紀律，被遣忘了的價值。 (有感而發)

Lalaji

先此聲明，我無心褒眨任何一間學校及教學模式，只是有些慨嘆現時子女教育有點矯枉過正。

我小正處入pn階段，想信有不少家長和我一樣下不少功夫比較不同學校，希望找到一間“好學校”為孩子鋪路。不少家長甚至己考慮到小學或中學的涵接問題。其中國際學校vs本地也是重要的考慮。

我和大家一樣通常看該校名氣，學術為先，例如升小派位就成為了大家重中之重的核心價值。有人可能會着重品德，這也是本人十分重視的。但紀律呢，似乎大家己經遣忘了。 也許大家都認為而家著重講道理 。老師亦不經不覺失去了權威，亦懒理學生問題，因為總有些家長會出頭反 駁， 將問題複雜化。 回想起以前老師有相當嘅權威，唔單止學生怕老師，連家長亦都忌老師幾分，因此老師在訓導時師容易， 家長亦信任老師會教好小朋友。

最近我有個親戚小孩子讀頗有名的IB學校小一，出現學生欺凌，甚至有些少暴力行為。雖然只係小學雞嘢，但問題在於老師完全唔理，張問題交回家長處理，相信一來這些較外國思维的學校一向較自由，二來不少家長是權貴，老師亦费事招麻煩。但我心想俾着我以前，此類問題就算唔洗記缺點，亦要罰留堂之類。

紀律呢樣嘢有時啲人會覺得係一種大石砸死蟹嘅嘢， 因為始終係由一位 比較有權力嘅人去執行。 當中服從係一個好重要嘅元素，但係唔知幾時開始， 紀律同埋服從就被定性為一種死板，高壓 ，同好守舊嘅一種模式。 我個人認為呢個可能就係大家見到 現時年輕人太自我，唔聽人講， 同埋難以同人(尤其是年長或較高级的人)合作 嘅原因。

所以有時我比較傾向將小朋友擺番喺本地學校，用傳統嘅方法教佢， 因為畢竟我自己條路都係咁行返嚟的。 但又有唔少人同我講而家世界變咗，本地課程 太谷太辛苦， 令小朋友冇曬創作力云云。 又話香港很危險，日後要去外國讀書等等。

唔好意思要大家聽聽我廢噏講咗咁多嘢， 我有啲懷念以前嚴師出高徒嘅日子。 唔知大家喺選校過程裏面有冇諗過類似嘅嘢？

Jane1983

你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一面，未必有事實的全貌。加上小一d小朋友仲細，又剛開學，老師可能係放一放，唔想一開始就罰和大鬧，未必真係咁鬆。

mimi222shi

我個人好重視紀律, 唔守規距讀書幾叻都無用

社會真係變左好多, 好多引誘,就算小學生都可以滿口粗言穢語(我自己從不講粗口), 沉迷打機... ...
欺凌點會無(我小朋友學校無, 只係一句稍為唔尊重同學的說話, 老師已會捉他們講道理, 但聽朋友們的經歷都唔少)

正確觀念要從小培養, 尤其品德/紀律.

Yanamami

紀律从小由家庭做起~

Yanamami

紀律从小由家庭做起~

mimi222shi

樓主小朋友仲係pn, 揀間好幼稚園好重要

以自己小朋友為例, 在幼稚園時出名活潑, 考超過十間直私.
在面試前好多時要集合, 我發現絕大部分小朋友會企唔定/搞人/有好多小動作等.
我發現原來自己小朋友可以好守規矩, 耐心等候, 聽老師指令, 那一刻我肯定自己選對了幼稚園.

小朋友好喜歡自由, 如果我選紀律鬆的學校, 我相信老師唔會點理佢, 而他永遠也不知道什麼是紀律.

如果幼稚園寬鬆, 上小學才收緊, 相信小朋友會感辛苦.

同意家教好重要, 但朋輩影響仲緊要(尤其越大越重要)

moniko

Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。

我小正處入pn階段 ...

其實我覺得品行係家責任。

cherrieshum

Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。

我小正處入pn階段 ...

我絕對支持紀律及服從，尤其小學時期

mimi222shi

我和另一半都曾經覺得幼稚園超嚴(嚴過小學), 但絕不會在小朋友面前提, 揀得間學校就要配合.
一定要家校合作!

幼稚園只上半天

小學返全日時, 就會感受到朋輩影響係非常重要.
如果同學興打機/粗口/煲劇(從幾位朋友口中得知-一線學校)...你做左另類有機會被人排斥,幾個同學夾埋玩一個都常有
有好多老師HEA 教, 教書求求其其, 無咩大事都唔會理.

Lalaji

Jane1983 發表於 17-9-3 08:51
你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一 ...

唔係好嚴重，但畢竟有人受傷，父母有責任教小朋友，但老師亦有責任跟進事件，不是要歸咎任何小朋友，而是做好為人師表的教導角色，用事件教好小朋友，引以為戒

Lalaji

Yanamami 發表於 17-9-3 09:46
紀律从小由家庭做起~

同意，但畢竟依家小朋友在校時間越來越長，越大越受同學影響。老師如不管好校內紀律，壞風氣一長，好難改正。其實我想講既係，今時今日的學習風氣係我地家長一手造成。試問幼稚園，升小，升中的討論中，有幾可聽人揾一間重紀律，教得嚴的學校？人人都想揾一間又happy, 但又派位好的學校。係咪missing something even more important? 如今教學商業化，有咁大demand話要成绩好，但要happy唔鬧得，咪supply返啲咁嘅目標為本嘅學校俾大家。

Lalaji

mimi222shi 發表於 17-9-3 10:52
我和另一半都曾經覺得幼稚園超嚴(嚴過小學), 但絕不會在小朋友面前提, 揀得間學校就要配合.
一定要家校合作 ...

返全日係重點。同學影比我哋以前再大咗。唔反對有家長話品德操行係家庭責任，但學校亦不應只是操書的兵工廠。

我有朋友在校風較差的小學任教。我很同意他說同學間對小朋友的影響遠超家長。所以他必須為自己仔女尋找校風较好的學校

Lalaji

mimi222shi 發表於 17-9-3 10:05
樓主小朋友仲係pn, 揀間好幼稚園好重要

以自己小朋友為例, 在幼稚園時出名活潑, 考超過十間直私.

其實我正取捨本地定國際學校。一方面我擔心本地變本加厲填鴨式教育，另一方面又擔心國際學校太冇王管

Yanamami

Lalaji 發表於 17-9-3 15:02
同意，但畢竟依家小朋友在校時間越來越長，越大越受同學影響。老師如不管好校內紀律，壞風氣一長，好難改 ...

明白。喺EK有幾位家長都有提過幼稚園階段要培養小朋友紀律同自理（b4升小一），例如早睡早起、自己食飯、如厕、做功課收拾書包......等。我女小學就好重視德育同家校合作，面試會問到家長如何面對老師罰小朋友（當然喺有需要時），同學都尊重老師、同學。學校喺群體生活，就會注意到群體既相處。我諗小、中學唔喺軍校，多用善誘同提點多過嚴同紀律黎達到教小朋友既目的。其實band2、3有好多中學都嚴、規矩多。個人覺得小學先教已經喺遲，好多觀念喺幼稚園時植入喺最佳時機，家長對住小朋友既時間多，喺佢地第一個老師，小學喺加強已有觀念既時候。

thousandtwinkle

Lalaji 發表於 17-9-3 08:30
先此聲明，我無心褒眨任何一間學校及教學模式，只是有些慨嘆現時子女教育有點矯枉過正。

我小正處入pn階段 ...

非常同意

rabbittwin

小朋友今年P1，第一日返學就話老師拍枱罵人，因為個小朋友畫人地本書，又畫自己隻手。我覺得老師要嚴，但唔可以惡或嚇的方式下馬威。這個拍枱行為，我都有同小朋友解釋，或因為老師不開心所致，要體諒老師但千萬不可跟或學。正正這些行為亦會影響小朋友分辨是非的能力。我們這代的老師很威嚴，受人尊敬，但從來不是以惡或破口大罵的方法壓制學生呀,。無可否認，而家老師壓力極大。

1998Ruby1998

我依家就算補習都要訓練返小朋友自己收拾桌面、玩具、唔準拉凳拉檯，要提起檯凳、執返地下垃圾（有個小妹妹紙巾跌落廚房地下，佢話 dirty 唔肯執，我話：「反正你都要洗手，快 d 執起佢 dum 落垃圾桶！」）同時我都會要佢地尊重老師，落堂可以做朋友，但係上堂一定要聽話專注。

不過都唔怪得，依家好多小朋友有工人，工人好少會教道理、個人休養（有補習學生個姐姐會教禮儀，真係好好彩）。以前老師唔太算係鐵飯碗行列，真心想做老師嘅人多。依家老師成為真正嘅鐵飯碗，好多人都未必懂得教書／教德育。唯有做父母，自己儘量多教。

yovin

Jane1983 發表於 17-9-3 08:51
你講的欺凌事情，有幾嚴重呢？我都唔鍾意hea住唔想理，事事推莊的老師。不過家長只聽自己小朋友講事件的一 ...

以前细個認為破格的人好突出、好有型。
現在長大了，在工作上才明白纪律的重要性。原來個人突出唔理會章規，是會為其他人帶來好多麻煩。
即使自己認為再對都好，也要服從規則，重視紀律。因為人人都覺得自己是對的，想做就去做，完來是危險的。
現在媒體常常歌頌個人注意，放大了破格的人嘅英雄感，容易令人忽略紀律的重要性。

siubbsw

rabbittwin 發表於 17-9-3 23:16
小朋友今年P1，第一日返學就話老師拍枱罵人，因為個小朋友畫人地本書，又畫自己隻手。我覺得老師要嚴，但唔 ...

對付d曳男仔，唔惡係唔得，講道理當你唱歌