請指教深水埗band 2男仔派位排位

fattybb

因有中文理解學習障礙，專家建議最好有英文為主教學會比較好，現打算
1. 匯基書院
2.唐乃勤

之後以下幾間，應如何排位？請指教

香島中學
協同
佛教大雄
莫慶堯
德雅中學

謝謝

lm251099

fattybb 發表於 17-4-5 10:26
因有中文理解學習障礙，專家建議最好有英文為主教學會比較好，現打算
1. 匯基書院
2.唐乃勤

德雅中學 是不是女校呢？

Ginger_Cat

香島：1C
德雅中學係女校喎
建議上學校網頁睇吓有冇開英文班教學

miriam

fattybb 發表於 17-4-5 10:26
因有中文理解學習障礙，專家建議最好有英文為主教學會比較好，現打算
1. 匯基書院
2.唐乃勤

德雅係女校.
你所列出咁多間都唔係以英文為主, 按能力編班, 去到高中都係按能力睇下揀唔揀中用英文讀某 d 科.

睇均晒得唐乃勤直升到莊啟程既話, 去到高中先會係以英為教學為主.

你上中學概覽睇左資料先再決定.

深水埗區

iki

我就排：大雄～莫慶堯～協同

fattybb

miriam 發表於 17-4-6 00:27
德雅係女校.
你所列出咁多間都唔係以英文為主, 按能力編班, 去到高中都係按能力睇下揀唔揀中用英文讀某 d  ...

我都知我選的都唔係以英語為主，就是因為小朋友只有band 2頭，係深水埗區如band 2學校基本上都是中中，而有英文班的都是按能力而編班，所以先感到煩惱，明知不太合適小朋友，但可以點選擇？所以反而banding 差點的唐乃勤好似稍為合適

yan98

唐乃勤除了中文，中史，通識，體育， 家政用中文外， 其餘都是用英文教。 如果要全英教， 可以考慮下直資

miriam

fattybb 發表於 17-4-7 11:03
我都知我選的都唔係以英語為主，就是因為小朋友只有band 2頭，係深水埗區如band 2學校基本上都是中中，而 ...

其實你都知問題所在, 應該揀既唔係要合 banding, 而係適合小朋友既學校, 既然佢中文稍差, 去到你列出既學校都難以考入英文班, 倒不如揀唐, 起碼除左某幾科以中文教, 其他科目都係以英文, 起碼減少要強記爛背中文既壓力.

MariaTsui

fattybb 發表於 17-4-7 11:03
我都知我選的都唔係以英語為主，就是因為小朋友只有band 2頭，係深水埗區如band 2學校基本上都是中中，而 ...

為什麼你說唐的banding較差，唐是B2頭中學，也有一些B1尾男生選，因為大部份是全英教授，無論是否精英班，在精英班要求是高一點，絕對不比B1尾普通班差，而且中四也是全英，與區內其他中中有分別。

大雄只有2班英文班，要留意中四那些科開英文班，因為沒有聽過大雄簡介會，所以不清楚。

協同: 上年聽簡介會，中四某些科是開中文，不開英文，就算中一至中三讀英文班都無用，因為學校唔開。

莫慶堯跟協同相似，中四只有某些科開英班，中一至中三選英文班，都是這3年，另外莫慶堯對中文要求較高，這可解釋為何每年都有學生入中大中文系。

fattybb

miriam 發表於 17-4-8 00:07
其實你都知問題所在, 應該揀既唔係要合 banding, 而係適合小朋友既學校, 既然佢中文稍差, 去到你列出既學校 ...

點解我會咁煩惱，就是本來我自己好喜歡唐乃勤，覺得適合小朋友，原打算自行唐乃勤，點知學校老師直頭打電話叫我唔好自行唐，話學校一向只有band 3生先會入唐，最後唯有自行匯基，其實問心我覺得唔係咁啱小朋友，到最近開始統一選校，原意想第一自願唐乃勤，第二先考慮匯基，點知老師又有聲音，話小朋友band 2 頭，第一志願一定係匯基，唐乃勤，莫慶堯最好有咁後得咁後，我就係覺得老師講到唐好差，但係自己了解完簡介會，我又覺得好好，所以好怕會選錯害了小朋友

miriam

fattybb 發表於 17-4-8 23:48
點解我會咁煩惱，就是本來我自己好喜歡唐乃勤，覺得適合小朋友，原打算自行唐乃勤，點知學校老師直頭打電 ...

唐真係咁差????? 點解老師要講衰唐呢?????
係咪因為唐無高中部, 高中要去莊度讀呢????

唔通因為係保記系學校一定差?????

老師一定會想整靚派位學校條數, 但實際上係咪岩個學生讀呢, 佢理得你啫!!!!!

最清楚明白子女既會係家長, 家長明知當中有問題, 搵一間適合子女既學校係必然, 當中係會有阻力, 你可以係 EK 再問下唐校家長意見, 係呢兩日再分析同自己觀察係咪一樣, 先再決定點揀.

係我囡 P.4 時我決定同佢揀依家讀緊既中學, 我直頭畀屋企人話我嘥左個囡, 明明成績好可以入到更好既中學, 揀呢間做乜.

但我好清楚我囡愛運動, 佢亦都為入呢間中學努力去比賽, 自己亦為成績負責, 因我講到明成績唔達標係唔會報, 最終佢做到, 依家佢可以發展自己興趣, 證明我無選錯.

MariaTsui

fattybb 發表於 17-4-8 23:48
點解我會咁煩惱，就是本來我自己好喜歡唐乃勤，覺得適合小朋友，原打算自行唐乃勤，點知學校老師直頭打電 ...

哥哥在唐初已讀中三，當年選他是因為在簡介會中發現唐初很適合哥哥，在學校反對之下，自行選唐初，因為小學老師覺得哥哥可以選一間更好的中學，最後哥哥自行收左(在註冊時發現)，在唐初3年，我覺得校長，老師都很有熱誠，真心話如果是B3真的不要選，因為一定跟不上，每級有一班是為留班生而設，我記得哥哥中一那年，有10幾人留班，哥哥在這3年都是精英班，但看見他沒有壓力下讀書，喜歡參加課外活動，又幫老師服務，我覺得我沒有選錯學校，最近忙於中四選科，學校有一系列的升中講座，除了照顧一班尖子，還有成績平平同學的出路，實屬難得。

雖然學校間中出現一些負面新聞，但老師個人操守不能代表所有老師，這對其他老師不公平，至於收費問題，我覺得是可以接受，只是一年收2至3千元補貼學校定期維修，學校實在比較舊，學校有擴建工程提供更好的環境予學生，是值得嘉許，作為家長，我絕不吝嗇少少金錢為孩子建立更佳的學習環境。希望這些資料能幫到你。

fattybb

MariaTsui 發表於 17-4-9 14:04
哥哥在唐初已讀中三，當年選他是因為在簡介會中發現唐初很適合哥哥，在學校反對之下，自行選唐初，因為小 ...

我小朋友band 2頭，英文比中文優勝，亦因為有輕微學障，對中文理解不通，反之英文學習會較好，不能接受傳統老師死谷式教學，你覺得係咪唐乃勤都會合適嗎？我現在匯基第一，第二決定唐中，如果係咁之後係點排？謝指教

fattybb

MariaTsui 發表於 17-4-9 14:04
哥哥在唐初已讀中三，當年選他是因為在簡介會中發現唐初很適合哥哥，在學校反對之下，自行選唐初，因為小 ...

我本想唐中第一，不過自行選了匯基，小朋友自己又喜歡，所以唯有第一選番匯基，第二就選唐中

MariaTsui

fattybb 發表於 17-4-18 11:12
我小朋友band 2頭，英文比中文優勝，亦因為有輕微學障，對中文理解不通，反之英文學習會較好，不能接受傳 ...

唐中的精英班比較“谷”，匯基就不清楚是否谷，有心理準備，中學是沒有愉快學習這回事。

MariaTsui

fattybb 發表於 17-4-18 11:14
我本想唐中第一，不過自行選了匯基，小朋友自己又喜歡，所以唯有第一選番匯基，第二就選唐中
...

最緊要孩子喜歡，始終是他們讀書。