LH 學之園算名幼嗎？

little.k

LH 學之園算名幼嗎？

littlemaopig

算, 個人覺得仲難入過SC, KV

QQDawn

回覆 littlemaopig 的帖子

yes,

仲要見校長,堅難入

busydaddy

LH是一間平實的幼稚園

wskngai

am621 發表於 16-12-7 11:32
佢看著SC來打
所以佢一定要收對佢小學龍虎榜有利的學生

咁必入神津但無2nd in呢？

mic.mo

am621 發表於 16-12-7 11:32
佢看著SC來打
所以佢一定要收對佢小學龍虎榜有利的學生

本帖最後由 mic.mo 於 16-12-7 11:48 編輯

認同，LH難入因為少位。

LH比Sc, Kv睇重學生背景，如父母、兄姊學校，甚至父母對小朋友升小的期望。（2nd in主要都係問呢個問題）

怨我咁講，讀緊LH去考SC、KV, SHK.....應該大有人在，而調轉嘅應該不多吧. 當然我都認同LH係好好嘅學校，我相信最後考到其他offer都留低，應該都好多，就因為讀過知係好嘢

dadamatrix

mic.mo 發表於 16-12-7 11:46
本帖最後由 mic.mo 於 16-12-7 11:50 編輯

本帖最後由 mic.mo 於 16-12-7 11:48 編輯

LH絕對睇家長背景，上年去到second in，個校長剩係問左點解唔填家長學校（因為佢website填係optional) , 我答因爲殺左校，唔係mandatory，所以無填，跟著就bye bye...

mic.mo

dadamatrix 發表於 16-12-7 12:15
LH絕對睇家長背景，上年去到second in，個校長剩係問左點解唔填家長學校（因為佢website填係optional) ,  ...

我上年係因為哥無私直offer在手，都係bye bye.

Dadagaga

我都冇寫母校資料，要即場補填，也是已殺校，但有offer.....

我相信LH 會揀家長，但未必只是母校，也包括言語間是否佢地想要那一type

舞娃娃

係網上世界學之園近年係聲名大噪、口碑載譽，但現實世界中又未至於擁有如此頂尖人氣和名聲，個人覺得未算名幼，因成為名校其中一點係要歷史悠久，學生人才輩出。學之園建校時間尚淺，不過能肯定佢係近年非常受歡迎的幼稚園，對投考新派直私十分有利！

你睇佢開學校的地點係中產屋苑，唔係高尚地段，就估到學校對自己的定位。我覺得假以時日學之園可以再「升呢」，不過就唔好再開分校，分校多感覺就大眾化，物以罕為貴！

Forgetmenot999

am621 發表於 16-12-7 11:32
佢看著SC來打
所以佢一定要收對佢小學龍虎榜有利的學生

可惜即使揀選過家長小學及為小一面試而設的啟迪班亦未能令龍虎榜做得靚靚數字，對比SC仍有很大距離，有點名大於實的感覺

busydaddy

其實學之園只是一間平實的幼稚園，不應與名幼神幼比較。讀的人只是認同學校辦學理念及熱誠吧了。

相信SC及KV會比較合適想孩子入名幼的人。

mic.mo

Dadagaga 發表於 16-12-7 12:21
我都冇寫母校資料，要即場補填，也是已殺校，但有offer.....

我相信LH 會揀家長，但未必只是母校，也包括 ...

上年，學之園係我最心儀的學校，口碑好，又近屋企，又配合自己教育理念，因為我係FTM，佢有全套教材，幫助我可以配合學校的課程，我覺得全配合學校比外補係事半功倍。呢d喺2nd in我都全部有講。我都好想說服自己LH係會揀家長。不過，事實，今年再2nd in，一入去校長都係問哥哥入左邊間小學先，再問點解幫細佬揀LH, 兩年整個見校長時間都主力focus喺哥哥嘅offer。當然，今年我再去考已經預左佢再問，都盡力答。但的確有失望，因為唔太重視細佬本身，反而重視佢會唔會跟哥哥揀小學多。細佬自己好想讀LH, 問親都話鍾意LH, 手揸SC offer，即管睇下後日結果如何

mic.mo

Forgetmenot999 發表於 16-12-7 13:04
可惜即使揀選過家長小學及為小一面試而設的啟迪班亦未能令龍虎榜做得靚靚數字，對比SC仍有很大距離，有點 ...

但無可否認，LH整套課程好全面，包括考小學的配套都好充足，可能比好多名幼都做得好，家長可以不假外求。不過，所謂名校培養的應該唔單係學術，也包括佢地行出來自信、presentation skills、甚至成個characters等等。正如co-edu, DG, DB無人會問佢有幾多net、課程有幾活動等等

當然所謂名唔名好多個層次，係咪名就一定好，一定啱小朋友，始終要自己判斷

mcdonn

mic.mo 發表於 16-12-7 13:40
本帖最後由 mic.mo 於 16-12-7 13:41 編輯

但無可否認，LH整套課程好全面，包括考小學的配套都好充足， ...

多謝分享。希望你小朋友找到最合適的學校就讀。

Forgetmenot999

dadamatrix 發表於 16-12-7 12:15
LH絕對睇家長背景，上年去到second in，個校長剩係問左點解唔填家長學校（因為佢website填係optional) ,  ...

看來很多家長天真地以為真是optional,誰知校長原來並不期望家長optional。我沒有報過九龍任何一所名幼龍幼所以沒見過申請表，但知道有些沒宗教背境的名幼在申請表上要家長填寫那一個宗教，好像勢要幫家長計自行入名小的機會

kaykaychu

女女今年讀緊LH K1，上年12月有KV正取offer，到6月收到LH call waiting，諗左幾日就放棄左KV offer，原因女女係怕醜型，我覺得揀重於培養自信心嘅LH比較適合佢，但係在開學前，總有好多人問點解唔讀KV揀間唔知咩學之園，因為除左現時係家長之外，個個都只係識KV特別係老一輩，初時我都有諗係咪揀錯左，到開學一段時間後，我覺得之前成日在意名氣係好傻嘅事，學之園各方面都做得好好，我女女非常鐘意番學，個人亦大膽左有自信心左，而且學校好注重德育，校長差不多每日企响門口同每個小朋友講午安，其實每年都有post將學之園同其他名幼比較，講真得十幾年嘅學之園點同St cat, kv傳統名幼比名氣，我覺得揀間適合小朋友性格嘅學校先係最緊要

dadamatrix

Forgetmenot999 發表於 16-12-7 14:11
本帖最後由 Forgetmenot999 於 16-12-7 14:12 編輯

看來很多家長天真地以為真是optional,誰知校長原來 ...

唔可以話天真地以為，係佢張form真係無寫mandatory, 同埋坦白講，如果一個學校真係咁睇呢樣野，真係無乜興趣讀..