請問有沒有人己經面試?想聽下經驗

加菲貓

我兒子將快面試, 想知道一般會怎樣考, 會問甚麼問題, 想預先準備下.

tkkmama

Hello amfchan:

我囡囡也是今年考中學,上月面試左,請問你囝囝是否考英中呢?

加菲貓

tkkmama,

他是考英中, 將要面試, 想知道會有甚麼問題可能會問, 請問你囡囡上月面試問過甚麼問題呢?

tkkmama

我囡上月面試,主要分組考朗讀英文,另外,(可能係女校)要考計數,玩數字遊戲.也有一些英中是單獨面談,或分組討論,只要談定一些,就可以.

Q太郎媽咪

我個女都係上個月面完試，係一間英中。面試主要係以英文單獨進行，讀的文章也是英文，但差不多完畢時亦會以廣東話閒談，沒有普通話對答，面試時間差不多三十分鐘。但要有心理準備，面試過程會令佢地好緊張，若果可以克服倒，題目對佢地來講並不太困難，絕對可以應付倒的。我個女一向都算淡定，佢都話氣氛幾緊張囉! 連手心都出汗喎! 佢係考油尖旺區的學校。 加多一句，最緊要"淡定"。

希望可以幫倒妳啦!

tkkmama

既然大家都係升中媽咪,可以交流下啦,就快又填派位表了,你們有冇心得,你會填幾個志願呀,老師說不要填兩間英中,你們覺得怎麼辦呢?

加菲貓

謝謝各位!

我囝囝去面試的那間學校, 聽聞用中英對答, 跟著用英文和普通話朗讀兩段文章, 我想知道有甚麼問題可能會問, 如:

你怎樣看自已的母校?
你為甚麼會選擇這間學校?
你平日喜歡做甚麼?
你會上網嗎?

tkkmama:
我認為要視乎校網內的英文學校是否足夠. 如英中多, Band 1學生不妨選多幾間英文中學, 不過第三志願就要選Band 1尾的英中. 如英中學校少, 第二志願要選Band 1尾的英中, 第三志願選Band 1的中中.

ABCD媽咪

我個女五月八號去見呀
現在我好緊張添!~

tkkmama

根據她小學給的資料,幾乎所有題目都有機會問到,我起初都要求她溫習,後來真是大跌眼鏡,所有關於時事,個人,家庭,全都沒有問,後來想通了,根本就是考學生的淡定.

你要求你囝囝鎮定一些,考不入,也可派入的,給多些信心,必然成功.

HPChingchingma

我朋友仔仔週六考火炭體X，佢亞媽好緊張，緊張到係呢7日日找老師惡補作品，原來要帶廣告彩，水墨畫，粉彩......每樣一幅作品喎！佢話怎可能尚有時間問野喎？！

週一回來話你知！

大家可唔可以有些提示校名呢！我諗大家唔洗估估係呀！
你地話好不好   

simoomhot

Dear all :

請問有冇人收到聖潔靈面試信, 我女仲未收到信, 有D擔心會冇份去面試, 請問大約會幾時收到及如成績冇咁標青, 是否唔會收到信呢      

加菲貓

simoomhot:
得唔得都應該有信通知，你可以問下學校是否已寄出，慎防寄失•

simoomhot

Hi amfchan :

我仍未收學校的信, 我今日打電話到學校詢問, 佢話上星期三已寄出, 如冇收信有可能落選了, 我想我女應該落選了, 唉!
  

BB200200

程程媽,
想問下你朋友囝囝考成點? 因為我個女想入呢間, 但以我想知佢地轉左校長, 新校長著重成績, 藝術與體育是其次。

HPChingchingma

BB200200>>

我有2個朋友仔仔考，她告訴我，上週六是全部學生應考。

他話仔仔每人取羽毛球，乒乓球和另一種球類 ( 忘記是甚麼 ) 自己素描，畫好就交了，可是沒有拿作品出來給檢閱，也沒有作任何面試啊     

當日她看到有些是以  < 體 > 來申請，就以該項與其他學生競賽。如游泳就 8 條線 ( ８個人 ) 一起計時作比賽，是要求游4 式的。另她看到有 藍球 的，就自己帶波繞雪糕筒，射籃，走籃等，是很全面的。


因佢仔仔曾在畫班給導師拿作品，去參賽有得獎兼有証書 ( 只係優異果的 )，及該導師亦有出證明証書的。而另一個就沒有任何比賽証書的，只是在P.5 找老師上家學畫的，不過就學齊基本的如廣告彩，粉彩，水墨畫等，兼有保存預早學畫時的作品。

好果以後者亦考取 < 體藝 > 的話，她們好鼓勵我早點部暑給我P.4的仔仔學畫。因為當日所見真的不是以 [ 體藝 ] 作主打的，真的以 rank 的次第排名榜為主。

anitatata

ABCD>

咁遲先面試ge.你去邊間面試呀?

bunfoofoo

各位你好 :

想請問有些學校唔睇學校成績, 要教署成績評分,  想請問在那裹拿這'教署成績評分' ?

anitatata

bunfoofoo:
我地係唔會知道呢份'教署成績評分' .係學校將我地既資料比教署.咁教署就會比我地既排名果間學校。

bunfoofoo

anitatata :


唔該晒 !