好心痛！

kkhon

呀仔上了小學完全冇時間玩，好慘！已經住得近每曰步行返學，每日放學回家食少少茶點5點開始做功課，差不多7點沖涼及晚飯已9點，佢做任何事都好慢，最後只可以溫習一陣間，準備明天默書或測驗，最遲10：30要上牀瞓。已經cut咗d冇胃課外活動，現只學violin一星期2堂上門及E.nopi數同Kumon英文一星期一堂會有功課要做。這星期我同佢都覺得好辛苦，星期一默中文、星期三默英文、星期四測英文、星期五預默下星期的中文，簡直冇停過。就連琴都冇練，數學同英文的課外活動功課只有求其做便算。我仲要返工，唔知呢d日子仲要捱幾耐，睇見一個只有6歲的人仔我覺得我好殘忍，我好心痛。係咪要放鬆d呢？

BBTWIN

我咪同你一樣, 你都好, 得一個. 我要跟兩個, 因我有一對孖女一同讀小一, 你話我點算?  佢上緊既ENOPI巳有3星期做唔到功課, 要上堂清左佢. 中文班仲衰, 因為路程遠, 為了應付測驗默書巳有兩星期冇上. 明天都可能上唔倒啦, 因為星期一要測驗. 中文功課都係放o係度, 惦都冇惦過. 仲要間學校收學費好貴, 我覺得似倒水落海. 而家打算cut左先, 等兩個女上軌道先再報. 我都覺得超辛苦, 你地一個都甘, o甘我點算好呢?

kkhon

我最勞氣係同佢講極都唔明時間的重要，如果可以快d會有時間玩及做自己鍾意做的事。但佢算乖，叫佢寫幾多做幾多都肯唔會反抗(暫時）。英文同數學成績都OK,但中文就勁差依家Sunday惡補，但如果cut咗英文或數學又驚佢退步，真係唔夠時間，攪到成日好緊張。

BBTWIN

原帖由 miriam 於 11-10-23 00:01 發表
我係囡囡升小一時 cut 剩英文一科課外活動, 其他畫畫同游水全部停晒.

因為我要係小一次進評後先知學校既課程編排同進評點考, 假若仍然繼續返幼稚園時學緊既野, 囡囡必定會好辛苦.

小一頭幾個月小朋友要去適應新學 ...

其實中文課程都幾好架, 我兩個女又鐘意上. 功課又願意做同每日一讀. 好可惜係真係冇時間, 有時間我都同兩個女溫習學校課程. 幼稚園時ENOPI同中文班都上得好輕鬆, 每週一定完成功課.點解而家攪成O甘?

Bear2004

唔好意思, 我想問問其實私校/直資/津校, 普遍上幾咪津校最多功課/測驗?

itbaby

以我所知,大多數的學校的係多功課!

Rainy

好驚添, 乜好似打仗咁..... 小三真係如臨大敵
點算

ysnmama

雖然說已取消了一些活動. 但一星期還有兩堂小提琴, enopi及公文英. 除了上堂還要有功課. 可能真的要在這方面再取捨. 其實好像還有有空間去選擇. 只在乎家長願不願意再去選擇. 目前應該主要應付學業先. 總好比最後兩頭不到岸.

原帖由 kkhon 於 11-10-22 23:34 發表
呀仔上了小學完全冇時間玩，好慘！已經住得近每曰步行返學，每日放學回家食少少茶點5點開始做功課，差不多7點沖涼及晚飯已9點，佢做任何事都好慢，最後只可以溫習一陣間，準備明天默書或測驗，最遲10：30要上牀瞓。已經cut咗d冇胃課外 ...

yipcharie

我女女今年都係小三,真係同小一,二無得比,小三成日要做tsa 練習,中文要作文150字以上,對於一個小三學生黎講真係好難!

pandabonita

今年開始考小一的遊戲,囡囡仲係細b,都想找間少d功課的小學,好煩

smallfoothk

目標性小學就昰多功課,多默書及考試,希望小朋友提早適應,如不能適應和被免家庭問題,有家長選轉校到活動性小學,如國際學校等

pandabonita

我都有睇過一d官津,話乜乜活動教學,乜乜多元智能,但再問朋友又話其實出名d都好谷好多功課,dss又未必收同有d又教快,前路茫茫.

ms.aeroplane

有好多mami會响小一前比小朋友讀數學之類嘅課程,但一到小學冇時間時,又唔敢停,驚唔知會唔會倒退!其實有冇諗過,可能小朋友唔洗讀ed課程,可能自己都pick up到呢?我見過一d K3去公文數操...連乘數表都背埋,但小一嘅數學只係一般,什至令佢MAMI好擔心...!有D讀緊中文小學,但係又去學英數,咁點解唔去學英文呢?講真英文好,第時高年級再HANDLE英數,根本係唔係難事!!!但大家就是喜歡同"興"!不喜勿插

[ 本帖最後由 ms.aeroplane 於 11-10-24 22:32 編輯 ]

kkhon

我都覺得首要係校內成績，再睇多一排如攪唔掂真係要再取捨d課餘活動。

karen55407

呀女踏入小學時，我己cut晒所有有功課要做嘅學術班，因為小學功課己夠晒皮，不如留返啲時間做其他啦！