講下屯門區中學

Michellemama

有冇小朋友讀屯門區中學既家長晌度呀???
你地個小朋友讀緊邊間中學呀??讀中幾??
可唔可以比我地d後輩認識下你地.

tingyanmom

我小朋友讀順德聯誼總會梁銶琚中學 ,剛升中一,大家認識,認識,指教,指教

Michellemama

tingyanmom,
好多謝回應.
梁銶琚中學聽聞係一間幾好既中學,係咪真架??
好難入架??
你個仔讀成點呀??辛唔辛苦??

pator

好中學？何謂好中學？我以前F.4讀屯門區某官中勁多「飛仔」，上堂食

tingyanmom

Michellemama
      我仔仔讀得很開心,他的班主任是一個很盡責的好老師,他定期和同學一起"飯聚",傾談,同學雖然有一些比較百厭,但都是好孩子,學校很關心小朋友,因我家最近發生了一些事,老師和社工都盡量幫忙,令我們很快渡過難關,雖然今次事件令仔仔成績跌落第八名,但經今次事件我對學校更有信心,我也相信學校好不好不一定是因為名校不名校的,但只要自己人格好的,根本不會做出一些壞事來的,就算同學怎樣壞,自己已是中學生了,應該有能力知道什麼應該做,什麼不可以做的,不要懷着推卸責任的態度,這麼!才會有進步,世界才會美好些,如果有得罪,請不要見怪!
梁銶琚真的幾難入的,如果不是同一機構小學,自行報選時只收全級頭五名的學生,除非你課外獎非常多,但真的是很好的學校,老師真的是有愛心的,功課不是太多,但就很多要用電腦做,而且收集分析的,比較花時間做,但多數不是一天做的,會有幾天的時間,而且有一些是要和同學合作一起做,初初仔仔真的有點不習慣,因一一下像要長大的,什麼都和小學不同,可能以前我太照顧他了

Michellemama

tingyanmom,
好多謝你分享你仔仔在校既情況.
我都聽聞梁銶琚真的幾難入,你仔仔是由那間小學升上去架??
你仔仔讀書有冇感受到好大壓力同競爭呢?

Michellemama

pator,
都好多謝你既分享.
我都明白,因為我都有類似依d經歷,不過晌葵青區囉.

tingyanmom

Michellemam
     仔仔沒有說有壓力,只是不是以星期幾上堂,是以day幾上堂而執錯書包,今天又忘記帶運動衫,因他今天沒有對我,我沒有準備好放在他一走可以拿走的地方,但人就比以前懶散了一些.他小學是在元朗聖公會靈愛小學讀的.
每一間學校都有好和不好的學生和老師,做家長的真的要多與子女溝通才好!

一個爸爸

tingyanmom 寫道:
Michellemam
     ...........在元朗聖公會靈愛小學讀的.....

元朗轉屯門,轉區?! :wink:

may_chan_

我個女都係由天水圍轉去屯門區的中學,天水圍係屬元朗區,好似係元朗區既中學學位唔夠,屯門區又有多(唔知啱唔啱),所以預留十個八個學位比我地元朗區申請架。

Michellemama

tingyanmom 寫道:
Michellemam
     仔仔沒有說有壓力,只是不是以星期幾上堂,是以day幾上堂而執錯書包,今天又忘記帶運動衫,因他今天沒有對我,我沒有準備好放在他一走可以拿走的地方,但人就比以前懶散了一些.他小學是在元朗聖公會靈愛小學讀的.
每一間學校都有好和不好的學生和老師,做家長的真的要多與子女溝通才好!

晌元朗讀開小學,點解唔揀番元朗中學既??你唔嚴遠嗎??
人就比以前懶散了一些--->why??因為讀左依間中學??識到d唔好既同學??
你覺得依間中學中英文程度如何??係咪傳聞中咁好呢??
你個仔成績ok嗎??需唔需要補習??
唔好意思...好多問題.
不過我真係了解多d小朋友岩岩上中學既情況.

Michellemama

一個爸爸 寫道:
元朗轉屯門,轉區?! :wink:

咁又唔會.
你對屯門既各中學有何高見呀??
其實我只係想多d了解...睇下屯門中學係咪人地講得咁好或者咁唔好呀!!

Michellemama

may_chan_ 寫道:
我個女都係由天水圍轉去屯門區的中學,天水圍係屬元朗區,好似係元朗區既中學學位唔夠,屯門區又有多(唔知啱唔啱),所以預留十個八個學位比我地元朗區申請架。

你好呀!!
你個女讀緊邊間中學呀??讀中幾??

may_chan_

Michellemama

我個女在保良局百周年李兆忠讀中一,呢間中學係佢自己選擇 ,所以佢讀得好開心,佢話唔明d小同學點解好掛住小學既生活,佢話佢就唔會,因為果度d老師好好,佢覺得比小學自由好多,比我既感覺,佢真係好鍾意呢間學校

Michellemama

may_chan_,
李兆忠聽聞係屯門好top既中學,係咪真架??
你覺得程度如何??
你個女由邊間小學升上去架??係咪保良局d小學呀??

may_chan_

Michellemama

李兆忠屬屯門區好既中學之一,至於程度,因我沒有比較過其他中學,所以我都不大清楚^^,不過我女兒在小學時的成績在全級頭5名內,但在今次總測的成績只屬一般,大概中上左右,所以我估計呢間中學既程度唔算低掛^^至於功課方面唔係太多,到目前為止,暫時都未須要補習住,還可以應付,不過以後就唔知啦
她不是在保良局的小學升上去的,是她自己考到???或者派位派到???真係我都唔知 總之一句講晒~真係好彩la~,未知派位結果前真係好担心、好驚架,而家叫做暫時舒一口氣
係啦~你個小朋友係唔係今年升中呢??

一個爸爸

Michellemama 寫道:
[quote]
一個爸爸 寫道:
元朗轉屯門,轉區?! :wink:

咁又唔會.
你對屯門既各中學有何高見呀??
其實我只係想多d了解...睇下屯門中學係咪人地講得咁好或者咁唔好呀!!
[/quote]

屯門區水平較高學校
(一)兩間官中,與官小聯系
(二)順德聯誼總會(何日東-->梁球琚)
(三)保良局李兆忠及董玉娣 (學生來源由數間區內小保良)

另外,校風以一些有教會背景的學校優先, 如陳瑞芝等.

tingyanmom

Michellemama
     這中學是他自己選的,他說這中學合他的要求,他的成績一直很好,以前小學只在考試前一天讀已第一名,中學,他又是這樣,加上家裏發生了事,所以今次只考第8 名,他沒有補習的,是自己讀,小學4 年級前就是我自己教他,之後他自己溫的,中英文都很深,我仔仔就是這2 科考得不好才拉低分數,其他科都有九字頭的,這2 科就6 字尾,可能是因為不用明天就交功課,所以我覺得他懶散,但他上學就很開心,他是一個遇強越強的人,所以我不用擔心他,他又喜歡參加課外活動,所以星期一至六都會在校,星期日學羽毛球,沒有一天停下來

Michellemama

may_chan_,
好多謝你既分享.
似乎依家學校真唔錯.
我個女出年至升小一咋.
我真知我個女有排都未讀中學,開依個topic只係純粹好奇,想8下依度中學既實況.
係呢,你個女由邊間小學升上去家??
我代好多家長問你.

Michellemama

一個爸爸 寫道:
屯門區水平較高學校
(一)兩間官中,與官小聯系
(二)順德聯誼總會(何日東-->梁球琚)
(三)保良局李兆忠及董玉娣 (學生來源由數間區內小保良)

另外,校風以一些有教會背景的學校優先, 如陳瑞芝等.

一個爸爸...你果然好有高見.
你係味老師黎架.
請問以你既個人意見,你覺得屯門區水平(如學術、老師質素和學生質素)如何呀...同出面市區或港島區比較.
係咪真係比出面底d呢??
點解咁多家長為左d仔女讀d好既學校(佢地認為)而搬出去呢??又或者要d子女坐長途車出去返學呢??
屯門d中小學真咁唔可取嗎??