補習老師收費？急

bbboop

如果請上門補習，3年同4年班，Mon to Sat每天兩小時，大概幾多錢？
Urget . Thanks

TTJTMaMa

For F3.-F.4 at least HK$100 - 150 depend on the experience

mccmom

bbboop,

你的意思是不是小三及小四兩個小朋友一同補兩個鐘?

通常視乎老師嘅學歷而定,讀預科的大約$50-$60一小時,讀緊大學嘅一小時要多$10-$20,如果在職老師就要$90-$150一小時不等...... 有些專補名校嘅老師可以收到$180-$500一小時架!!!

先決定你想要邊種

樂樂

我個仔六年班,他個補習老師[大學二年]她收我$65/小時.她話我個仔乘,收平小小.   

bbboop

我想兩個一齊補，個半鐘夠未呢？我稔大學生Ok la ，各位意見呢？

mccmom

我個女都係小六,個姐姐F.7畢業後完成了兩年IVEY課程,依家讀緊副學仕,我個女小五時佢收$60,到升上小六我就自動加到$70比佢(因為見佢都好有心機教),一星期補一至兩日(一個半小時),我只係叫佢溫吓果個星期教左嘅野,有時間就教定新野;最緊要係你要講清楚你想點補

哈里波特

mccmom,

唔好意思, 我講野比較直. 其實你個補習老師未必夠料同你個女補英文科. 因入IVY的qualification要求好低, 可能佢會考得十一. 二分個d, 好彩的, 英文 grade D/C, 還可以同小六補下英文, 若得 grade E 以下, 怕且佢都係要邊教邊自己讀埋一份. 不過, 若佢地好合得來, 你個女好聽佢支笛, 咁咪補埋今年再算.

以上係我個人意見, 可能我要求較高.  而家小學d英文都好深, 有時我問個女 (P.6)點解咁咁...., 佢可以好清楚話我知, 呢個係用 gerund, 個個係用 bare infinitive.  仲有好多conditional sentense, 個老師要有好clear的mind set 才可立刻告訴個小朋友, 由其改作文, 小d功力都唔掂.  我個女一個私人補, 另外再去英專成班一齊補.  私人的是我個friend, 她是名校英文科主任, 但經佢批改過的作文, book report, 有時都走眼, 有少許錯.  試問入唔到大學的補習老師, 點幫到個小朋友呢!

哈里波特

如果真係好急, 建議你去百佳, 惠康看看私人廣告, 看看他們的resume, 例如而家讀大學, 主修邊科, 有無經驗......., 見埋個人, 傾下計, 睇下佢有無責任心同愛心, 看看d certificates, OK 就試試, 此終唔試唔知得唔得, 又唔駛sign contract, 唔合心就say goodbye.  我以前都急過 (小女P5的時候), crazy 過一段時期, 而家settle down.

bbboop 寫道:
如果請上門補習，3年同4年班，Mon to Sat每天兩小時，大概幾多錢？
Urget . Thanks

worldpeace

點解你D禁平???? 我個女P.5 要$350/HR, 佢係學校代課老師黎咖, 禁算唔算好貴啊??????????   

mccmom

Hi, 哈里波特,

你講嘅完全正確,佢會考英文得D(syl B),中文同Maths就有C,的確唔可以cover到英文;老實講,我個女好奇怪架,由小二開始我已經發現佢中文同常識特別差,一定唔到七十分(五十幾都試過!)但數學同英文都有八十分左右(但唔會太高),三年班重要repeat(平均分六十幾分,全級數170人考151,係我要求學校repeat嘅 :wink: )
由果時開始補習,講明主要補中文和常識,有時間就教啲數學,英文只限串字咋,啲補習姐姐都覺得奇怪,不過我講左佢地當然會照做啦,次次大部分時間都教呢兩科,都幾悶;所以一發覺個姐姐同個女唔夾或覺得佢只為錢而無心機補嘅,我就會換人,亦有d姐姐升左上大學--通常year 2開始唔得閒都要換人(因為考試唔得閒補對我個女果兩科影響好大!!!)
數學我會買兩本練習比佢測驗考試前做吓,教番佢錯左果啲就得 四五年班開始,我個女平均分都有79-85分左右,睇吓常識攞到幾多分啦(亦係有70分,有90分架,哈!)老實講,升上中學我就會搵過弟二個喇.
英文以前無補習通常都有80分左右,由小六開始,我同事介紹左個1:1專補英文嘅比我(喺Maryknoll附近),二百幾紋一個鍾架,不過上次呈分試有91.5分,都值得.今次係有丈史以來考得最好(全級150人考25呀) :

對唔住,會唔會覺得我太長氣呢 不過我都想同大家分享吓我嘅經驗.都係果句--最緊要知道自己需要一個點樣嘅補習老師,先至幫到個小朋友架    四月中我個女考最後一次呈分試喇,一齊努力   
mccmom  

CHUCHU

哈里波特,

兩個星期前,我真係問過百佳Notice一個補習老師,佢話佢係現職小學英文老師,收$80一個鐘,可以教到英文作文,因為我特別要求尼飯.不過仲考慮緊,唔知好唔好請,我都未諗清楚想個女更上層樓,定還是保持水準呢. :idea:   唔知補咗係米會成績更加好?

哈里波特

mccmom,

原來如此! 做咁多野, 有咁大的進步, 都值得. 其實我個女都有少許進步, 應該咁講, 可以keep番P1-P3的成績. 我發現, 真係好多人早在P4已經開始補, 所以P4-P5感覺我個女退步, 呢個就係不進則退的原理. 佢d同學, 愈勁愈補, Maths 93 分要補上98-100分. 所以明列全級10名內的上到St. Paul Co-ed 未入學就羅獎學金. 而我的要求係要keep band 1, 為上英中作好準備, 唔好到時跟唔上.

大家努力. 其勉之!

哈里波特

ChuChu,
聽講market price for a teacher @$200/hr. 你呢個咁平, 問清楚好d. 其實英文要花好多時間去教, 好難好快見功. 補唔補, 見人見智. 不過我希望個女可以早d學好英文, 免得上英中難適應. 聽講好的英中唔太教書, 佢地著重思考訓練, even my daughter does not have a lot of homework since P5, they also do project instead.  無人教, 要食自己, 看你有幾多功力了.

哈里波特

各位BK,
我個女現在正努力最後呈分試, 下週中我就可以'luck'身.
各位努力.

hotdogpapa

幾舊水一個鐘，殺左我好過...我就寧願訓小d，睇多兩本書..自己補好過~小學姐！

CHUCHU

哈里波特,

聽你咁講,個補習老師可能係吹水,唔係教書喎,我都驚佢假架.

唉!你'luck'身,我就九月開始打仗啦 :cry: 我都要做好準備先至得.

我隻女d中英文作文都作到~~~~ 睇見都一縠眼淚 :cry:  所以都想做d嘢幫下佢,英文閱讀理解,平時都有90幾分,佢都好肯睇書架,但就水過鴨背,冇了到 :evil: 希望而家惡補唔會太遲.

哈里波特

唔到你唔信, 好多小朋友聽人講都唔聽父母講. 依時補習, 依時完成習作.  以前買落d習作, 叫佢做, 叫到無氣, 又"使"又尿, 全部白du du, 未做過.

道理等於女人點解比錢人減肥, 成幾萬銀都去, 咪一樣犯賤.

hotdogpapa 寫道:
幾舊水一個鐘，殺左我好過...我就寧願訓小d，睇多兩本書..自己補好過~小學姐！

mccmom

哈里波特,

你咁快'luck'身真係好 .
難得你無笑我;我d朋友十個-十個都話我傻架,常識都要補習   不過自己先知自己個女事......

我個女都係聽人講多d, 補習都重可以做梗d買落嘅補充, 叫佢做叫十次都無反應架,好似自己自言自語咁 :-| ,早兩年科科買三本,半本都做唔到,我同事個女四年班,從來都唔洗買練習 :exclaim:  :exclaim: ,所以依家每科買一本,數學就兩本.
的確無錯,我都係見d同學仔個個都谷行哂我先至面對現實,比個女出去補英文咋,五年班已經覺得d同學仔嘅英文不斷進步,上堂老師無乜點教架!!我都只係想個女keep 住band 1入到英中就得架喇(已經係超額完成 ).
祝各位囝囡都派到理想嘅中學   

mccmom

CHUCHU

mccmom,哈里波特,

我以前都有好多習作買落冇做,一叫做都一樣係個句"又屎又尿",我就回應一句,"懶人多屎尿"

mccmom

CHUCHU,

哈!我個女都係補習(個半鐘)或叫親佢做練習就梗要去厠所咕喎 (大小都有:exclaim: ) ,但玩就三四個鍾都唔洗去.不過我都由得佢,總之"me more"完又坐返低再做就算架喇

mccmom