中文/英文教學一問

ho_fish

想請問各位mama知唔知中文同英文教學有乜野分別。有人話比我知分別唔大, 只係平日上課英文教學用英文授課, 但係好多英文教學既學校平日都係用中文授課。

但今日竟然有人同我講, 佢諗中文教學既學校d書全部係中文, 想知有無人知道係唔係呀?

另, 各位覺得小學讀開中文教學既小朋友, 升中係唔係真係好大問題?

may_chan_

ho_fish,
我個女讀開既係中文教學既小學,佢今年入左間英中,佢話有d科目既老師係唔准講中文架,如果講一個中文字就罸1蚊入班會,唔覺意講左一句就慘lor,總之除左中文,中史,普通話外就全部都係英文啦,不過佢話佢冇問題,仲笑個校長做乜響早會特登講慢d英文黎就佢地添~好多讀開中文教學既小學生都係升上英中都冇問題架,你唔駛怕喎^^

ho_fish

唔該晒may_chan, 咁你個女有無需要特別比佢去補英文呀?

may_chan_

ho_fish,
我個女之前讀果間小學有外籍老師課架(其他小學都有架),我見個女放學時&佢d同學同個外籍老師一路行一路傾好開心,佢地夠胆講就得架啦,我冇另外同佢補英文架,不過d功課我會睇緊d,但就唔會比壓力佢lor,因為佢試過失過手我都冇鬧過佢,人有起有跌唔出奇架ma^^

marinayiu

Hi, ho_fish,

可否講我知你女兒讀邊間小學及中學arh?(或pm給我)
同埋你有無請開賓妹gar? 如無的話, 你囡囡真係算叻la.

Thankss!