明年升中一既大家會選擇邊間中學~~~元朗區

six

如題~~~   

祉翱媽咪

如果成績好,第一自願當然是鄉中,
要有好大把握先好揀鄉中,如果唔係會浪費左個機會~

第二會揀趙中,如果數學叻揀商中好D!

而中文中學第一會揀白約翰,盧幹庭,鄧佩瓊,基朗,信義

six

祉翱媽咪你既分析好好呀!!中文中學第一會揀白約翰,盧幹庭,鄧佩瓊,基朗,信義,我都係咁睇.
小女既成績係全級頭5-10名以內,吾敢考慮呢間冇把握.因個囡小學既老師d子女大部份都讀鄉中,佢地話如果接近考試期間就會有好多學生請假吾返學,留係屋企溫習同補習.另有個同學既哥哥升左上去,考試全科合格,但係都差不多包尾.老師成日要見家長,要求佢自己退學.咁吾合格個D點算,聽到都好驚.
商中我個囡就好鍾意,佢有好多朋友都係讀呢間.而且好多同學都會報商中,但係如你所講數學叻揀商中好D,我就有d擔心,因個女D數學吾係咁精.
請問崇德&元中有冇意見??

祉翱媽咪

six,
你囡囡讀邊間小學?
讀鄉中壓力都幾大,我表弟讀左半個學期就頂唔順,
佢以前個同學讀左4年都仲讀緊中二,要留班,
但會一定直升中四,鄉中好多課外活動,都好多姿多采~

祟德同元中比較易入,元中收得最多就係元朗官小,
近幾年退步左,我以前都係讀元中,
而祟德D英文真係好勁,但好多家長都會揀元朗市學校.

你囡囡考10名之內,如果報趙中都好大機會入到,
其實數學唔精都應該入到商中,數學係A等級就得~
我諗如果數學唔精,學校都會谷D學生....
我朋友係英皇同人補Maths,佢有好多鄉中,趙中學生...
但一個商中都無~

統一派位如果揀屯門D英中都幾大機會,
劉金龍,屯官,陳瑞芝,董玉娣等...
(我老公係屯官教的)

six

我個女係光明讀,佢中,英,數同其他科,操行全部A等級.但係學校85分已經係A等級,小女d數學都係85-89,但係吾過90.所以比較擔心數學呢科............就連第一輛自行報考(商中)都冇把握.
至於劉金龍,我都有考慮過,跨區既機會係咪會大D呢??但係其他屯門區既中學就冇諗過,一來怕成績吾得入吾到浪費左機會,二來路程吾想太遠..
我老公同你睇元中同祟德既意見一致.祟德我老公話校風同成續近呢幾年下降左,早前(祟德)好似校慶,請左阿囡學校部份學生參觀,我個囡有份去,但係返黎同我講吾係咁鍾意間學校.
就佢D成績,要第一輛自行報考到英中,實在冇把握.如果攪珠派位吾好,真係吾知點算.
:cry:  :cry:

tingyanmom

去年(即今年中一)我仔仔就自行報梁銶琚,(現在讀緊)和朋友的仔仔沒有自行報,但選時選馬可賓(屯門幾好的中文中學)都ok,去年真的所有朋友都可以第一自願,如果識揀真的好些,去屯門因車程問題,不是人人去的,要捉心理,只要是A級,不會問你幾多分的,我知商中是沒有面試的,所以不知自行報選時,機會幾大,因我仔仔面試時那老師很明顯地提示會收我仔仔,所以他在7月才肯不等派位就去了德國比賽,SIX,你囡囡的成績都不錯,為什麼這麼擔心?她有課外比賽的嗎?因自行報校是要計分的,(成績最多計一半)梁銶琚除外,佔60%,課外佔25%-30%,操行佔5%-10%,面面表現又約佔30%,(英文中學,英文能力佔10%,你可以考劍橋英語試,11個盾就合格的)每一間都不同,表格會有列明的,你可以先打聽你想考的幾間學校的計分方法,再計自己囡囡的成數,這樣比較安全些,每一間學校都有好老師,也有壞學生,最重要是你囡囡喜不喜歡讀那學校,像我仔仔,他是可以以第一個在校拿鄉中的優先表格,而郷中也很有意思收他的,但他自己堅決放棄權利,要自行報梁銶琚,和他吵了一場,因路程太遠(我住水圍,報時西鐵還未得)會影響他學習,但他說是他讀書,如果不能讀到他喜歡的學校,更會影響他學習的興趣,又好像幾正確,所以我由他自己選擇,不要看輕他們的意見,我們太緊張可能會疏忽了一些對他們很重要的事情的,希望你不要見怪我的多事.

six

tingyanmom好多謝你既意見,(不要看輕他們的意見,我們太緊張可能會疏忽了一些對他們很重要的事情的).講得好岩.
(囡囡的成績都不錯,為什麼這麼擔心?)因為太多人會選擇"商中"佢自己問同學大部份都選擇呢問.而且阿囡既成績吾係真係咁標青,仲有其他小學既競爭..........
劍橋英語試已經考左,阿囡都有參加校內和校外比賽(柔道和遊泳),但係有d中學(e.g鄧佩瓊)係吾睇活動比賽既成績.我都吾知"商中"有什麼收生要求...

:-|

white1

Hi all,

睇見你地就好啦,我個女是Brand2 頭的學生,可唔可以俾d意見,點選?
White1

tingyanmom

six
    商中因沒有面試,所以都不知自己得唔得,去年我仔仔的好朋友也是同班同學,他是考第二名的,全級第四,是拿學校的優先表格報商中, 攪珠時又選商中,但都派不到,但一個全級考30名的(靈愛每級只有78人),但派到商中,所以你還是放鬆些好,你可以打電話去問商中的收生要求的,他們一定要答的,我知我過去了才可以輕鬆說話,但真的不到你擔心的,除非你的小朋友不合級或非常標青才不用擔心,我仔上了中學也說,每間中學都差不多,梁銶琚已是十優學校,但我仔仔的西史老師也一樣說錯中心人物,中文老師讀錯音,我的朋友的女兒去了趙聿修,她在靈愛時是頭五名的學生,但上了中學,她的班主任講課一點都聽不明,另一朋友的兒子上了商中,但發夢都不停串生字,又一朋友的兒子去了崇德,星期日全日都在做功課,每晚要看英文書至十二時,才不會欠功課,只要你的囡囡是A級的,攪珠就和全級第一名一樣機會,要看你的編號是否好,但這編號我們是永不會知的,所以要讀就堅持到底,不要後悔

tingyanmom

WHITE1
     你是否也是一元朗區的,但我元朗區的不是太熟,如果屯門,馬可賓不錯的 BRAND 1中文中學

six

white1 寫道:
Hi all,

睇見你地就好啦,我個女是Brand2 頭的學生,可唔可以俾d意見,點選?
White1

其實仲有六年級既報分試同學校考試可以係呢次追番.妳囡有冇參加課外活動同公開比賽?如果Brand2 頭的學生,我就會選鄧佩瓊同基朗,呢兩間都吾錯.但係鄧佩瓊係自行收生既標準,係吾可以有C(中,英,數,操行要係B/B+以上)至會俾表格你,冇面試.而課外活動就吾睇既.而基朗既收生學業成績及面試表現(各佔40%)，個人特質，如操行、服務及技能(20%)面試主要以粵語對話，亦有英語交談環節.

white1

Hi,

多謝你們的意見!

White1