧佢，大家心平氣和傾件事。你仔已經青春期，遲早有需要傾吓呢個問題，你地感情好，借呢個機會教吓佢、引導佢係好。

拍拖，一，唔可以搞出人命，自毁前程。二，成績唔可以跌，大個仔更應該明白要努力讀書，發奮圖强。

anitawong21

我會用佢女朋友父母做藉口！

叫亞仔自己諗下，如果你係女朋友嘅父母，會唔會俾自己讀F3個女去男朋友屋企？你話萬一比人哋父母知道，要棒打鴛鴦嗰陣，你講乜都冇用。分分鐘以後都冇得見，咁咪仲慘。

仲有，佢帶個女學生返屋企，比附近D八婆街坊見到真會講閒話，你自己俾人講可能冇所謂，但人哋會講，乜嗰個女仔咁cheap，跟男人返屋企，都唔知係咪做援交⋯⋯如果你真係為女朋友好，就應該好好保護佢，以免佢俾父母鬧，以免佢俾講人閒話。呀仔我養到你咁大，知道你好乖，又成熟又有責任感，所以你一定明白帶佢返屋係好危險！如果你想帶女朋友嚟見我，可以去M記，最多我請你哋

yovin

Danielngmama 發表於 18-6-11 20:49
阿仔今年 F.3 , 我們一直關係好好, 佢知我地屋企窮, 我又無咩學識, 只係在便利店夜晚做收銀. 佢細細個已經 ...

我估下你擔心乜？(一定)
你是否擔心不批準他，他也不會同個女仔去圖書館，而可能去左第二D地方， 陽奉陰違仲幣？

便利店可以調更嗎？他返学你返工。他放学你放工可以嗎？
然後，告訴仔仔放學唔好周圍去，歡迎他放學帶同學(不要指定一個)回家温習知做功課，好讓你安心。

如果仔仔受軟→ 講嘅時候最好眼泛淚光， 但就唔好的眼淚出嚟(忍到的話)。

個人代入角色，講下見解; 多參考其他網友留言。

Yanamami

其实你同仔关係－向好，有偈傾，佢又自細生性，咪开门見山同佢講你心入边既憂慮囉｡拒絕唔等於鬧同衝突㗎……話仔呀，虽然我信得过你，但我都年輕过，年青人血氣方剛，孤男寡女易出事，衰左就对你对个女同学都唔好｡係公众場所比較可減少出事机会。你应該明白我唔係反对只係担心……开心见誠傾囉~阿仔起碼唔係先斬後奏，係你开工屋企無人时偷偷带个女仔番屋企先吖~算乖仔咯｡

October.

jumphigh 發表於 18-6-12 01:09
同佢講真心話。你担心什么就認真告訴他。
母子坦诚，他自然会明白同体諒你的憂慮。
...

從樓主字裏行間，睇得出佢仔係個懂事既孩子，母子暢開心扉，是最好的方法了。

little_yolky

Danielngmama 發表於 18-6-11 22:06
我從來未試過鬧佢，佢從小就好生性，我又好怕有衝突，我唔識點同佢講。如果佢發脾氣，我會好驚  

...

仲有, 講時講, 一定唔好講個女仔既壞話。依家拍緊拖, 乜都係好既, 講任何壞話都係壞人。仲有, 唔好响佢面前講佢「條」女, 好粗俗, 好唔尊重對方, 講個女仔, 甚至叫佢個名, 親切D。

Danielngmama

little_yolky 發表於 18-6-12 15:25
仲有, 講時講, 一定唔好講個女仔既壞話。依家拍緊拖, 乜都係好既, 講任何壞話都係壞人。仲有, 唔好响佢面前 ...

知道知道(emoji)

好多謝大家的建議，我今晚試下同你坦白講。

我擔心到今日同阿頭講請假，心好唔安樂(emoji)(emoji)

猴子爸

Danielngmama 發表於 18-6-11 20:49
阿仔今年 F.3 , 我們一直關係好好, 佢知我地屋企窮, 我又無咩學識, 只係在便利店夜晚做收銀. 佢細細個已經 ...

除咗感性嘅對話，你仲可以從法律和後果來引導佢。萬一發生關係，對方幾歲？衰十一，之後點，然後呢？跟住呢？叫佢自己講，到底所有不同的後果他是否有能力承擔

kirstyau

anitawong21 發表於 18-6-12 02:37
我會用佢女朋友父母做藉口！

叫亞仔自己諗下，如果你係女朋友嘅父母，會唔會俾自己讀F3個女去男朋友屋企？ ...

擺個女仔父母上台，掂！又唔洗自己做醜人。

b3410

從關心女仔角度出發比較容易傾。例如萬一女仔父母知道會唔開心，萬一學校被其他同學指指點點都會唔開心，為咗佢哋將來，學業為重等等。