開左學都成個月，各位小朋友既學習進度如何？

Honey

我仔讀冇咩功課, 冇默書的活動教學幼稚園, 佢小學(津校) 比較多功課&默書, 佢又比我想像中好好多, 功課4-9樣, 平均5樣, 昨日就9樣唔計改正 (剛好有齊咁多科)。

中, 英都好簡單, 對佢冇難道, 中文5次默書佢有4次都100分, 佢數學最弱, 但學校從最基本教起, 我好高興可以同佢打好根基。

學校中英每星期默一次書, 10月頭中英數小測了一次, 本星期第二次小測, 月尾期中考, 我都唔識點同佢溫書, 可能就咁睇一次考試內容, 我自己覺得小一唔需要太緊張, 有錯有漏好小事, 比啲進步空間比小朋友, 每事太完美的話, 以後有退步可能佢未必接受到。

暫時阿仔都話返學好開心, 互勉!

neko138

係呀. 我個仔今年小一.
開家長會時老師都講小一考試默書唔好預佢會高分. 因為會唔習慣 + 未必識。

所以如果仔女拎到高分. 應該慶幸呀~~

我地父母/小朋友盡力就可以啦。
要比佢知返學學野係件開心事黎。

lojo11

我個小朋友都係小一, 暫時ok... 因為好多野都係幼稚園學過.. 依家好似係一個review 階段... 大家一齊努力.. 加油

yiyiyima

兒子的普通話拼音還過得去，正好讀普教中的小學，所以當了語文課長。本來最當心英文，誰知老師和補習哥哥都說他聽力語感不錯，估計與暑假的兩個月鬼佬月惡補有關。數學麻麻，甚至有些頭疼，因為老是粗心大意。所以有空就訓練他的專注力，有小小進步，也算是安慰。倒是自己的包容力要好好改進，不要動不動就發脾氣。

naiviv

小兒 p.1都算跟得上....感恩的是暑假擔心了2個月是多餘的..原因是:
1)小兒是細仔,除夕出玴
2)入讀私英小,英文是p.2課程,數學是p.1下學期
3)中文幼稚園畢業
4)幼稚園時沒有心機做功課
所以都要keep going

grace_xian

情緒仲沒番來, 以為放緊假, 佢適應太慢

每年開學的第一次測驗都是全學期的最低分

opriority

原帖由 grace_xian 於 11-10-15 04:53 發表
情緒仲沒番來, 以為放緊假, 佢適應太慢

每年開學的第一次測驗都是全學期的最低分

我有d同你一樣。仔仔而家既P2生活好開心，不過d成績就唔方唔開心。除左英文之外其他都差到極點，普通話又差，數學又岩岩好唔合格，都唔係第一次…不過算啦我覺得無得迫既讀書，只好慢慢教好佢