想大家比d意見.

Cammy

我個姪女今年十五歲, 在美國出生, 因家庭出現問題, 我的哥哥好想暫時send佢返HK生活, 和婆婆一起住, 問題就係, 除了国際學校外, 因我哥哥付担唔起, 還可以有其他選擇嗎  ?  佢識講中文的, 你地知唔知直資英文中學收唔收呀?  因我的女兒還沒有咁大, 所以我不知道中學的情況, 可有人比d意見我呢?

puibb

我有朋友因經濟問題都要send佢d仔女返HK讀書，香港本地學校收唔收，要睇:
1學校有無位
2中文程度
3在外國的成績
4興趣、課外活動成績
5操行
我朋友d仔女回流多數都未能入到英文中學（因成績普通），但有個在外國得到好成績，課外活動成績都好好，入到九龍城區一名女校。

你姪女試寫中文字嗎？她懂法文嗎？因為本地一些名校有少量外藉學生，她們可選擇不上中文課而上法文的。所以你可選擇這些學校，如果你要這些學校名單或我朋友回流的仔仔女女入讀學校的名單，你可PM我，可供你作個參考呢。

Puibb

Cammy

好呀, 唔該晒, puibb,

請pm我那些您提及的學校和名單, 其實以我所知我姪女d成績真係幾差, 不過好似聽佢講過佢對design幾有興趣.  唉, 我都知除了國際學校都幾難找了,  不過我都會try下.  唔該晒您先.

請問其他人可有給予寶貴意見.   謝謝.

virgokaren

Cammy：

如果你真的找不到其他學校，可以試下去：
官立嘉道理爵士中學(西九龍)
http://www.seksswk.edu.hk/main.htm
這學校是專門接收小數族裔學生的(印巴族裔居多)，用英文教學，校舍設施不錯。
只是，我在其他網站看到有人說其校風麻麻，你考慮下！
但你姪女是美國出生，不知道可不可入讀官校？
你最好去教署問下。

wiseman

有冇考慮過一些寄宿學校，如果姪女已十五歲，婆婆會否看唔住她呢？馬鞍山有間寄宿中學，費用相宜，十分強調設計類科目，可能適合你姪女，不過你姪女唸中幾，聽講中一會優先入宿。網址︰http://cmos.edu.hk。