家長催谷求【資優認證】苦害子女

colourful

家長催谷求【資優認證】苦害子女
（星島21.12.2007)

...有家長頻頻安排子女接受智商測試，亦有人為子女報讀資優課程，只為了取得[智商130]的資優認證，卻不知道他們只求分數的態度，反而有礙小朋友的心智發展。

背冷知識博高分

近期有不少聲稱可把普通學生訓練成資優的課程，... 課程的賣點是可提升學生參加智商測試的表現，聲言有助通過智商一百三十的資優臨界線。

程尚達跟臨床心理學家鄧皓明談起，他認為這些課程即使能人工化地協助學生通過智商測試，但實際上未能提升學生的智商，父母若只是盲目追求智商的分數，而罔顧小朋友的實際能力，無疑是自欺欺人。

... 曾有不少家長多次安排子女接受測試，好像有位小女孩在測試途中，突然說這些題目之前已考過，才發現她日前剛做完測試，但分數低於一百三十，父母於是趁她記憶猶新時再做一次。他亦遇過有智商獲評超過一百三十的小朋友，數天後竟在另一個測試機構遇見他，原來他的家長認為上次分數不夠高，於是又要他重做測試。

有人高興有人愁

鄧博士認為，智商測試的最主要目的，不是只看分數，而是測試小朋友的強項與弱項，評估小朋友的語言及非語言能力，如小朋友的能力向語言方面傾斜，他的智商平均分未必達一百三十，但語言測試可能有超過一百四十分，家長便可針對他的強項加以栽培，同時取長補短。

他又笑言，也不是每位家長都因子女獲評為資優而高興，試過有位母親收到測試結果後，便以擔憂的語氣問他：不是資優吧﹖原來不少人誤以為資優與行為或情緒問題掛鉤，其實有關比例不是特別高，只是資優兒童的行為問題較多人關注而已。他亦慨嘆，學校對有行為或情緒問題的資優兒童，的確支援不足，令不少資優生的潛能慘被埋沒。

程尚達認為，智商不是做人成功的最重要條件，還要配合情緒智商、溝通能力、待人接物技巧等不同能力，為人父母的若盲目追求高智商，罔顧子女是否真材實料，不但會揠苗助長，更可能忽略小朋友的其他潛質，隨時會得不償失。

叮鈴

個人覺得，智商測試某幾部分，對現今社會來講，同受測者教育機會和環境有很大關連。

所以，搞搞下，即使本來個TEST或多或少都可以找到某些資優出來，但現在，個分數看來已經沒有多大意義。甚至有機會，分數高的人可能分析力仲差過分數低D的都唔係無....

一個有音樂天分的人，可能終日掛住係度練琴，無乜時間睇課外書(唔代表唔鍾意睇，只係更鍾意音樂，決定時間都花在彈琴上)。

一個唔鍾意彈琴，卻喜愛睇書的人，時間分配都花在睇書上。咁，邊個常識豐富D？

如果IQ TEST某部分，係測試你在某年齡中學到幾多野？咁同學校成績高低係咪差唔多意義？

坊間愈來愈多五花八門的各類學習技巧，例如，學完一堆速算，咁係IQ TEST的心算部分上會唔會就拉高左分？

追求IQ TEST的分數，已經變成如追棒名校的心態了。

701003

原文章由 叮鈴 於 07-12-26 17:06 發表
個人覺得，智商測試某幾部分，對現今社會來講，同受測者教育機會和環境有很大關連。

所以，搞搞下，即使本來個TEST或多或少都可以找到某些資優出來，但現在，個分數看來已經沒有多大意義。甚至有機會，分數高的人可能分析力仲差過分 ...

Agree，我識幾個資優小朋友，都係無參加過乜鬼訓練課程，包括我個仔！其實就算天生某方面資優ge人，都會有好多缺點，資優人都係人！訓練個人品格比訓練IQ更重要！！

zoechan2005

完全同意!
但我都好矛盾,我個女快4歲,近來佢右腦班導師話佢應該(其實佢話"一定係")係資優,我唔係太相信,因為我係覺得佢係好鍾意學嘢,但行為無咩古怪,好似好多一般小朋友都係敢!佢叫我等佢5歲時要同佢check,
一來要花幾千蚊,真係好貴;
二來我唔想俾大家壓力,我一直以來都好重視佢嘅品格同eq教育,
唔想節外生枝,影響我同佢!
究竟知道有無好處呢,定係按我現時的方法繼續下去,但如果係資優,對選小一有無影響,我指需唔需要考私小?
好多問題,唔好意思,請有經驗的家長幫幫忙?
謝謝!

原文章由 701003 於 07-12-28 21:22 發表

Agree，我識幾個資優小朋友，都係無參加過乜鬼訓練課程，包括我個仔！其實就算天生某方面資優ge人，都會有好多缺點，資優人都係人！訓練個人品格比訓練IQ更重要！！ ...

青青河邊草

很早以前已覺得唔少家長係為左炫耀, 多過真係想因材施教, 而去幫小朋友做智力評估

每個人都應了解自己仔女的優點和決點
佢係咪記性好?
佢係咪對周邊事物充滿好奇心?
佢運算能力係咪好?
佢觀察能力係咪強?
佢係咪無耐性?
佢係咪主動跟人溝通??

凡此種種, 為何要靠一個評估去話番俾你作為父母的人聽, 你的仔女係點樣? 別把責任往別的方面推吧

從來, 每個人都有優點和缺點, 哪怕係資優, 一樣有缺點, 做父母的一樣要引導佢改善缺點, 充份發揮優點. 一個評估的分數, 有幾有參考價值? 會大過得做父母長年累月的觀察和評估嗎?

wildberries

Totally agree!!