你地有冇每日叫初小學生做課外練習？

Kingkong6

佢地願唔願意做呀？

polly0503

大女k 3 因9月升小一兩星期前每天加中英練習佢做等佢早D習慣，暫時都肯做因我開獎勵計劃效果幾好。

ANNAFRIEND

Kingkong6 發表於 12-7-2 20:55
佢地願唔願意做呀？

一時時啦. 但絕對唔可以一次過比太多. 我個人好性急, 想佢地每次做多點. 佢地就會好抗拒.  

susan04

仔仔唔肯做，要同佢鬥堅持，幾個月之後的今天，佢终於明白自己有所不足，亦可能佢比下面，，，肯做啦。我的要求是肯做，養成習慣，不用做太多。

Kingkong6

原帖由 polly0503 於 12-07-02 發表
大女k 3 因9月升小一兩星期前每天加中英練習佢做等佢早D習慣，暫時都肯做因我開獎勵計劃效果幾好。



  ...

你用什麼獎勵計劃呢？
我仔都是k3, 我買了幾本不同類型的練習，但他只愛做用貼紙完成的練習，抄寫的冇乜興趣

leeyin

無, 平時已經多功課做, 如果佢做完學校功課再比其他練習佢做, 怕佢做學校功課時專符慢慢做, 因為知道做得快都係無得抖抖既~

lojo11

唔會每日，weekend先有時間做。

anixon

唔會，weekend有時間先做。

marcuscyrus

應該臨考試先會做

polly0503

做完一份功課奖一張貼紙夠22張就有一份$20以下的禮物。

jeffsir

都有買D作業卑佢做下,做下,放低陣,又玩一陣,又再逼佢做一陣

klpoon

每天做完課外練習, 系日曆度級印仔, 一個月總結...會比阿仔阿女自己簡禮物或佢喜歡既活動

kp_sin2001

K3開始有做, 只做小一上既數學, 但每星期只做三日, 每次一頁, 中文和英文會比十個生字温習, 每星期默一次書, 慢慢練成習慣已當應份.

wsl05

小女 k3升小一，現每日要她做中英數補充練習，有時兩頁，有時一頁，depends on 是否多抄寫。我覺得小一的中文同幼稚園相差好遠，尤其是閱讀理解，加上這部份在小學的中文卷佔了一個幾高的比重，另外英文是小女較弱的，數學方面，她由k1已習慣每日做數( 已學了三位times 三位及三位除一位有餘數)，總結以上原因，我每日都比練習佢做。但有一日，同事問我呢個暑假有什麼同個女做，我話做補充囉，佢就同我講睇住佢恨你一世......就這樣，我個心開始諗我是否一個變態的家長!!依家就算怎樣忙，只要她做了我要她做的練習，便盡量配合她去這處去那處。

ANNAFRIEND

wsl05 發表於 12-7-3 11:06
小女 k3升小一，現每日要她做中英數補充練習，有時兩頁，有時一頁，depends on 是否多抄寫。我覺得小一的中 ...

我覺得先預習小一課程is a must. 特別係課程深的小學, 你會覺得追唔切.  數學著重文字題, 要在這方面多練習. 小一只是基本的加減數, 一般小朋友都沒問題. 難就難在理解文字題的題目.

ANNAFRIEND

我小朋友今年升小二, 總結小一課程中英數常, 暫時覺得最難係數學. 因為我小朋友冇出去補數. 靠自己教. 而家d數根本唔同以前, 唔係普通加減, 係好著重思考. 有時學校的題目似IQ題tim. 我小朋友算係細女, 思維始終唔係好得, 考試只得7x唔高分. 所以呢科暫時覺得最惡攪. 我要請專科幫手. 希望小朋友長大思維好d, 又有專科幫手會拿好一點的成績.

wsl05

現時學的數學係basic 即加減乘除和思考題(不是學校課程，主要訓練思維)。我想佢接觸奧數，我問過佢only for summer)，佢話唔想學，我唔想迫佢，驚佢驚左數學，弄巧成拙就死，同時，我覺得只要訓練佢思維，以後什麼應用題、中學的數學課程, phy, chem, boi 都唔使驚。而學深d 的計算，只是為佢將來做數學功課唔使用咁多時間，因為傳統小學係好多數學功課，如做太耐，一會影響其他學科溫習，二會影響親子

JJDBB

我的小朋友吩咐左做，佢會做，佢知暑假，放假曰子
佢會hea住做，例如早上中，英，數各做兩頁，下午又各
做兩頁！考試，你吩咐做多少少，佢又好快手做！
不過婆婆話我比多少少，其實唔系少少！

總括黎講，佢會分配到時間！但有時都會偷懶，
始終糸小朋友嘛！

ppsfung

K2, K3在長假期會同小朋友一齊做課外練習.

升小一後本身功課量都不少, 在長假期或考試前補習社有比PAPER小朋友做, 所以我極少再比補充練習佢做.

但是小一後每天也會做綱上功課, 每星期看中英文課外書各一本, 做工作紙交回學校.