升中準備

戴夫

仔仔讀小五，第一次的呈分試已考，黎緊暑假同小六的時間，想好好準備升上 band 1 中學，而且準備應付面試，求教各位高見！

os_ecu

- One on one 鬼佬操下英語對話, 呢個主要唔係改進英語能力,得幾個月變唔到法術了, 係要俾信心佢放膽講 Speak Up with confident.
- 補下數學 (for 呈二, 三, 因為跟住你會發現同學仔個個都會好勁, 要突圍變成鬥小心鬥熟)
- 寫下 中英文課外書 既 book report, 呢啲嘢返緊學時跟本唔會有心機做  (某啲學校交表時要交埋), 又好過無目標齋睇
- 同佢傾下時事, 天文地理 呢啲嘢又係返緊學時跟本唔會有心機做
- 一齊玩下輕鬆下, 過一啲 quality time : 例如 board game, uno 之類 (好重要, 爸媽一齊玩唔係由佢自己去打機)


大把嘢可以做

戴夫

os_ecu 發表於 17-6-13 09:09
- One on one 鬼佬操下英語對話, 呢個主要唔係改進英語能力,得幾個月變唔到法術了, 係要俾一信心佢.
- 補下 ...

多謝你的寶貴意見！

王家爸爸

戴夫 發表於 17-6-12 21:29
仔仔讀小五，第一次的呈分試已考，黎緊暑假同小六的時間，想好好準備升上 band 1 中學，而且準備應付面試， ...

老實講，因人而異，無得one size fits all。其實你小朋友鍾意啲嘜野？
例如，如果小朋友鍾意睇電影，可以睇多啲西片，既可以娛樂，又可以學英文。

os_ecu

王家爸爸 發表於 17-6-14 10:41
老實講，因人而異，無得one size fits all。其實你小朋友鍾意啲嘜野？
例如，如果小朋友鍾意睇電影，可以睇 ...

我小朋友成睇 Youtube 鬼佬啲片, 係好癲既但都學到一啲生字 (e.g. cringe, 呢個字我係近一年先識 , 失禮)

戴夫

王家爸爸 發表於 17-6-14 10:41
老實講，因人而異，無得one size fits all。其實你小朋友鍾意啲嘜野？
例如，如果小朋友鍾意睇電影，可以睇 ...

仔仔鍾意 lego，因為我都係 (emoji)！佢既小學無一條龍，成績都 ok，班入面十名內，運動丶音樂都有玩下，藝術方面就麻麻哋！藝術方面，有咩短時間可以有D ＂證書＂呢？

另外，升中得兩條路：一係靠成績+運氣既派位，一係靠成績+即場表現既入學面試，運氣嘅嘢真係冇得控制，但係面試相對上可以有些準備，我唔認同面試係唔需要準備嘅，因為無論大人見工，僱主都會期待應徵者有啲準備

ctingmama

我囝囝本身都幾怕生保 又比較內向
都驚佢出去面試時會蝕底

YDLFATHER

把自己看做是班長領袖生, 克服怕醜的心态

littlecath

戴夫 發表於 17-6-14 20:41
仔仔鍾意 lego，因為我都係 (emoji)！佢既小學無一條龍，成績都 ok，班入面十名內，運動丶音樂都有玩下， ...

面試一定要準備。我做請人嗰個，年中見唔少人。今次阿仔面試，出面面試班➕我train 咗佢三個月，只要唔考學術的，面試都通過曬。佢學業一般，主要靠面試食糊。

ctingmama

littlecath 發表於 17-6-14 21:53
面試一定要準備。我做請人嗰個，年中見唔少人。今次阿仔面試，出面面試班➕我train 咗佢三個月，只要唔考 ...

你阿仔本身性格是否較外向？
有咩秘訣？

戴夫

littlecath 發表於 17-6-14 21:53
面試一定要準備。我做請人嗰個，年中見唔少人。今次阿仔面試，出面面試班➕我train 咗佢三個月，只要唔考 ...

我都好想知道有咩秘訣？

出面面試班如何？？

happy105

littlecath 發表於 17-6-14 21:53
面試一定要準備。我做請人嗰個，年中見唔少人。今次阿仔面試，出面面試班➕我train 咗佢三個月，只要唔考 ...

面試班有啲好hea 可以分享下你仔係邊到讀面試班

littlecath

阿仔不屬於怕羞型，但都不屬於主動示好型，勝在討論問題時敢講自己意見。缺點係不算太有禮貌，有時會俾人覺得佢寸。

面試班因為佢時間難夾，升小六暑假後段搵咗以前補英文oral 的英文班，NET 一對一上咗6堂，但上唔到group discussion.

三個月每個禮拜六日，夜晚一個鐘，同佢練習 面試禮儀、rehearsal 、討論時事、我同佢玩group discussion. 玩rehearsal 唔係為咗背答案，係為咗俾佢知道，面試有可能俾人問各種各樣的問題，唔好俾嚇窒先。

不斷洗腦：同佢講，如果直資入唔到，去到大抽獎就只能派band 2. 直資有面試，叫得你去面試，只要你唔出錯，就有機會入，仲要係你唯一入band 1 的機會。申請表媽咪做好曬，幫你爭取翻嚟有得面試，依家叫緊糊，你面試得就食糊（阿仔其實唔識打麻將～）。所以佢都肯配合面試表現唔錯。好多成績好過佢既同校同學，都入唔到final in, 但佢都可以。

有一場面試，我有得入去睇，校長問既問題好抽象下，佢都答得唔錯，雖然答案答得比較bb，但可以感覺到佢唔係背答案的，也是佢的真實想法。所以都有offer。

成績band 2, 有課外活動，入咗band 1 C 直資。

os_ecu

littlecath 發表於 17-6-14 21:53
面試一定要準備。我做請人嗰個，年中見唔少人。今次阿仔面試，出面面試班➕我train 咗佢三個月，只要唔考學術的，面試都通過曬。佢學業一般，主要靠面試食糊

爬完EK啲文章, 發現有啲直資/自行 面試時會問以下既項目, 我就會花啲時間同小朋友cascual咁講下 :
- 成語 / 諺語 / 某啲特別詞語
- 科學知識, 一般常識
- 英文短句
- 時事 (呢樣考常識科時己經歸納咗一次, 材料可以重覆使用)

同埋模擬一啲考官會問既問題
- 自我介紹,
- 自己的強弱項, 點樣改進
- 將來的個人目標, 點樣達到
- 對體藝項目的意見

係英文方面因為無嗰個語境所以難啲自己嚟, 考慮搵外援

***

剛睇到你個 post, 謝謝你分享點 train 面試 !!
  

littlecath

IloveJJ 發表於 17-6-15 10:34
想請教一下，我都有响屋企同我仔玩小組討論(中文)，係學校既功課嚟。我想問下，你响屋企做，會係兩個人?定 ...

我嗰個都係小動作多多，我會在面試訓練中調教。但試過有專家話，男仔就係動作多，佢郁身郁勢時其實在思考緊，唔好糾正佢，唔知真定假。不過我都會叫佢面試時忍一忍。佢都肯配合。

屋企小組討論得兩個人，一般佢話乜我就調翻轉challenge 佢。等佢習慣下俾人challenge，然後學識怎樣禮貌地回應，仲要有point，唔係齋嗌交。之後我再會review，教翻佢頭先如果點答就會好啲，純討論，唔規定佢一定要跟我。

有好多學校小組面試會考合作完成某項任務，提下佢合作好重要，唔好出風頭，又唔好扮鵪鶉。

試過有second in 佢自己去，老師問佢家長呢？佢答，我自己搞得掂，所以媽咪冇請假。加分！不過佢不嬲可以獨立出街，只要我帶過一次，九龍新界可以自己去。

王家爸爸

戴夫 發表於 17-6-14 20:41
仔仔鍾意 lego，因為我都係 (emoji)！佢既小學無一條龍，成績都 ok，班入面十名內，運動丶音樂都有玩下， ...

其實任何證書都得，證書只係面試時既開場白，等大家有話題。所以重點唔係證書，而係小朋友對證書背面既知識有幾熟。如果非常熟開場之後可能娓娓道來，機會一定高；否則開場之後只能講得好表面既野，甚至唔識講，機會一定低。

小鹿揀學校

IloveJJ 發表於 17-6-15 10:34
想請教一下，我都有响屋企同我仔玩小組討論(中文)，係學校既功課嚟。我想問下，你响屋企做，會係兩個人?定 ...

家裏的媽媽好温純，但其實外面地球好危險，要掟佢出去同人大混戰先得㗎，特别是心儀的是KC

王家爸爸

ctingmama 發表於 17-6-14 21:15
我囝囝本身都幾怕生保 又比較內向
都驚佢出去面試時會蝕底

我見過啲内向、怕生、不善於表達自己既小朋友一提起捉棋，即時變成另一個人。所以如果驚小朋友面試時會蝕底，最好培養佢一、兩樣興趣，等佢面試時可以講。

mcl203

littlecath 發表於 17-6-15 10:51
我嗰個都係小動作多多，我會在面試訓練中調教。但試過有專家話，男仔就係動作多，佢郁身郁勢時其實在思考 ...

1 to 1 好難做到小組討論既模式，小組討論亦唔係一定挑戰對方。但，甚麼練習都一定有某D效用 ~~~