小一自行交表

hannahhh

你地有冇填特殊教育需要個格？我本來有填但一而再咁受到打擊，最近去左d學校聽講座，先後兩間學校校長都好唔願意收有特殊需要小朋友，我係直接問校長特殊教育支援方面係點樣的，又話融合教育，即使學校網頁講得自己學校係做得幾好支援都好，原來係好唔願意收自閉症學生， 即使首輪係計分之後抽獎學校都冇得拒絕，但到扣門時校長接見，佢地都會唔想收。

Enoshma

一定要填，如果唔係小朋友唔會得到應有既服務，蝕抵係你自己咋，如果你夠分或抽獎抽到，學校必定要收的。仲有你選校唔好選人地講熱門又谷果啲，應該要選包容度高同有愛心既學校。

Jcat

坦白講, 如果你明知校長唔like sens小孩, 咁就算俾你入到, 孩子都唔會開心呀. 所以你一早知, 仲好.
我仔今年入讀小一, 入小班+活動的小學, 好開心, 適應得好好.
記住: 沒有最好既學校, 只有最適合既學校. 而每個人適合既都唔同.

HopeLJ

唔洗煩惱，自行填唔填個部分都唔緊要，小學點都係等下年6月特殊教育組send份評估報告比佢地先再安排任何服務。你今年在CAC小一評估完，簽同意書就得啦，自行份表格想留空個格就留空啦，想填就填啦，最後係無分別。

pocoyo123

千萬不要免強入一間無支援和不包容的小學, 咁多年, 我真是見唔小讀到每年勸退不特止, 有些仲玩針對, 6年好難捱

BKVIP

我無填，小學12月左右會有小一適別，個時先告知學校一樣有服務，只係遲少少。現實就係現實，按小朋友能力選校。

yuki8484

我係上年過來人，第一輪我唔填，之後可以補寄一封信去教育組到，我仔一開學都已經有支援，反而係，既然學校都唔鍾意sen既小朋友，比我就更加唔會報

JoeyPC

ME TOO, 第一輪我唔填, 諗住收左先再補充資料, 另外, 我小朋友情況唔嚴重, 只係自閉"傾向", 心儀學校亦會在小一先觀察, 小二先正式有輔導和其他服務, 所以我都希望俾小朋友空間和機會, 接受正常的對待, 不想咁快補標籤

hannahhh

我填左啦，我小朋友都唔嚴重同幼稚園班主任講佢仲話睇唔出，希望唔會有反效果

球星媽咪

唉，如果多d呢方面既資料就好啦（邊個校網邊間包容）。

pwhappy930

想請教一下如果我向CAC時，簽了同意書，報學校時係咪一定要申報呢？
我仔K2，好快就要揀小學，今日見完醫生，懷疑自閉，轉介精神科。我都好迷茫，好怕學校會標籤佢。。。

irenelwl

我今日剛收到教育局電話問我仔讀邊間小學, 還會唔會轉第2間, 話SEND資料過去. 咁我仔讀阿女個間必收, 報自行時因未做評估, 問書記都叫我唔洗填住, 話有資料先補都無問題, 覺得佢地都好NICE~ 咁我估開學前有資料學校應會有支援比到